পাউচে খরদা ই.এস.আই. আই.পি.শিং অমসুং মখোয়গী বেনিফিসরীশিংনা নোইদাগী ই.এস.আই.সি. হোস্পিতাল অমসুং দিস্পেন্সরীশিংদা লায়েং ফজনা চত্থদে হায়না ফোঙলিবা পাউশিং অসিগী মতাংদা ই.এস.আই.সি.না নোইদাগী ই.এস.আই.সি. হোস্পিতালনা দেদিকেতেদ মেদিকেল ক্যের অমসুং আই.পি.শিং অমসুং মখোয়গী বেনিফিসরীশিংদা লায়েংবগা মরী লৈনবা সর্ভিস মখল পুম্নমক ফংহল্লি হায়না শেংদোকখ্রে। অসিগুম্বা কোবিদ-১৯গী লায়চৎ মনুংদা  ই.এস.আই.সি. হোস্পিতালনা শীংধানিংঙাই ওইবা মওংদা মেদিকেল ক্যের ফংহল্লি হায়বা অসি মরী লৈনবা দেতানা চাউনা উৎলি।

ই.এস.আই.সি.না মখা তারদুনা হায়খি মখোয়গী নোইদাদা লৈবা হোস্পিতাল অসিদা এপ্রিল ২০২০দগী হৌরগা অনাবা মীওই ৬৮০০০রোম লায়েংখি অমসুং সেক্তর – ১২, সেক্তর – ৫৭, এন.ই.পি.জেৎ. অমসুং গ্রেতর নোইদাদা লৈরিবা দিস্পেন্সরী ০৪ অসিনা হায়রিবা মতম অসিগী মনুংদা আই.পি. লাখ ১ হেন্না অমসুং মখোয়গী বেনিফিসরীশিং লায়েংখি। মসিগী মথক্তা ই.এস.আই.সি. হোস্পিতালনা জুন ২০২০দগী হৌদুনা কোবিদ-১৯ নাবা মীওইশিং লায়েংবা হৌখি অমসুং হীরম অসিদা ফমুং ১০০ লৈহন্দুনা চল্লাইবা হৌখি। হোস্পিতাল অসিদা লাক্লিবা মীওইশিংদা হোস্পিতাল অসিগী নৌবা লিংখৎপা ইন-হাউস ফার্মাসীদগী হীদাক-লাংথকশিং য়েন্থোকখি।

নোইদা লৈবা ই.এস.আই.সি.গী সব-রিজনেল ওফিসনা নোইদাগী ইন্সুরেন্স য়াওবা মীওইশিংদা শেলগী তেংবাংশিং পীদুনা মসিগী কোবিদ লাইচৎ অসি লুরবা তাংফম অসিদা মখোয়গী অৱাবশিং কোকহনবদা মতেং পাংলি। এপ্রিল ২০২০দগী লুআ করোর ৮.৫কী শেনফমশিং অপুনবা পেমেন্ত ২৫৮২৯দা শেলগী তেংবাং ওইনা পীখ্রে।

সরকারগী মীৎয়েংশিংগী মখাদা ই. এস.আই.সি. হোস্পিতালশিংনা কোবিদ-১৯গী অৱাবা অসি লান্থেংনবদা শরুক য়ারি। ই.এস.আই.গী খোঙথাংশিং অসি থাগৎলি অমসুং মসিগী মেদিকেল সর্ভিসশিংগী ইনফ্রাস্ত্রকচরশিং অসি প্রজা মীয়ামসু য়াওনা কোবিদ-১৯ নারবা মীওই খুদিংমক্তা ফংহল্লি। হৌজিক ফাওবদা ভারত পুম্বদা আইসোলেসন ফমুং ২৬০০ অমসুং চাউরাক্না ক্বারিন্তিন ফমুং ১৩৫০ লৈবা ই.এস.আই.সি. হোস্পিতাল ২৩ কোবিদ-১৯ দেদিকেতেদ হোস্পিতালশিং ওইনা মথৌ তৌরি। মসিগী মথক্তা লৈবাক পুম্বদা লেমহৌরিবা ই.এস.আই.সি. হোস্পিতালশিংদা চাউরাক্না কোবিস আইসোলেসন ফমুং ৯৬১ ফংহন্দুনা তোঙান তোঙান ই.এস.আই.সি. হোস্পিতাল অয়াম্বদা অপুনবা কোবিদ আইসোলেসন ফমুং ৩৫৯৭ শুখ্রে। মখাতানা মসিগী হোস্পিতালশিং অসিদা বেন্তিলেতর ২১৩গা লোয়ননা অপুনবা আই.সি.য়ু./ঐচ.দি. ফমুং ৫৫৫ ফংহনখ্রে।

মসিগী চাংয়েং তৌবগী মতম অসিদা লৈবাক পুম্বনা লাইচৎ অসি লান্থেংননবা কন্না হোৎনরিবা অসিদা মেদিকেল অমসুং পেরা-মেদিকেলগী লমদা লৈরিবশিং অসি অশেংবা লান্থেংনরিবশিংনি অমসুং মখোয়না কোবিদ-১৯না থোকহল্লিবা অমাং অতা অসিদগী থৱাইশিং কন্নবা মখোয়গী তৌফম থোকপা মথৌদগী হেন্না থবক তৌরি।

অদুম ওইনমক মিদিয়ানা লৌরিবা থৌদাংসু ঐখোয়না তরাইনা লৌবা য়াদে, মসিগী চাংয়েং তৌবগী মতম অসিদা মখোয়না মতেং পাংনবা অমসুং অৱাবা খাংবীনবা ই.এস.আই.সি.না ফোঙদোকখ্রে।

******