প্রধানমন্ত্রীগী লোইশঙ

পি.এম.না সেপ্তেম্বর ১০দা প্রধান মন্ত্রী মৎস্য সম্পদা য়োজনা হৌদোক্কদৌরি

পি.এম.না ই-গোপালা এপ হৌদোক্কদৌরি: লৌমীশিংনা হকথেংননা শীজিন্ননবা পুনশিল্লবা ব্রীদ ইম্প্রুভমেন্ত কৈথেল অমসুং ঈ-পাউগী পোর্তেল অমা

পি.এম.না বিহারদা ঙা য়োকপা অমসুং শা-য়েন লোইবগী লমদা অতৈ তোঙান তোঙানবা থৌরাংশিংসু হৌদোক্কদৌরি

Posted On: 09 SEP 2020 1:41PM by PIB Imphal

প্রধান মন্ত্রী শ্রী নরেন্দ্র মোদীনা সেপ্তেম্বর ১০দা প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.) দিজিতেল ওইনা হৌদোক্কদৌরি‍। প্রধান মন্ত্রীনা লৌমীশিংনা হকথেংননা শীজিন্ননবা পুনশিল্লবা ব্রীদ ইম্প্রুভমেন্ত কৈথেল অমসুং ঈ-পাউগী পোর্তেল, ই-গোপালা এপসু হৌদোক্কদৌরি‍। বিহারদা ঙা য়োকপা অমসুং শা-য়েন লোইবগী লমদা অতৈ তোঙান তোঙানবা থৌরাংশিংসু প্রধান মন্ত্রীনা হৌদোক্কদৌরি‍।

বিহারগী গভর্নর অমসুং চীফ মিনিস্তরগা লোয়ননা ফিসরিজ, এনিমেল হনবেন্দ্রী অমসুং দেরিয়িংগী কেন্দ্র মন্ত্রী অমদি রাজ্য মন্ত্রীসু থৌরমদুদা শরুক য়াগদৌরি‍।

প্রধান মন্ত্রী মৎস্য সম্পদা য়োজনা

প্রধান মন্ত্রী মৎস্য সম্পদা য়োজনা (পি.এম.এম.এস.ৱাই.) অসি আত্মনিরভর ভারত পেকেজকী শরুক অমা ওইনা স্তেত/য়ু.তি. খুদিংমক্তা শেনবা চহী ২০২০-২১দগী শেনবা চহী ২০২৪-২৫ ফাওবা চহী ৫গী মনুংদা পায়খৎনবা চাউরাক্না লুপা করোর ২০,০৫০ থাদদুনা লৈবাকসিদা ঙা য়োকপগী লমদা মীৎয়েঙ চঙদুনা তুং কোইগদবা চাওখৎপা পুরক্নবা মাঙজিল থাবা স্কিম অমনি‍। পি.এম.এম.এস.ৱাইগী মখাদা লুপা করোর ২০,০৫০ থাগদৌরিবা অসিনা ঙা য়োকপগী লমদা হৌজিকফাওবদা খ্বাইদগী ৱাংনা শেনফম্নি‍। মসিগী মনুংদা, চাউরাক্না লুপা করোর ১২৩৪০দি সমুদ্র, কংফাল মনুংগী ঙা য়োকপা অমদি এক্বাকল্চরদা থাদনবা অমদি চাউরাক্না লুপা করোর ৭৭১০না ঙা  য়োকপগী মচাক মথুম শেমগৎপদা থাদনবা ৱাফম হৌদোক্লি‍।

পি.এম.এম.এস.ৱাইনা ২০২৪-২৫ ফাওবদা ঙা পুথোকপগী চাং তন লাখ ৭০ হেনগৎহন্নবা, ২০২৪-২৫ ফাওবদা ঙা মপান্দা থাদোকপদগী ফংলকপা শেনফম লুপা করোর ১,০০,০০০দা হেনগৎহন্নবা, ঙা ফাবা মীওইশিং অমসুং ঙা য়োকপা মীওইশিংগী ইনকম শরুক অনি হেনগৎহন্নবা, লৌরোক মতুংগী মাঙবা চাদা ২০-২৫ লৈরমবদগী চাদা ১০দা হন্থহন্নবা, অমদি ঙা য়োকপা অমসুং মরী লৈনবা হীরমশিংদা হকথেংননা অমদি নাকোইননা অহেনবা থবক লাখ ৫৫ শেমগৎনবা পান্দম থম্লি‍।

