সোসিএল জজতিস্ত অমসুং ইমপ্বারমেন্ত মিনিস্ত্রিগী মখাদা লৈবা আর্তিফিসিএল লিম্বস মেনুফেকচরিং কোরপোরেসন ওফ ইন্দিয়া(অলিমকো), কানপুরগী রিছর্স অমসুং দিবলপমেন্ত বিল্দিং অমা ভর্চুএল ওইনা ঙসি সোসিএল জজতিস্ত অমসুং ইমপ্বারমেন্তগী য়ুনিয়ন মিনিস্তর থাৱারচান্দ গেহলোতনা শঙ্গাখ্রে। কানপুরদগী মীয়ামগী মীহুৎ শ্রীমতি সাকুন্তলা দি.গেমলিন, দি.ই.পি.দব্লিউ.দিগী সেক্রেতরি অমসুং সেনিয়র ওফিসিএলশিংসু ওনলাইন্দা শরুক য়াখি।

থৌরম অদুদা য়ুনিয়ন মিনিস্তরনা হায়খি অনৌবা খুদোংচাবা কয়া য়াওরবা রিছর্স অমসুং দিবলপমেন্ত বিল্দিং অসিনা অলিমকোনা হৌজিক পুথোক্লিবা পোৎথোকশিং ফগৎহনবা ঙম্লগনি অমসুং মশাগী ওইবা অনৌবা পোৎথোকশিং পুথোকপা অমসুং আই.আই.তি কানপুরগা লোয়ন্না থবক তৌমিন্নদুনা অনৌবা কয়া পুথোকপদা মতেং পাংলগনি। মসিনা লৈবাক অসিগী ‘দিবয়াংজন’ অমসুং ‘অহলশিং’গী মতেং পাংলগনি।

মথোল মরি লৈবা রিসর্স অমসুং দিবলপমেন্ত বিল্দিং অসি অপুনবা ওইনা ইসক্বার মিতর ১৮৫৬ কোল্লি। গ্রাউন্দ ফ্লোরদা ক্বালিতি কন্ত্রোল, দিজাইন অমসুং দিবলপমেন্তগী অৱাংবা থাক্কী মেছিনশিং হায়বদি স্পেক্তোমিতর, য়ুনিভর্সেল তেস্তিং মেছিনশিং য়াওনা অফবা মেছিন কয়া থম্লি। গ্রাউন্দ ফ্লোরগী অপুনবা পাক-চাউবা অসি ইসক্বার মিতর ৪৮১.৭৫নি। অহানবা মথোলদা ক্বালিতি কন্ত্রোলগী ওফিস অমসুং লেব লৈরি। অনিসুবা মথোলদা দিজাইন অমসুং দিবলপমেন্তগী ওফিস অমসুং লেব লৈরি। গ্রাউন্দ ফ্লোরদা বি.তি.ই এশেমব্লি, তেস্তিং অমসুং মসিগী থমফম ওইরি । মসিগী ফ্লোর অসি ই.এস.দি(ইলেক্ত্রো স্তেতিক দিসচার্জ) য়াওরবা লৈমাইনি, হায়বদি মীওইবগী হকচাংন পুথোকপা চার্জ চুপশিনগনি অমসুং বি.তি.ইগী ইলেক্ত্রোনিক পার্তশিং পানখৎপা মতমদা অশোই-অঙাম থোকহল্লোই। পি.দবল্যু.দি তানরবা মতুংদা বিল্দিং অসি মপুংফানা শাবনি অমসুং মসিদা নোংগী ঈশিং লৌশিন্নবা খুদোংচাবা য়াওরি।

*****