ਕੇਂਦਰੀ ਵਣਜ ਅਤੇ ਉਦਯੋਗ ਅਤੇ ਰੇਲਵੇ ਮੰਤਰੀ ਸ਼੍ਰੀ ਪੀਯੂਸ਼ ਗੋਇਲ ਨੇ ਕਿਹਾ ਹੈ ਕਿ ਭਾਰਤ ਸਾਫ਼ ਊਰਜਾ ਮਿਸ਼ਨ 'ਤੇ ਸਮੂਹਿਕ ਮਾਨਸਿਕਤਾ ਨਾਲ ਕੰਮ ਕਰ ਰਿਹਾ ਹੈ। ਮੰਗਲਵਾਰ ਨੂੰ ਅੰਤਰਰਾਸ਼ਟਰੀ ਸੋਲਰ ਅਲਾਇੰਸ (ਆਈਐਸਏ) ਵਲੋਂ ਕਰਵਾਏ ਗਏ ਪਹਿਲੇ ਵਿਸ਼ਵ ਸੋਲਰ ਟੈਕਨਾਲੋਜੀ ਸੰਮੇਲਨ ਦੇ ਵੈਲੇਡਿਕਟਰੀ ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ ਸ੍ਰੀ ਗੋਇਲ ਨੇ ਕਿਹਾ, “ਭਾਰਤ ਦੀ ਸਵੱਛ ਊਰਜਾ ਨਾਲ ਜੁੜੇ ਹੋਣ ਦਾ ਸਭ ਤੋਂ ਉੱਤਮ ਹਿੱਸਾ ਇਹ ਹੈ ਕਿ ਅਸੀਂ ਸਮੂਹਿਕ ਮਾਨਸਿਕਤਾ ਨਾਲ ਕੰਮ ਕਰ ਰਹੇ ਹਾਂ,ਸਾਰੇ ਵਿਭਾਗੀ ਸਿਲੋਆਂ ਨੂੰ ਤੋੜਨਾ ਅਤੇ ਅੰਤ ਵਿੱਚ ਸਾਡੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਇੱਕ ਸਵੱਛ ਭਵਿੱਖ ਪ੍ਰਾਪਤ ਕਰਨ ਲਈ ਇੱਕ ਦੂਜੇ ਦਾ ਸਮਰਥਨ ਕਰਨ ਲਈ ਕੰਮ ਕਰਨਾ । ”
 

ਸ੍ਰੀ ਗੋਇਲ ਨੇ ਕਿਹਾ ਕਿ ਸੌਰ ਊਰਜਾ ਅਤੇ ਨਵੀਂ ਟੈਕਨਾਲੌਜੀ ਸਾਡੇ ਕੱਲ ਨੂੰ ਨਿਸ਼ਚਤ ਤੌਰ ਤੇ ਵਿਸ਼ਵ ਨੂੰ ਸਾਫ਼ ਅਤੇ ਜੀਵਨ ਜਿਉਣ ਯੋਗ ਇੱਕ ਬਿਹਤਰ ਸਥਾਨ ਬਣਾਉਣ ਲਈ ਤਾਕਤ ਦੇਵੇਗੀ। ਸ੍ਰੀ ਗੋਇਲ ਨੇ ਕਿਹਾ,ਅੱਗੇ ਵਧਦਿਆਂ, ਸਾਡੇ ਕੋਲ ਆਪਣੇ ਊਰਜਾ ਦੇ ਸਰੋਤਾਂ ਨੂੰ ਸ਼ੁੱਧ ਕਰਨ ਅਤੇ ਇਹ ਸੁਨਿਸ਼ਚਿਤ ਕਰਨ ਤੋਂ ਇਲਾਵਾ ਕੋਈ ਚਾਰਾ ਨਹੀਂ ਹੋਵੇਗਾ ਕਿ ਅਸੀਂ ਸਾਰੇ ਇਸ ਨੂੰ ਭਵਿੱਖ ਲਈ ਬਚਾਉਣ ਵਿਚ ਹਿੱਸਾ ਲਵਾਂਗੇ ਅਤੇ ਕੱਲ੍ਹ ਦੇ ਆਪਣੇ ਬੱਚਿਆਂ ਲਈ ਵਧੀਆ ਭਵਿੱਖ ਸੁਰੱਖਿਅਤ ਕਰਾਂਗੇ"।