পি.এম.এম.এস.ৱাই. অসি ঙামীশিংগী য়াইফনবা ঙা য়োকপগী লমদা অচৌবা মেনেজমেন্ত ফ্রেৱর্ক অমা লিংখত্তুনা ঙা পুথোকপদা লৈরমবা মরুওইবা অৱাৎপশিং, পুথোকপগী চাং, মতিক, তোক্নোলোজী ফগৎহন্নবা, লৌরোক মতুংগী মচাক মথুমশিং অমসুং মেনেজমেন্ত শেমগৎনবা, ভেল্যু চেন মতমগা চুনহন্নবা অমদি মপাঙ্গল কনখৎহন্নবা শেম্বনি‍। ব্লু রিভোলুসন স্কিমগী কান্নবশিং তাশিন্নবা পান্দম থম্বগা লোয়ননা পি.এম.এম.এস.ৱাই.না ঙা ফানবা হিগী ইন্স্যুরেন্স, ঙা ফানবা হি অনৌবা লৈবা/ফগৎহনবদা ঙাক্লৌ পীবা, বাইও তোইলেত, থুমহি চেনবা মথমশিংদা এক্বাকল্চর পায়খৎপা, সাগর মিত্র, এফ.এফ.পি.ও./সি., ন্যুক্লিয়ন ব্রীদিং সেন্তর, ঙা য়োকপা অমসুং এক্বাকল্চরগী স্তার্তঅপশিং, ইনক্যুবেতর, ইন্তিগ্রেতেদ এক্বা পার্ক, ইন্তিগ্রেতেদ কোস্তেল ফিসিং ভিলেজ দেবেলপমেন্ত, এক্বাতিক লেবোরেতরীশিংগী নেতৱর্ক অমসুং এক্সতেন্সন সর্ভিসশিং, ত্রেসিএবিলিতীও সর্তিফিকেসন অমসুং এক্রেদিতেসন, আর.এ.এস., বাইওফ্লোক অমসুং কেজ কল্চর, ই-ত্রেদিং/মার্কেতিং, ফিসরিজ মেনেজমেন্ত প্লাননচিংবা অনৌবা ৱাফম কয়া কোনশিল্লি‍।

পি.এম.এম.এস.ৱাই. স্কিমনা ‘ক্লস্তর নৎত্রগা এরিয়া বেজ এপ্রোচ’ অমসুং বেকৱার্দ অমদি ফোর্ৱার্দ লিঙ্কেজকী খুত্থাঙদা ঙায়োক ক্লস্তর শেমগৎপদা মরুওইনা মীৎয়েঙ থম্লি‍। সীৱীদ অমসুং লৈতেংগী ঙা য়োকপনচিংবা থবক পীবা ঙমগদবা থবক থৌরমশিংদা অখন্নবা মীৎয়েঙ চঙগনি‍। মসিনা অফবা ঙা মখল শীজিন্নবা, ঙা মখল খেন্নবশিং, মরুওইবা মচাক মথুমশিং, কৈথেলগী নেতৱর্কনচিংবশিংদা অখন্নবা মীৎয়েঙ চঙগনি‍।

হৌজিকফাওবগী ওইনা পি.এম.এম.এস.ৱাই.গী মখাদা ফিসরিজ দিপার্তমেন্তনা ফেজ-১দা স্তেত/য়ু.তি. ২১গী লুপা করোর ১৭২৩গী শেনফম ওইগদবা প্রপোজেল ২১ অয়াবা পীখ্রে‍। পি.এম.এম.এস.ৱাই.গী মখাদা শেন্থোক লম্বী লৈগদবা থবক থৌরমশিংদা অহেনবা মীৎয়েঙ চঙগনি‍।

