কেন্দ্রগী গৃহ মন্ত্রী শ্রী অমিৎ শাহনা লম্বীদা দুকান ফম্লিবশিংদা কান্নবা পীগদবা মোদী লৈঙাক অসিনা চলাইরিবা 'পি.এম. স্বনিধি' স্কিমবু শিংথাখ্রে। প্রধান মন্ত্রী শ্রী নরেন্দ্র মোদীনা ঙসি মধ্য প্রদেশকী লম্বীদা দুকান ফম্লিবশিংগা লোইননা 'স্বনিধি সম্বাদ' পাঙথোকখি। শ্রী অমিৎ শাহনা ত্বীৎ পরিং অমদা অসুম্না হায়খি, "ভারত চাউখৎপা হায়বসি ইরৈচা খুদিংমক্না চাউখৎপগী মখা পোল্লি অমসুং প্রধান মন্ত্রী মোদীনা খুন্নাই অসিগী কাংলুপ খুদিংমকপু মপাঙ্গল কলহন্নবগীদমক হোৎনরি। লম্বীদা দুকান ফম্লিবশিংবু মপাঙ্গল পীগদবা পি.এম. স্বনিধি স্কিম অসি প্রধান মন্ত্রীগী মঙম শানবা মীৎয়েং অমসুং মহাক্না লাইরবশিংগী য়াইফনবগীদমক হোৎনরিবশিং অসিগী মহৈনি।"

কেন্দ্রগী গৃহ মন্ত্রীনা হায়খি, "পি.এম.-স্বনিধি স্কিম অসিনা মীওই করোর কয়াবু কোবিদ-১৯গী লুরবা তানফম অসিদা  মখোয়গী শেন্দান লম্বী নৌনা পীবীরি।" অসিগুম্বা মরুওইবা য়াইফ-থৌরাংগী স্কিম কয়া অসিগীদমক প্রধান মন্ত্রীবু থাগৎপা ফোংদোকচরদুনা শ্রী অমিৎ শাহনা হায়খি, "পি.এম. স্বনিধিনা অপীকপা লল্লোন ইতীক তৌজবশিংদা আত্মনির্ভর পীরি অমসুং মসিনা অনৌবা ভারত অমা শাগৎনবা হোৎনবদা অচৌবা থৌদাং অমা লৌরি।"

ভারত সরকারনা পি.এম. স্বনিধি স্কিম সই জুন ১, ২০২০দা কোবিদ-১৯না চৈথেং পীবীরবা লাইরবা লম্বীদা দুকান ফম্লিবশিংবু মখোয়গী হিংনবগী শেল তানবগী থবক মখা চত্থবা য়ানবগীদমক হৌদোকখিবনি। মসিগী স্কিম অসিনা লম্বীদা দুকান ফম্বা মীওই লাখ ৫০ হেন্না কান্নবা পীনবা পান্দম থম্লি। স্কিম অসিগী মখাদা, দুকান ফম্লিবশিংনা চহী অমগী মনুংদা থাগী ওইনা শিংগৎকদবা শেনবুম ওইনা লুপা ১০,০০০ লৌবা য়াগনি। লোন মতম চানা/ঙন্না শিংগৎলকপা মতমদা, কান্নবা ফংলিবশিংগী বেঙ্ক একাউন্ততা দাইরেক্ত বেনিফিৎ ত্রান্সফরগী থোংদা ক্বার্তরগী ওইনা শেন্দোইগী চহীদা  ৭% হাপ্পীরক্কনি। ঙন্না শিংগৎপা মতমদা পেনালতী অমত্তা পীরোই। স্কিম অসিনা থাদা লুপা ১০০ ফাওবগী কেসবেক্কী খুদোংচাবা পীদুনা দিজিতেল ত্রাঞ্জেক্সনবু পুক্নিং থৌগৎলি। মসিগী মথক্তা, দুকান ফম্লিবশিংনা লোন ঙন্না/মতম চানা শিংগৎপা মতমদা ক্রেদিৎ লিমিৎ হেনগত্তুনা শেন্মিৎলোনগী কৈরাক অমা থাজবা য়াবগী খুদোংচাবা ফংগনি।

भारत का विकास उसके हर नागरिक के विकास में समाहित है और @narendramodi जी हर वर्ग के सशक्तिकरण के लिए कटिबद्ध हैं।

स्ट्रीट वेंडर्स को सशक्त बनाने के लिए ‘PM SVANidhi’ योजना मोदी जी की दूरदर्शी सोच और गरीब वर्ग के कल्याण के प्रति उनकी संवेदनशीलता का प्रमाण है।#AatmaNirbharVendor pic.twitter.com/AMiyWz4SGw

— Amit Shah (@AmitShah) September 9, 2020

PM SVANidhi कोरोना के समय करोड़ों गरीबों की सहायता कर उन्हें आजीविका से पुन: जोड़ने का काम कर रही है। यह छोटे व्यवसायों को आत्मनिर्भर बनाने व नये भारत की दिशा में एक अहम भूमिका निभा रही है। इस कल्याणकारी योजना के लिए @narendramodi जी का आभार व्यक्त करता हूँ। #AatmaNirbharVendor pic.twitter.com/xxY53ld1Mk

— Amit Shah (@AmitShah) September 9, 2020

*****