এসিয়ন দিবেলপমেন্ত বেঙ্ক (এ.দি.বি.) অমসুং ভারত সরকারনা ঙসি লম অমগা অমগা শম্নবা অমসুং ভারতকী নেসনেল কেপিতেল রিজন (এন.সি.আর.)গী চত্থোক চৎশিন ফগৎনবগীদমক অনৌবা, হাই-স্পীদ কিলোমিতর ৮২গী দিল্লী-মীরুৎ রিজনেল রেপিদ ত্রাঞ্জিৎ সিস্তেম (আর.আর.তি.এস.) কোরিদোর শানবগীদমক লুপা বিল্লিয়ন ১গী ফেসিলিতীগী শরুক ওইনা লুপা মিল্লিয়ন ৫০০গী লোনগী খুৎয়েক পীনখ্রে।

দিল্লী-মীরুৎ আর.আর.তি.এস. ইনভেস্তমেন্ত প্রোজেক্তকী লোনগী য়ানচে খুৎয়েক পীনখিবদা য়াওখিবশিংদি শ্রী সমীর কুমার খারে, এদিসনেল সেক্রেতরী (ফন্দ বেঙ্ক অমসুং এ.দি.বি.), দিপার্ত্মেন্ত ওব ইকোনোমিক এফিয়র্স, শেল-থুম মন্ত্রালয়না ভারত সরকারগী, অমসুং শ্রী কেনিচি য়োকোয়ামা, এ.দি.বি.গী ভারতকী রেজিদেন্ত মিসনগী কন্ত্রী দিরেক্তরনা এ.দি.বি.গী খুৎয়েক পীখি। অহানবা লোনগী শরুক অদুনা দিল্লীগা থংনবা রাজ্যশিংগা শম্নগদবা এন.সি.আর. রিজনেল পান ২০২১ হান্না শাগদবা কোরিদোর অহুমগী অহৌবা শরুক শাবদা মতেং ওইরগনি।

"প্রোজেক্ত অসিনা এন.সি.আর. শহরদা লৈবা অতোপ্পা শহরশিংনা মী তাবা লমশিংনা কোইশিন্দুনা লৈবা অর্বান ইকোনোমিক সেন্তর ওইনা শেমগৎপদা লম্বী থোং হেন্না ফগৎহল্লগনি অদুগা দিল্লীদা কুংশিনবগী প্রেসর হন্থহল্লগনি," হায়না শ্রী খারেনা য়ানচে অদু খুৎয়েক পীনরবা মতুংদা ফোংদোকখি। "কোরিদোর অসি চাউখৎপনা মীৎ উবা ফংবা অহোংবা কয়া পীগনি অমসুং মসিনা চত্থোক চৎশিন্দা অমসুং লমদম অসিগী শহর চাউখৎলোন্দা  চাউনা হোংহন্নবগী লম্বী অমা পীগনি।"

"প্রজেক্ত অসিনা লৈবাক অসিগী কোনুং ওইরিবা লম অসিদা আর.আর.তি.এস.কী সিগ্নেলিং, অমসুং স্তেসন দিজাইনগীদমক থাক ৱাংবা তেক্নোলোজী হৌদোক্তুনা চাউখৎপগী খোংজেলদা চাউনা অহোংবা অমা পুরক্কনি হায়না থাজরি," হায়না শ্রী য়োকোয়ামানা ফোংদোকখি। "মসিগী মথক্তা, প্রজেক্ত অসিনা অহেনবা ম্যুনিসিপাল রেবিন্যু লাক্নবগীদমক ভেল্যু কেপচর ফাইনান্সিং (ভি.সি.এফ.) পীবগা লোইননা আর.আর.তি.এস. কোরিদোরগী অকোইবদা সিস্তেমেতিক ওইবা অর্বান অমসুং লম শীজিন্নবগী প্লান্নিংগা লোইননা ত্রাঞ্জিৎ-ওরিএন্তেদ দিবেলপমেন্ত (তি.ও.দি.)দা মতেং পাংগনি।

