নহারোল অমসুং শান্ন-খোৎনবগী মন্ত্রালয়
ফিৎ ইন্দিয়া ফ্রিদম রন শরুক য়ানবা অর্জুন এৱার্দ ফংলবী মধুরিকা পাতকারনা মীয়ামদা খঙহল্লি
Posted On:
07 SEP 2020 7:09PM by PIB Imphal
নিংথৌকাবা নুমিৎতা মুম্বাইদা লৈবা স্পোর্তস ওথোরিতি ওফ ইন্দিয়া রিজনেল সেন্তরনা শীন্দুনা ওনলাইন্দা তেবল তেন্নিস শান্নরোই মধুরিকা পাতকারগা ৱারি শানখ্রে। হৌখিবা থাদা পাংথোকখিবা ভর্চুএল নেসনেল স্পোর্তস এৱার্দ য়েন্থোকপদা ২০২০গী অর্জুন এৱার্দ ফংলবী অসিনা হৌজিক চৎথরিবা ফিৎ ইন্দিয়া ফ্রিদম রনগী মরুওইবগী মতাংদা ৱা ঙাংখি।
স্পোর্তস মিনিস্ত্রিনা শীনবা খ্বাইদগী চাউবা লৈবাক শীনবা থুংনা পাংথোকপা লমজেল অসি অগস্ত ১৪দা স্পোর্তস অমসুং য়ুথ এফেয়ার্সকী য়ুনিয়ন মিনিস্তর কিরেন রিজিজুনা হৌদোকখিবনি। ওক্তোবর ২ফাওবা পাংথোক্কদবা লমজেল অসিদা শান্নরোইশিং অমসুং শান্নরোই নত্তবা শীনফম খুদিংমক্কী মীওইশিং শরুক য়ারি অমসুং তরাম্না ওক্নবা উরে।
মধুরিকানা হায়খি মসি ঐখোয়গী লৈবাক হেন্না হকচাং ফনবা খোঙথাং অমনি। ভারত হকচাং ফবা লৈবাক অমা ওইনবা ঐখোয় খুদিংমক শরুক য়াগদবনি। ঐখোয় লোকদাউন মনুংদা ঐখোয়গী য়ুমদগী মপান থোক্তনা লৈখি অদুবু হৌজিক ঐখোয় তপ্না তপ্না মপান থোকপা হৌরে, মসি লমজেল চেনবা হৌনবগী মতম চারবনি। মতম অসিদা ফিৎ ইন্দিয়া ফ্রিদম রন পাংথোকপগীদমক ঐনা স্পোর্তস মিনিস্ত্রি অমসুং মরুওইনা স্পোর্তস মিনিস্তর মিনিস্তর কিরেন রিজিজু থাগৎলি। মী খুদিংমক ফিৎ ইন্দিয়া ফ্রিদম রন শরুক য়ানবা ঐনা হায়জরি।
চহি ৩৩শুরবী অসিনা মখা তানা হায়খি পুন্না লমজেল চেনমিন্নবা কান্নগনি। ঐনা লমহাংদা চেনবা মতমদা, ঐ মহৌশাগা নকশিন্নবগী নুংঙাইবা ফংই অমসুং মসি ঐঙোন্দা য়াম্না নুংঙাইবা অমনি। অহানবদা, ঐখোয় ইশা হান্না চেনবা হৌগদবনি অমসুং তুংদা ঐখোয়না অতোপ্পশিং শরুক য়ানবা ইথিল পীগদবনি। করিগুম্বা মখোয়না য়ানিংদ্রবসু ঐখোয়না ঐখোয়গী মরুপশিং হৌগদবনি। চেনবা হেক হৌখিবগা ,মখোয় চেনবা পাম্লক্কনি। ঐখোয়না কাংবু অমা শেম্বদা, শান্নবা অসি হেন্না নুংঙাইগনি।
মধুরিকানা পীরবা হকচাং ফনা লৈনবা লাইৱা অসি মুম্বাইগী সাই সেন্তরগী রিজনেল দিরেক্তর, সুস্মিতা আর জয়োতসিনা থাগৎখি অমসুং ঐখোয়না মতম পুম্নমক্তা অতোপ্পশিং পুক্নিং থৌগৎকদবনি হায়খি।
সাই মুম্বাইগী রিজনেল দিরেক্তরনা হায়খি, “মধুরিকা, নহাক্কী ৱাহৈশিং পুক্নিং য়াম্না থৌগৎলি। হৌজিক ওইরিবা ফিবম অসিদা, হকচাং ফনা লৈবা অসিনা লাইচৎ ঙাকথোক্নবা অমতা ঙাইরবা লম্বীনি। শান্নরোইশিং ঐখোয়গী লৈবাক্কী ফিদম্নফম ওইরবা ঙাক্তনি অমসুং মসিগী লমজেল অসি শরুক য়ানবা শান্নরোই অমনা মীওই মরি পু্ক্নিং থৌগৎকদবনি। মদু য়াম্না চাউনা মাইপাকপা অমা ওইগনি। করিগুম্বা মীওই ১০০ ইথিল পীরবদি, মখোয়না মীওই ৪০০ হেন্না ইথিল পীগনি”।
*****
(Release ID: 1652386)
Visitor Counter : 101