নীতি আয়োগ

অতল ইন্নোবেসন মিসন্না আত্মনির্ভর ভারত এরাইস-এনিক্কী খোঙথাং হৌদোকখ্রে

ইসরো অমসুং মন্ত্রালয় মরি য়াওশিনখ্রে

Posted On: 09 SEP 2020 7:55PM by PIB Imphal

অতল ইন্নোবেসন মিসন (এ.আই.এম.), নিতি আয়োগনা ভারতকী এম.এস.এম.ই.শিং অমসুং স্তার্তঅপশিংদা এপ্লাইদ রিসর্চ অমসুং ইন্নোবেসন থৌগৎনবা খ্বাইদগী খৌরাংনা ঙাইনরিবা প্রোগ্রামশিংগী মরক্তা অমা ওইরিবা আত্মনির্ভর ভারত এরাইস- অতল ন্যু ইন্দিয়া চেলেঞ্জেস ঙসি হৌদোকখ্রে।

সেক্তরগী ওইবা সমস্যাশিংগী অনৌবা ৱারোইশিনশিং পুরক্নবা ইন্দিয়ন স্পেস রিসর্চ ওর্গনাইজেসন (ইসরো), মন্ত্রালয় মরি  - ঙাকশেল মন্ত্রালয়; ফুদ প্রোসেসিং ইন্দস্ত্রীস মন্ত্রালয়; হকশেল অমসুং য়াইফ য়ুম্বাল মন্ত্রালয়; অমসুং হাউসিং অমসুং অর্বান এদিয়র্সকী মন্ত্রালয় – অমসুং মরি লৈনবা ইন্দস্ত্রীশিংনা প্রোগ্রাম অসি লৌখৎকনি। 

খোঙথাং অসিগী ভর্চ্যুল ওইনা হৌদোকপগী ৱারোল পীবদা মাইক্রো, স্মোল অমসুং মীদিয়ম ইন্তর্প্রাইজেসকী মন্ত্রী শ্রী নিতিন গদকরীনা হায়খি, “এম.এস.এম.ই,শিং অসি লৈবাক অসিগী চাউখৎপা পুরক্নবা ইঞ্জিন্নি অমসুং মখোয়দগী আশা কয়া তৌরি। ঐহাক্না থাজৈ খোঙথাং অসিনা সেক্তর অসি খুমাং চাউশিন্নবা মথৌ তাবা ইন্নোবেসনশিং খঙদোকপদা অমসুং ফগৎহন্নবদা মতেং পাংলগনি।” প্রধান মন্ত্রী শ্রী নরেন্দ্র মোদীগী সাইন্তিফিক রিসর্তা মীৎয়েং থম্বগী ৱাখল্লোন অদু নৌহৌনা নীংশিংদুনা মহাক্না হায়, “সাইন্সনা শেন-থুমগী অৱাবশিং কোকহনবদা মতেং পাংগদবনি অমসুং সাইন্তিফিক রিসর্চ অসি লেবশিংদগী মপান থোরক্তুনা তৌগদবনি।”

ইকাই খুম্নরিবা মন্ত্রীগী ৱারোল অদু য়ানিংবা উৎতুনা নিতি আয়োগকী ভাইস-চাঞ্চেলর ওইরিবা দা রাজিব কুমারনা হায়খি খোঙথাং অসিনা ভারতপু মাংলোমদা চংশিনবদা চাউনা থৌদাং লৌগদবা মরম ওইদুনা মতেং পাংবদা মতি চারবা তেক্নোপ্রিনোরশিং অৱাংবা থক্তা পুখৎপদা মতেং পাংগনি। “ঙসি অসি ইতিহাসিক ওইরবা নুমিৎ অমনি মরমদি সাইন্স অমসুং তেক্নোলোজীগী সেক্তরগী মরু ওইবা মীশকশিংনা এম.এস.এম.ই. সেক্তর চাউখৎহন্নবা ঐখোয়গা লোয়ননা পুন্না থবক তৌমিন্নরগনি,” হায়না মহাক্না ফোঙদোকখি।

আত্মনির্ভর ভারত এরাইস-এনিক প্রোগ্রাম্না প্রপোজ তৌরিবা তেক্নোলোজী সোলুসন অমসুং/নত্রগা প্রদক্ত অদু খোঙজেল য়াংনা শেমগৎনবা লুপা লাখ ৫ ফাওবগী শেনগী তেংবাং ফংহন্দুনা ইন্নোবেসন্দা য়ুম্ফম ওইবা মতিক চবা এপ্লাইদ রিসর্চ তৌরিবশিংদা তেংবাংগনি।

