রোদ ত্রান্সপোর্ত অমসুং হাইৱেজ অমদি এম.এস.এম.ই.গী কেন্দ্র মন্ত্রী শ্রী নীতিন গদকরীনাজি.দ.পি.দা এম.এস.ই.না শরুক য়াবা অসি চাদা ৩০ রোমদগী চাদা ৫০ হেনগৎহন্নবা, অমদি এক্সপোর্তা চাদা ৪৯দগী ৬০দা হেনগৎহন্নবা পান্দম থম্লি হায়না ফোংদোকখ্রে। নীতি আয়োগনা ঙসি পাংথোকখিবা আত্মানির্ভর ভারত এ.আর.আই.এস.ই. অতল ন্যু চেলেঞ্জ ভর্চুএল ওইবা মীফম অমদা ৱা ঙাংলদুনা শ্রী গদকরীনা হৌজিক মীওই কোতী ১১না থবক তৌরিবা অসিদা চহি ৫দা এম.এস.এম.ই. সেক্তরদা থবক করোর ৫ শেম্নবা পান্দম থম্লি হায়না ফোংদোকখি।

শ্রী নীতিন গদকরীনা নীতি আয়োগকী আত্মনির্ভর ভারত এ.আর.আই.এস.ই. অতল ন্যু ইন্দিয়া চেলেঞ্জ হৌদোকপা অসিদা থাগৎপা ফোংদোকখি অমসুং ভেল্যু এদিসন অসিদা নিংথিনা ওইহন্নবা তৌবগী তোঙান-তোঙানবা লমশিংদা মায়োক্নরিবা খুদোংচাদবশিং অসি ফহন্নবা পাম্বৈ পুথোক্নবগী থবক তচৌবদা অনৌবা তেক্নোলোজী শিজিন্ননবা পুক্নিং থৌগৎখ্রে। মহাক্না অহেনবা চেংগী ৱাথোকশিং অসি থম্লদুনা মায়কৈ অমদা থমজিন্নবগী খুদোংচাদবা অসি ইথানোল পুথোক্নবদা শিজিন্নবা য়াই হায়না থমখি অদুগা অতোপ্পা মায়কৈ অমদনা লৈবাক অসিদা অশংবা ফ্যুএল ফংহন্দুনা ইম্পোর্ত তৌনবগী মহুৎ শিন্নবা তৌবা য়াই হায়না হায়খি। ৱাফম মসিগী মতাংদা মখা তানা ৱা থম্লদুনা ইনোবেসন্দা খুদোংথিবাব মায়োক্নবা ঙম্বগী পাঙ্গল লৈবা/অনৌবা সোলুসন থিবগী মথৌ তাবা অদু হেনগৎহন্নবা তৌগদবনি অমসুং মসিগী থবক চত্থবা অসিদা বোনাফাইদ ওইরবা অশোইবশিং অদু ঙাক্তুনা থম্বগী মথৌ তাই হায়না ফোংদোকখি।

লৈবাক অসি চাউখৎনবা থবক অসি হেন্না খোংজেল য়াংশিলহন্দুনা থবক তৌনিংবগী অনিংবা-অপাম্বা লৈবা জিলাশিং য়াওনা শোত্থরবা অমদি ত্রাইবেলনা খুন্দাবা মফমশিং অসি চাউখৎনবা পরম অসিদা পুশিল্লক্নবা তৌগদবনি হায়না মন্ত্রীনা ফোংদোকখি।  প্রধান মন্ত্রীনা খুন্নাইগী ওইনা অমদি শেন্মিৎলোনগী ওইনা শোত্থহৌরবা মফমশিং অসিদা চাউখৎহন্নবদা হেন্না মিৎয়েং থমখিবা অদু মন্ত্রীনা পুথোক্তুনা খংহনখি। সাইন্সনা সেদ্যুল কাস্তশিং অমসুং সেদ্যুল ত্রাইবশিং য়াওনা মীয়ামগী খুদোংচাদবশিং অসি ফহন্নবা খবক তৌগনি হায়বা প্রধান মন্ত্রীগী ভিজনগী ইনোৎ অসিগী মতুং ইন্না থবক তৌবগী মথৌ তাই হায়নসু গদকরীনা ফোংদোকখি।

মন্ত্রীনা মখা তানা অনৌবা অশেংবা তেলেন্ত অসিসু চাউখৎহন্নবগী তাঞ্জা ফংনবা  ঙম্নবা ইনোবেসন অমসুং ওন্তর্প্রিন্যুরশিং পাক চাউনা শৌগৎনবা হায়খি। মসিনা মমল হন্থহনবদসু মতেং পাংগনি।  স্কীমশিং অসিগী থবক পাংথোকপা অদু ওদিৎ তৌবনা লৌউ-শিংউ অমসুং এস.তি./এস.সি.শিংগী ওইনা স্কীমশিং হেন্না ফগৎহনবদা মতেং পাংগনি হায়না থম্মোইদা ফাওখি।

আত্মনির্ভর ভারত এ.আর.আই.এস.ই. অতল ন্যু ইন্দিয়া চেলেঞ্জ থৌরাং অসিগী পান্দমদি মন্ত্রীশিংগা অমদি মরি লৈনরিবা ইন্দস্ত্রীশিংগা পুন্না তেংবাংনদুনা রিসর্চ, ইনোবেসন অসি ইনোৎ হাপ্পা ঙম্নবা অমদি মফমদুগী ওইবা খুদোংচাদবশিং অদুগী অনৌবা সোলুসন ফংহন্নবনি। 

*****