বিহারদা পি.এম.এম.এস.ৱাই.না অহেনবা ঙাগী পোত্থোক তন লাখ ৩গী পান্দমগা লোয়ননা কেন্দ্রগী শরুক লুপা করোর ৫৩৫ য়াওবা লুপা করোর ১৩৯০গী শেনফম থাদনবা মীৎয়েঙ থম্লি‍। চৎলিবা শেনবা চহী (২০২০-২১) মনুংসিদা রি-সর্কুলেতরী এক্বাকল্চর সিস্তেম (আর.এ.এস.) লিংখৎনবা, এক্বাকল্চরগী বাইওফ্লোগ পুখ্রি শেম্নবা, ফিনফিস হেতচরিশিং, এক্বাকল্চরগী অনৌবা পুখ্রি তৌনবা, লৈতেংগী ঙা য়োক্নবা য়ুনিত, রিজর্ভর/ৱেতলেন্দশিংদা শারং খিন্নবা, উনগী প্লান্ত, রিফ্রিজেরেতেদ গারী, উনগী উপা য়াওবা মোতোর সাইকল, উনগী উপু য়াওবা কাংখোঙ অহুম পানবা গারী, উনগী উপু য়াওবা সাইকল, ঙা মচিঞ্জাক্কী প্লান্ত, এক্সতেন্সন অমসুং সপ্পোর্ত সর্ভিস (মৎস্য সেবা কেন্দ্র), ব্রুদ বেঙ্ক লিংখৎনবগী বিহার লৈঙাক্কী লুপা করোর ১০৭.০০গী প্রপোজেল কেন্দ্র লৈঙাক্না সেংসন তৌখ্রে‍।

ঙা য়োকপগী সেক্তরগা মরী লৈনবা অতৈ শঙ্গাগদবশিং

প্রধান মন্ত্রীনা সিতামার্হি অমসুং ফিস ব্রুদ বেঙ্ক অমসুং কিসনগঞ্জতা এক্বাতিক দিজিজ রিফরেল লেবোরেতরী লিংখৎনবগী ৱাফম লাউথোক্কনি, মসিগীদমক্তা পি.এম.এম.এস.ৱাই.গী মখাদা তেংবাঙ পীখ্রে‍। হায়রিবা ফেসিলিতীশিং অসিনা ঙামীশিংদা মতিক লৈবা ঙা মরুমশিং মতম চানা ফংহন্দুনা অমসুং লায়না খঙদোকপা অমদি ঈশিং অমসুং লৈহাউ তেস্ত তৌবগী ফেসিলিতী ফংহন্দুনা ঙা পুথোকপগী চাং হেনগৎহনবদা মতেং ওইগনি‍।

মহাক্না মাধেপুরাদা ঙা মচিঞ্জাক্কী মিল অমা অমসুং পত্নাদা ব্লু রিভোলুসনগী মখাদা ‘ফিস ওন হ্বীল্স’ য়ুনিত অনি শঙ্গাগনি‍। মহাক্না বিনিফিসিয়রিশিংগসু থৌরমদুদা ৱারী ৱাতায় শাগনি‍।

প্রধান মন্ত্রীনা বিহারগী পুসাদা লৈবা দোক্তর রাজেন্দ্র প্রসাদ সেন্ত্রেল এগ্রিকল্চরেল য়ুনিভর্সিতীদা কম্প্রিহেন্সিব ফিস প্রদক্সন তেক্নোলোজী সেন্তরসু শঙ্গাগনি‍। সীদ প্রদক্সন তেক্নোলোজী অমসুং ঙাগী দেমোন্সত্রেসন য়ুনিত তেক্নোলোজী, রিফরেল লেবোরেতরী অমসুং দাইগ্নোস্তিক তেস্তিং য়াওরবা সেন্তর অসিনা ঙা পুথোকপগী চাং হেনগৎহনবদা অমদি ঙামীশিংগী মতিং হেনগৎহনবদা মতেং ওইগনি‍।

ই-গোপালা এপ

ই-গোপালা অসি লৌমীশিংনা হকথেংননা শীজিন্ননবা পুনশিল্লবা ব্রীদ ইম্প্রুভমেন্ত কৈথেল অমসুং ঈ-পাউগী পোর্তেল অমনি‍। হৌজিক্কী ওইনা লৌমীশিংনা লায়না চেন্দবা জর্মপ্লাজ্ম মখল খুদিংমক (সিমেন, এম্ব্রাইয়োনচিংবা) লৈবা য়োনবা, মতিক লৈবা মচা কাপ্পগী সর্ভিস ফংহনবা (অর্তিফিসিএল ইন্সেমিনেসন, ভেতিরিনরী ফার্স্ত এদ, তিকা থাবা অমদি লায়েংবনচিংবা) য়াওনা লাইবস্তোক মেনেজ তৌনবা অমসুং লৌমীশিংবু শাগী মচি ওইবা চীঞ্জাক, শা-উচেকশিংবু মতিক চাবা অয়ুর্বেদিক হিদাক লাংথক/ইথ্নো ভেতিরিনরী হিদাক লাংথকশিং শীজিন্নদুনা লায়েংবদা লমজিং লমতাক্নবা দিজিতেল ফম্বাক অমত্তা লৈত্রি‍। লৌমীশিংদা (তিকা থাবাগী মতম, মীরোল্লবরা য়েংথোক্নবা, মচা পোকপগী মতম) অমসুং মফমদুদা ফংবা লৈঙাক্কী তোঙান তোঙানবা স্কিমশিং অমসুং কেম্পেনশিংগী মরমদা এলর্ত থানবা থৌওং অমত্তা লৈত্রি‍। হায়রিবা ৱাফমশিং অসিদা ই-গোপালা এপনা লৌমীশিংদা পাম্বৈ পীগনি‍।