পুংদা কিলোমিতর ১৮০ য়াংনা অমসুং মিনিৎ ৫-১০ ফাওবগী ফ্রিক্বেন্সী ৱাংনা চেনবা য়ানবা শাবগা লোইননা, দিল্লীগী সরাই কালে খানদগীনা উত্তর প্রদেশকী মীরুৎকী মোদিপুরম ফাওবা শম্নগদবা কিলোমিতর ৮২ শাংবা কোরিদোর অসিনা খোংচৎকী মতম্বু হৌজিক পুং ৩দগীনা ৪ ফাওবা ওইরম্বদু পুং ১দা হন্থরগনি। আর.আর.তি.এস. অসিদা অতোপ্পা ত্রান্সপোর্তকী মোদকা হোংদোক হোংজিন তৌবদা নুংঙাইনবগীদমক মলতিমোদাল হব লৈগনি।

অহানবগী শেন্থং অসি অহল ওইরবা মীওইশিং, নুপী, অঙাং অমসুং নাম্মা শোইরবা মীওইশিংদা অকাইবা পীরোইদবা ইলেক্ত্রিফাইদ ত্রেক, সিগ্নেলিং সিস্তেম, মলতিমোদাল হব অমসুং স্তেসন শাবদা শীজিন্নগনি। মসিনা নেসনেল কেপিতেল রিজনেল ত্রান্সপোর্ত কোরপোরেসন (এন.সি.আর.তি.)বু তি.ও.দি., ভি.সি.এফ. ইন্সত্রুমেন্ত অমসুং পব্লিক-প্রাইবেৎ পার্ত্নর্শিপ (পি.পি.পি.) ইনিসিএতিব, স্মার্ত-তেক্নোলোজীদা য়ুম্ফম ওইবা প্লেৎফোর্ম, অমসুং নুপী নুপা অনীমক্না থবক শুবদা নুংঙাইবা মফম অমা শেম্নবগী দ্রাফতিং এক্সন প্লান শেম্বদা মতেং পাংগনি।

এ.দি.বি.গী লাইরবা হন্থনবগী জপান ফন্দদগী লুপা দোল্লর মিল্লিয়ন ৩গী শেন্থংনা তোঙান-তোঙানবা থবক কয়া, ভিজুএল, হিয়রিং অমসুং মোবিলিতী এদশিং, নাম্মা শোইরবা মীওইশিংগী ৱীল চীয়রনচিংবশিং য়াওনা অসিগুম্বা কয়াদা মতেং পাংগনি। অশোই-অঙাম য়াওদনা চত্থোক চৎশিন তৌনবা নুপী অমসুং নাম্মা শোইরবশিংবু ত্রেনিং তৌবা অমসুং থবক্কী খুদোংচাবা অমসুং পব্লিক ত্রান্সপোর্ত প্রোভাইদরশিংগী লমচৎ হোংহন্নবসু হোৎনগনি। এ.দি.বি.না চলাইবা মলতি-দোনর অর্বান ক্লাইমেৎ চেঞ্জ রেজিলিএন্স ত্রস্ত ফন্দনা ইনফোর্মেসন মোদেলিং, দিজাইন ফিচরশিং মীয়ামদা ফংহনবা, তি.ও.দি. অমসুং ভি.সি.এফ. শাগৎনবা হোৎনবদা মতেং পাংগনি।

এ.দি.বি.না খম থেংনা লাইরবা কোকহন্নবা হোৎনবগা লোইননা মগুন লৈবা, পুম্নমকপু শরুক য়াহনবা, কুইনা শাংনা চৎপা, অমসুং তুং কোইনা চৎপা এসিয়া অমসুং পেসিফিক অমা ওইহন্নবা হোৎনগনি। লৈবাক ৪৯দগী মেম্বর ৬৮না মপু ওইদুনা ১৯৬৬তা হৌদোকখি।

*****