ਸ੍ਰੀ ਧਰਮੇਂਦਰ ਪ੍ਰਧਾਨ ਦੀ ਅਗਵਾਈ ਹੇਠ ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਵੱਲੋਂ ਭਾਰਤ ਵਿੱਚ ਗੈਸ ਅਧਾਰਤ ਅਰਥਚਾਰੇ ਦੀ ਸ਼ੁਰੂਆਤ ਕਰਨ ਲਈ ਚੁੱਕੇ ਗਏ ਉਪਰਾਲਿਆਂ ਦੀ ਸ਼ਲਾਘਾ ਕਰਦਿਆਂ ਮੰਤਰੀ ਨੇ ਕਿਹਾ ਕਿ ਹਾਲਾਤ ਨੂੰ ਬਦਲਣ ਵਾਲੀਆਂ ਅਤੇ ਤਬਦੀਲੀਆਂ ਦੇਣ ਵਾਲੀਆਂ ਪਹਿਲਕਦਮੀਆਂ ਦੇਸ਼ ਦੇ ਫੋਸਿਲ ਇੰਧਨ ਤੋਂ ਨਵਿਆਉਣਯੋਗ ਊਰਜਾ ਦੇ ਸਰੋਤਾਂ ਤੱਕ ਨਿਰਵਿਘਨ ਆਵਾਜਾਈ ਵਿੱਚ ਸਹਾਇਤਾ ਕਰੇਗੀ।

ਸ੍ਰੀ ਗੋਇਲ ਨੇ ਕਲਪਨਾ ਕੀਤੀ ਕਿ ਵਿਸ਼ਵ ਵਿੱਚ ਇੱਕ ਦਿਨ ਬਿਜਲੀ ਲਗਭਗ ਮੁਫਤ ਹੋ ਜਾਵੇਗੀ। ਉਨ੍ਹਾਂ ਕਿਹਾ, “ਮੈਂ ਅਜਿਹੇ ਭਾਰਤ ਦੀ ਕਲਪਨਾ ਕਰਦਾ ਹਾਂ, ਜਿਸ ਵਿੱਚ ਇਕੱਲਿਆਂ ਸੌਰ ਊਰਜਾ ਦੇ ਖੇਤਰ ਵਿੱਚ 745 ਗੀਗਾਵਾਟ ਤੱਕ ਜਾਣ ਦੀ ਸਮਰੱਥਾ ਹੈ, ਜੋ ਵਿਸ਼ਵ ਦੇ ਹੋਰ ਹਿੱਸਿਆਂ ਨੂੰ ਲੋੜ ਵਾਲੇ ਸਮੇਂ ਵਿੱਚ ਬਿਜਲੀ ਪ੍ਰਦਾਨ ਕਰੇਗਾ । ਮੈਂ ਪੂਰੀ ਦੁਨੀਆ ਵਿਚ ਇਕ ਆਪਸ ਵਿਚ ਜੁੜਿਆ ਗਰਿੱਡ ਵੇਖ ਰਿਹਾ ਹਾਂ । ਮੈਂ ਇਕ ਵਿਸ਼ਵ ਗਰਿੱਡ ਦੀ ਕਲਪਨਾ ਕਰਦਾ ਹਾਂ ਜਿਸ ਨਾਲ ਸਮੁੰਦਰਾਂ ਨੂੰ ਪਾਰ ਕਰਦਿਆਂ ਟਰਾਂਸਮਿਸ਼ਨ ਲਾਈਨਾਂ ਹੁੰਦੀਆਂ ਹਨ, ਜਿਵੇਂ ਕਿ ਅਸੀਂ ਵਿਸ਼ਵ ਭਰ ਵਿਚ ਊਰਜਾ ਸੰਚਾਲਿਤ ਕਰ ਸਕਦੇ ਹਾਂ । "ਉਨ੍ਹਾਂ ਕਿਹਾ ਕਿ ਸੂਰਜ ਹਮੇਸ਼ਾ ਵਿਸ਼ਵ ਦੇ ਕੁਝ ਹਿੱਸਿਆਂ ਵਿੱਚ ਚਮਕਦਾ ਹੈ, ਹਵਾ ਹਮੇਸ਼ਾਂ ਹੀ ਸੰਸਾਰ ਦੇ ਕੁਝ ਹਿੱਸਿਆਂ ਵਿੱਚ ਊਰਜਾ ਰੂਪ ਵਿੱਚ ਆਪਣੀ ਪਰਉਪਕਾਰੀ ਦਿੰਦੀ ਹੈ ਅਤੇ ਹਾਈਡ੍ਰੋ ਊਰਜਾ ਰਾਹੀਂ ਪਾਣੀ ਵਿਸ਼ਵ ਦੇ ਵੱਖ ਵੱਖ ਹਿੱਸਿਆਂ ਨੂੰ ਸ਼ਕਤੀ ਦਾ ਇੱਕ ਸਰੋਤ ਪ੍ਰਦਾਨ ਕਰਦਾ ਹੈ। 

