“লমদম অসিদগী মালেম য়ৌহনবা” হায়বা থিমদা অমসুং লৈবাক অসিগী মশাগী ওইবা ফজরবা শান্নপোৎশিংদা মিৎয়েং থমদুনা, কোরোনা লাইচৎনা থা ৬ লেপলুরবা মতুংদা, ২০২০গী ওক্তোবর ৯দগী “হুনার হৎ” অমুক হৌরগনি।

ঙসি মাইনোরিতি এফেয়ার্সকী য়ুনিয়ন মিনিস্তর মুক্তার অব্বাস নাগবীনা হায়খি লৈবাক অসিগী মফম খুদিংদা মমাংঙৈগী অমসুং চৎনবীগী শান্নপোৎশিং মরাং কাইনা লৈরি। মুৎশিল্লকপগী ফিবমদা লৈরবা শান্নপোৎশিং অসি, “লৈবাক অসিগী শান্নপোৎশিং” শীজিন্ননবা প্রধান মন্ত্রী নরেন্দ্র মোদীনা তকশিনবদগী বর অমা ফংলে। “লমদম অসিদা শাবা শান্নপোৎশিং” শীজিন্ননবা হায়বদগী ভারতকী শান্নপোৎকী ইন্দিস্ত্রি ফিবম ফগৎলক্লে।

য়ুনিয়ন মিনিস্তরনা হায়খি লৈবাক অসিগী কাচিন-কোয়া খুদিংদা উ, ৱা, ব্রাস, গ্লাস, ফি, চে, লৈবাকনা শাবা শান্নপোৎ কয়া মরাংকাইনা ফংলি। হায়রিবা লৈবাক অসিগী মশাগী ওইবা ফজরবা শান্নপোৎশিং অসি পুথোক্লিবা খুৎহৈবশিংদা “হুনার হৎ”না থবক ফংবগী খুদোংচাবশিং পীগনি।

মহাক্না হায়খি “লমদম অসিগী শান্নপোৎশিং শীজিন্ননবা খোল্লাউ” অসিনা শান্নপোৎকী কৈথেলদা ভারতকী শান্নপোৎকী ইন্দস্ত্রিনা অমুক হন্না মাংজিল থাবা ঙমগনি। “লমদম অসিগী মালেম য়ৌহনবা” হায়বা পান্দমদা শীনবা “হুনার হৎ” ২০২০গী ওক্তোবর ৯দগী অমুক পাংথোক্লগনি। মথংগী “হুনার হৎ” ২০২০গী ওক্তোবর ৯দগী ১৮ফাওবা প্রায়াগ্রাজদা পাংথোক্কনি। স্তোলশিংগী চাদা ৩০ হেন্না লৈবাক অসিগী শান্নপোৎশিং শাবা খুৎহৈবশিংদা পীগনি, “লৈবাক অসিগী শান্নপোৎশিং” পাম্নবা হেনগৎহন্নবা তোঙান-তোঙানবা ইন্সতিতুসনশিংগী খুৎথাংদা খুৎহৈবশিংদা মতেং পাংগনি।

য়ুনিয়ন মিনিস্তরনা হায়খি ভারতকী খুৎহৈবশিং, ক্রাফমেনশিং, চাক-ইন্সাং থোঙবা হৈবা মীওই লাখ ৫ হেন্নবা অমসুং অতোপ্পা মখোয়গা চহি ৫ হেন্না লোয়নরক্লবা মীওইশিংদা “হুনার হৎ”না থবক ফংবগী খুদোংচাবা পীগনি। “হুনার হৎ”না লৈবাক অসিগী মনুং হুঞ্জিনবা মফমশিংগী খুৎহৈবশিংদা মতেং পাংবদগী, খুৎনা শাবা ফজরবা শান্নপোৎশিংগী ব্রান্দ অমা শেমগৎলে।

মাইনোরিফি এফেয়ার্স মিনিস্ত্রিনা হৌজিক ফাওবদা লৈবাক অসিগী মফম কয়াদা “হুনার হৎ” ২৪ হেন্না পাংথোকখ্রে অমসুং হায়রিবা “হুনার হৎ”শিং অসিগী মখাদা খুৎহৈবা লাখ কয়াদা থবক ফংহনখ্রে অমসুং থবক ফংবগী খুদোংচাবশিং পীখ্রে। লাক্লিবা নুমিৎশিংদা পাংথোক্কদৌরিবা “হুনার হৎ”শিংদি; জয়পুর(২০২০গী ওক্তোবর ২৩-নবেম্বর ১ফাওবা), চান্দিগর(২০২০গী নবেম্বর ৭-১৫ফাওবা), ইন্দোর (২০২০গী নবেম্বর ২১-২৯ফাওবা), মুম্বাই (২০২০গী দিশেম্বর ২২দগী ৩১ফাওবা), হায়দ্রবাদ(২০২১গী জনুৱারি ৮-১৭ ফাওবা), লাখনৌ(২০২১গী জনুৱারি ২৩-৩১ফাওবা), নিউ দিল্লি(২০২১গী ফেবুৱারি ১২-২১ফাওবা), রাঞ্চি(২০২১গী ফেবুৱারি ২০-২৮ ফাওবা), কোতা(২০২১গী মার্চ ৫-১৪ফাওবা), সুরত(২০২১গী মার্চ ২০-২৭ফাওবা) অসিনি।

য়ুনিয়ন মিনিস্তরনা হায়খি হন্দক মীয়াম্না “হুনার হৎ”কী পোৎথোকশিং দিজিতেল অমসুং ওনলাইদা লৈবা য়ারগনি।য়ুনিয়ন মাইনোরিতি এফেয়ার্স মিনিস্ত্রিনা হায়রিবা খুৎহৈবশিং অমসুং মখোয়গী পোৎথোকশিং “জি.ই.এম”(গভর্নমেন্ত ই মার্কেতপ্লেস)তা রেজিস্তার তৌরে। লৈবাক অসিগী মশাগী ওইবা খুৎনা শাবা শান্নপোৎশিং অসি মালেমগী কৈথেলশিংদা য়োন্নিংবগী অপাম্বা এক্সপোর্ত প্রোমোসন কাউন্সিলশিংনা উৎলে।

শ্রী নাগবীনা হায়খি অমুক হন্না “হুনার হৎ” পাংথোক্কদবা অসিদা লৈবাক অসিগী মফম কয়াগী খুৎহৈবা লাখ কয়া হরাওরে।

*****