রেলৱে মন্ত্রালয়
গরিব কলয়ান রোজগার অভিয়ানগী মখাদা ২০২০গী সেপ্তেম্বর ৪ ফাওবদা ভারত রেলৱেজনা মেনদেস ৮,০৯,০০০গী থবক পীখ্রে
হায়রিবা থবকশিং অসি রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসতা পীখিবনি
স্কিম অসিগী মখাদা হায়রিবা রাজ্যশিং অসিদা অতোপ্পা মফমশিংদগী হল্লকপা শিন্মীশিংদা থবক ফংহল্লিবা অমসুং পায়খৎলিবা প্রোজেকশিং অসিগী খুমাঙ চাউশিনবা রেলৱেজ মিনিস্ত্রিনা য়েংশিল্লি
পায়খৎলিবা প্রোজেকশিং অসিগীদমক ২০২০গী সেপ্তেম্বর ৪ ফাওবদা, কন্ত্রেক্তরশিংদা লুপা করোর ১,৬৩১.৮০ থাদোকখ্রে
রাজ্য ৬গী জিলা ১১৬দা গরিব কলয়ান রোজগার অভিয়ান পায়খৎলি
হায়রিবা রাজ্যশিং অসিদা চাউরাক্না রেলৱেজগী ইনফ্রাস্ত্রকচর প্রোজেক ১৬৪ পায়খৎলি
Posted On:
08 SEP 2020 2:47PM by PIB Imphal
রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসতা গরিব কলয়ান রোজগার অভিয়ানগী মখাদা ২০২০গী সেপ্তেম্বর ৪ ফাওবদা ভারত রেলৱেজনা মেনদেস ৮,০৯,০০০গী থবক পীখ্রে।
স্কিম অসিগী মখাদা হায়রিবা রাজ্যশিং অসিদা অতোপ্পা মফমশিংদগী হল্লকপা শিন্মীশিংদা থবক ফংহল্লিবা অমসুং পায়খৎলিবা প্রোজেকশিং অসিগী খুমাঙ চাউশিনবা রেলৱেজ অমসুং কমর্স অমসুং ইন্দস্ত্রি মিনিস্তর পিয়ুস গোয়ালনা কুপ্না য়েংশিল্লি।
২০২০গী সেপ্তেম্বর ৪ ফাওবদা, মসিগী অভিয়ান অসিদা শিন্মী ১২,২৭৬ শীজিন্নখি অমসুং পায়খৎলিবা প্রোজেকশিং অসিগীদমক কন্ত্রেক্তরশিংদা লুপা করোর ১,৬৩১.৮০ থাদোকখ্রে।
রেলৱেজনা জিলা খুদিংদা অমসুং রাজ্যশিংদা নোদেল ওফিসারশিং হাপ্লে অমসুং মসিনা মরম ওইদুনা রাজ্য সরকারগা অচেৎপা মরী অমা থম্লে।
স্কিম অসিগী মখাদা পায়খৎলিবা রেলৱেজগী থবক মশিং রেলৱেজনা মশক খঙদোক্লে। পায়খৎলিবা থবকশিং অদুদি (১)লেভেল ক্রোসিংশিং তাবা লম্বী শেম্বা অমসুং য়েংশিনবা, (২)ত্রেক পরিংদা লৈবা ফুনগৎলবা ঈশিং লম্বীশিং অমসুং খোঙবালশিং শেমগৎপা অমসুং শেংদোকপা,(৩)রেলৱেজ স্তেসনশিং য়ৌবা লম্বীশিং শেম্বা অমসুং য়েংশিনবা,(৪) হৌজিক লৈরিবা রেলৱেজ ইমবেঙ্কমেন্তশিং/কতিংশিং হন্না শেমজিনবা অমসুং পাকথোকহনবা,(৫)রেলৱজগী লমগী অরোইবা ঙমখৈদা উ পাম্বীশিং থাবা অমসুং (৬)হৌজিক লৈরিবা ইমবেঙ্কমেন্তশিং/কতিংশিং/থোঙশিং ঙাক-শেনবগী থবকশিং পায়খৎপা।
কোবিদ-১৯ লাইচৎনা মরম ওইদুনা ময়ুমদা হল্লক্লবা য়াম্লবা শিন্মীশিং মখোয়গী খুঙ্গংশিংদা হিংনবগী লম্বীশিং ফংহন্নবা অমসুং শক্তি পীনবা পান্দমদা ২০২০গী জুন ২০দা প্রধান মন্ত্রী নরেন্দ্র মোদীনা গরিব কলয়ান রোজগার অভিয়ান কৌবা খুঙ্গংগী মীয়াম থবক পীনবা খোঙজং অসি হৌদোকখিবনি। গরিব কলয়ান রোজগার অভিয়ানগী মখাদা তুংকোইনা লৈহৌগদবা খুঙ্গংগী মচাক-মথুমশিং শেমগৎনবা লুপা করোর ৫০,০০০ চাদিং তৌগনি হায়না প্রধান মন্ত্রীনা লাউথোকখি।
নুমিৎ ১২৫গী অভিয়ান অসিনা মিসনগী মওংদা রাজ্য ৬ হায়বদি বিহার, ঝারখান্দ, মৈধ্য প্রদেস, ওরিসা, রাজস্থান অমসুং উত্তর প্রদেসদা মপান্দগী হল্লকপা শিন্মী মশিং য়াম্না লৈবা জিলা ১১৬দা থবক মখল ২৫ পায়খৎনবা মিৎয়েং থম্লি। মসিগী খোঙজং মনুংদা লুপা করোর ৫০,০০০ চঙনা মীয়ামগী থবকশিং পায়খৎলে।
অভিয়ান অসি তোঙান-তোঙানবা মিনিস্ত্রি/দিপার্তমেন্ত ১২গী মরক্তা পায়খৎপা অপুনবা থবক অমনি, মখোয় অদুদি; রুরেল দিবলপমেন্ত, পঞ্চয়াতি রাজ, রোদ ত্রান্সপোর্ত অমসুং হাইজৱেজ, মাইন্স, দ্রিংকিং ৱাতর অমসুং সেনিতেসন, ইনভাইরোনমেন্ত, রেলৱেজ, পেত্রোলিয়ম অমসুং নেচরেল গ্যাস, নিউ অমসুং রিনিউএবল ইনর্জি, বোর্দর রোদস, তেলিকোম অমসুং এগ্রিকচরলনি। মসিনা হিংনবগী লম্বী ফংবা হেনগৎহন্নবা মীয়ামগী মচাক-মথুমশিং শেমগৎপগী থবক ২৫ য়াংনা পায়খৎলি।
*****
(Release ID: 1652376)
Visitor Counter : 179