ਪੈਰਿਸ ਵਿਚ ਸੀਓਪੀ -21 ਸੰਮੇਲਨ ਵਿਚ ਫੈਸਲਿਆਂ ਦਾ ਵਰਣਨ ਕਰਦਿਆਂ ਸ੍ਰੀ ਗੋਇਲ ਨੇ ਕਿਹਾ ਕਿ ਕਾਰਬਨ ਨਿਕਾਸੀ ਦੇ ਪੱਧਰ ਨੂੰ ਘਟਾਉਣ ਲਈ ਕਈ ਸਾਲਾਂ ਵਿਚ ਲਿਆ ਗਿਆ ਸਭ ਤੋਂ ਮਹੱਤਵਪੂਰਨ ਸਮੂਹਿਕ ਫੈਸਲਾ ਹੈ। ਸ੍ਰੀ ਗੋਇਲ ਨੇ ਕਿਹਾ, “ਸਾਰਿਆਂ ਲਈ ਬਿਹਤਰ ਸਾਫ ਸੁਥਰੇ ਭਵਿੱਖ ਲਈ ਇਹ ਸਭ ਤੋਂ ਮਹੱਤਵਪੂਰਨ ਸਮੂਹਿਕ ਫੈਸਲਾ ਸੀ।" ਅਸੀਂ ਦੁਨੀਆ ਦੇ ਸਵੱਛ, ਸਾਫ ਸੁਥਰੇ ਅਤੇ ਬਿਹਤਰ ਭਵਿੱਖ ਲਈ ਕੰਮ ਕਰਨ ਦਾ ਫੈਸਲਾ ਕੀਤਾ ਸੀ, ਕਿ ਹਰ ਦੇਸ਼ ਕਾਰਬਨ ਦੇ ਨਿਕਾਸ ਨੂੰ ਘਟਾਉਣ ਲਈ ਕੀ ਕਰੇਗਾ ਅਤੇ ਜਲਵਾਯੂ ਤਬਦੀਲੀ ਦੀ ਚੁਣੌਤੀ ਨਾਲ ਨਜਿੱਠਣ ਲਈ ਸਮੂਹਿਕ ਤੌਰ 'ਤੇ ਸਾਰੇ ਹਿੱਸੇਦਾਰਾਂ ਦੀ ਵਿਸ਼ਵਵਿਆਪੀ ਜ਼ਿੰਮੇਵਾਰੀ ਹੋਵੇਗੀ। " 

ਅੰਤਰਰਾਸ਼ਟਰੀ ਸੋਲਰ ਅਲਾਇੰਸ ਨੂੰ 100 ਤੋਂ ਵੱਧ ਦੇਸ਼ਾਂ ਵਿੱਚ ਪ੍ਰਵਾਨਗੀ ਪ੍ਰਾਪਤ ਕਰਨ ਲਈ ਵਧਾਈ ਦਿੰਦਿਆਂ, ਸ੍ਰੀ ਗੋਇਲ ਨੇ ਸਾਰਿਆਂ ਨੂੰ ਸੂਰਜ ਦੀ ਬੇਅੰਤ ਸ਼ਕਤੀ ਨੂੰ ਵਰਤਣ ਲਈ ਇਕੱਠੇ ਹੋਣ ਦਾ ਸੱਦਾ ਦਿੱਤਾ: ਐਸ- ਸਟੇਬਲ, ਯੂ- ਅਨਕੰਡੀਸ਼ਨਲ, ਆਰ- ਰੀਨਿਊਵੇਬਲ, ਏ- ਅਫੋਰਡੋਬਲ, ਜੇ-ਜਸਟਿਸ।

*****

ਵਾਈਬੀ / ਏ.ਪੀ.