“তেক্নোলোজীবু অৱাংবা থক্তা পুখৎলিবা ইসরো নত্তনা অতোপ্পা ভারতকী বিভাগশিং অমসুং অচৌবা কম্পনীশিংনা তোপ তোপ্পা থবক তৌরিবা অনৌবা স্তার্তঅপশিং থৌগৎখিবা অমসুং পুখৎনবা হোৎনখিবা লৈতে। এরাইস-এনিক্কী মাই পাকপা অসিদা সরকারনা অহানবা বয়র ওইগদবনি। ঐহাক্না থাজৈ এ.আই.এম.না শীংনবশিং অসিগা লোয়ননা অনৌবা কয়া তৌবা ঙমদুনা মসিনা ভারতকী অনৌবা প্রদক্তশিং শেম্বা ঙমহনগনি,” হায়না নিতি আয়োগকী সি.ই.. শ্রী অমিতাব কান্তনা মখা তাখি।

সাইন্স অমসুং তেক্নোলোজীগী অনৌবা প্রদক্তশিং তঙাই ফদবগা লোয়ননা মসিগী প্রদক্তশিং অসি প্রোক্যুর তৌবগী খুদোংচাবা অমা ফংবা অসি চপ মান্ননা মরু ওইরি হায়না প্রিন্সিপল সাইন্তিফিক এদবাইজর প্রোফেসর বিজে রাঘবন্না হায়খি। “মসি ওইবা ঙম্নবা চহি খরা অসিদা সরকারগী পোলিসীশিং চাউনা অহোংবা পুরকখ্রে। হৌজিক মসি রাজ্য সরকারশিংগী প্রোক্যুর্মেন্তগী মেকানিজমশিংদা য়াওহন্দুনা ভারত্তা শাজবা প্রদক্তশিং অসি কৈধেলদা য়ৌহন্নবা খুদোংচাবা অমা পীবা তাই। ঐখোয়না সাইন্তিফিক্কী লমদা এরাইসবু মপুং ফানা শৌগৎকনি হায়না ঐহাক্না থাজবা পীরি,” মহাক্না মখা তাখি। 

এরাইজ-এনিক খোঙথাংগী মরু ওইবা শরুক অমা ওইরিবা ইসরোগী চ্যেরমেন দা কে সিবন্না হায়, “ইসরোনা এম.এস.এম.ই. সেক্তর অসি চাউনা মতেং পীরি। মখোয়গী ৱাখল্লোন অদু কান্নবা প্রদক্তশিংদা ওন্থোকপদা খুৎ পাইদুনা লজিং লমতাক পীবা মথৌ তাবা স্তার্তঅপ অমসুং এম.এস.এম.ই. মশিং কয়া লৈরমগনি হায়না ঐহাক্না থাজৈ অমসুং খোঙথাং অসিগা লোয়ননা পান্দম অসি মাই পাকপা ঙমগনি খল্লি।”

এ.আই.এম. মিসন দিরেক্তর শ্রী আর রমান্দদনা হায়খি এম.এস.এম.ই.দা মখল কয়া য়াওরি অমসুং পি.এম.গী আত্মনির্ভর ভারত অমগী ৱাখল্লোন অদু ফংনবা হোৎনবদা মরু ওইবা থৌদাং অমা লৌরিবা খ্বাইদগী য়াংনা খুমাং চাউশিল্লিবা সেক্তরশিংগী মরক্তা অমনি।

“তরামঙাশুবা আত্মনির্ভর ভারত এরাইস চেলেঞ্জস অসি এম.এস.এম.ই. স্তার্তঅপশিংগী সেক্তরগা লোয়ননা মেক-ইন-ইন্দিয়া ইন্নোবেসনশিং পুথোক্নবা অমসুং অনৌবা রিসর্চ অমসুং দিবেলপমেন্তগী ৱাখল্লোনশিংদা তোপ তোপ্পা খুদোংচাবা অমা ফংহন্দুনা কৈথেলদা শীজিন্নবা য়াহন্নবা অমসুং সরকারনা প্রোক্যুর তৌবা য়াবা ফিল্দদা শীজিন্নবা য়াবা এম.এস.এম.ই. প্রদক্তশিং পুথোক্নবা অফবা খোঙথাং অমনি,” হায়না মহাক্না লোয়শিনখি।

অহেন্নবা ই-পাউশিং:

  • অতল ইন্নোবেসন মিসনদগী অতল তিঙ্করিং লেব ১০০ ইসরোনা লৌশিল্লগনি
  • মহাত্মা গান্ধী চেলেঞ্জ মেথদ শীজিন্নদুনা ইন্নোবেতরশিংগী পুক্নিং চিংশিন্নবা ওফিসিএলশিংনা হোৎনরি
  • রোদ ত্রান্সপোর্ত অমসুং হাইৱেজকী মন্ত্রীনা এম.এস.এম.ই. সেক্তর চাউখৎহন্নবা লোয়ননা অতল ইন্নোবেসন মিসনগী মখাদা এরাইস-এনিক্কী খোঙথাং অসিদা মতেং পাংবদা মীৎয়েং চংলি

*****



(Release ID: 1652874) Visitor Counter : 5