এনিমেল হসবেন্দ্রী সেক্তরগা মরী লৈনবা অতোপ্পা শঙ্গাগদবশিং

প্রধান মন্ত্রীনা বিহার লৈঙাক্না লম একর ৭৫ পুথোক্তুনা লুপা করোর ৮৪.২৭ থাদদুনা রাস্ত্রিয়া গোকুল মিসনগী মখাদা লিংখৎখিবা বিহারগী পুর্নিয়াদা লৈবা স্তেত ওফ দি আর্ত ফেসিলিতী লৈবা সিমেন স্তেসন শঙ্গাগনি‍। মসিনা চহীদা সিমেন দোজ লাখ ৫০ পুথোকপগী মঙম লৈদুনা লৈঙাক্কী সেক্তরদা লৈবা খ্বাইদগী চাউবা সিমেন স্তেসনশিংগী মরক্তা অমা ওইরে‍। সিমেন স্তেসন অসিনা বিহারগী লমদমদুগী শা মখলশিং শেমগৎপা অমদি য়োকখৎপগী অনৌবা মায়ওন অমা পীগনি অমদি নোংপোক অমসুং অৱাং নোংপোক স্তেতশিংগী সিমেন দোজকী দিমান্দ পীবা ঙমগনি‍।

প্রধান মন্ত্রী রাস্ত্রিয়া গোকুল মিসনগী মখাদা লিংখৎপা পত্নাদা লৈবা এনিমেল সাইন্সেস য়ুনিভর্সিতীদা লৈবা আই.ভি.এফ. লেব শঙ্গাগনি‍। লৈবাক শিনবা থুংনা চাদা ১০০ গ্রান্ত ইন এদকী খুত্থাঙদা পুন্না ই.তি.তি. অমসুং আই.ভি.এফ. ৩০ শেমগৎলি‍। হায়রিবা লেবশিং অসি লমদমশিংগী শা মখলশিংগী মতিং লৈবা শা ধারা শন্দোক্নবগীদমক য়াম্না মরুওই অমদি মসিনা শঙ্গোম পুথোকপগী চাং শরুক কয়া হেনগৎহনগনি‍‍।

প্রধান মন্ত্রীনা বিহারগী বেগুসরাই দিস্ত্রিক্তা লৈবা বারোনি মিল্ক য়ুনিয়নদা রাস্ত্রিয়া গোকুম মিসনগী মখাদা আর্তিফিসিএল ইন্সেমিনেসনদা পা-পী খায়দোক্লবা সিমেনশিং শীজিন্নবসু হৌদোক্কনি‍। এ.আই.দা পা-পী খন্দোক্লবা সিমেন শীজিন্নদুনা ষন্নাউ অমোমখক্তমক (চাদা ৯০গী চাং চুম্বা) পুথোকপা ঙমগনি‍। মসিনা লৈবাকসিদা শঙ্গোম পুথোকপগী চাং শরুক অনি হেনগৎহনবদা মতেং ওইগনি‍। প্রধান মন্ত্রীনা লৌমীশিংগী য়ুমথোঙদা আই.ভি.এপ. তেক্নোলোজী শীজিন্নবগী থৌওং উৎপসু হৌদোক্কনি‍। মসিনা চাথোক লৈবা শা মখলশিং পাক শন্না শন্দোকপগী চাং হেন্না খোঙজেল য়াঙহনবগা লোয়ননা তেক্নোলোজী শীজিন্নদুনা চহীদা ষন্নাউ ২০ পোকহনবা ঙমগনি‍।

***



(Release ID: 1652666) Visitor Counter : 61