ঙসি (৮/৯/২০২০) ফর্তিলাইজর বিভাগ অমসুং হিন্দুস্তান উরবরক অমসুং রসায়ন লিমিতেদ (ঐচ.য়ু.আর.এল.)কী মরক্তা সিন্দ্রি, গোরাখপুর অমসুং বরাউনিগী ফর্তিলাইজর প্রোজেক্তশিং নৌহৌননা হিংগৎহন্নবা ঐচ.য়ু.আর.এল.দা লুপা করোর ১২৫৭.৮২গী শেন্দোয় থীদবা লোন পীবগী মতাংদা য়ানবা পুরকখ্রে। কেমিকেলস অমসুং ফর্তিলাইজর মন্ত্রী শ্রী দি.ভি. গৌদা, ফর্তিলাইজরগী সেক্রেতরী অমসুং এদিস্নেল সেক্রেতরী অমসুং হিন্দুস্তান উরবরক অমসুং রসায়ন লিমিতেদ (ঐচ.য়ু.আর.এল.)কী মেনেজিং দাইরেক্তর য়াওবা থৌরম অমদা য়ানচে অসি ইন্নখি।

ইন্তরেস্ত থীরোইদবা লোন (আই.এফ.এল.)গী য়ানচে অসিদা ফর্তিলাইজর বিভাগকী (দি.ও.এফ.) মহুৎ শিন্দুনা দাইরেক্তর শ্রী নিরঞ্জন লাল অমসুং ঐচ.য়ু.আর.এল.গী মহুৎ শিন্দুনা এম.দি. শ্রী অরুন কুমার গুপ্তনা খুৎয়েক পীনখি।

ভারত সরকারনা লুপা করোর ১২৫৭.৮২গী ইন্তরেস্ত থীরোইদবা লোন অসি ঐচ.য়ু.আর.এল.দা পীবগী অয়াবা পীখিবনি (গোরাখপুর, সিন্দ্রি অমসুং বরাউনিগী ওইনা মথংশিৎনা লুপা করোর ৪২২.২৮, লুপা কোতি ৪১৫.৭৭ অমসুং লুপা কোতি ৪১৯.৭৭নি)। লোন অসি শিংগৎপগী য়ানবা মতম অসি ইং ২০২২-২৩গী চহি নিপানগী মনুংদা ওইগনি।

থৌরম অসিদা ৱা ঙাংবদা কেন্দ্রগী কেমিকেলস অমসুং ফর্তিলাইজর মন্ত্রী শ্রী দি.ভি. সদানন্দা গৌদানা হায়খিবদা ঐচ.য়ু.আর.এল.গী য়ুনিৎ অহুমদা ইন্তরেস্ত থীরোইদবা লোন অহুম পীবগী অয়াবা পীখিবা অসি লমদম অসিদা য়ুরিয়া পুথোকপা হেনগৎহনবা অমসুং ভারতকী লৌউবশিংগী য়ুরিয়াগী তঙাই ফদবগীদমক্তা মীরমদগী পুশিল্লকপা পোত্থোক্তা মীপাল তাংবা হন্থনবগী প্রধান মন্ত্রীগী মঙলান অসিগী মরমনা ওইহল্লকপনি হায়খি। মহাক্না হায়খিবদা গোরাখপুর, বরাউনি অমসুং সিন্দ্রিদা লৈরিবা ঐচ.য়ু.আর.এল.গী য়ুনিৎ অহুমদা ইন্তরেস্ত থীরোইদবা লোন অহুম পীবা অসিনা ইং ২০২১ ফাওবগী মনুংদা নীম কুপশিনবা য়ুরিয়া অসি কম্মর্সিএল পুথোকপা হৌবা ঙমহল্লগনি। মহাক্না মখা তানা পনখিবদা কোবিদ-১৯গী ইরাং অসিগী মরমদগী থবক পাঙথোকপদা খুদোংচাদবা কয়া  থেংনরবসু গোরাখপুর, সিন্দ্রিদা অমসুং বরাউনিনা মথংশিৎনা ৮০.৩%, ৭৪.২% অমসুং ৭২.৮%কী চাংদা পেন্নিংঙাই ওইবা থবক পাঙথোকপা ঙমখি হায়খি। প্লান্তশিং অসিনা মাই পাক্না থবক তৌবা হৌবা মতমদা মসিগী মশানা পোত্থোকপ পুথোকপগী হীরমদা নীম কুপ্পা য়ুরিয়া এল.এম.তি. ৩৮.১ হেনগৎপা ঙমদুনা মীরমদগী য়ুরিয়া পুশিল্লকপদা মীপাল তাংলিবা অসি হন্থহনগনি। মসিনা ভারত সরকারগী ‘আত্মানির্ভর ভারত’ কেম্পেন অসিদা তেংবাংদুনা হকথেংননা অমসুং নাকোইননা থবক কয়া পীবা ঙমগনি।

সি.সি.ই.এ.না ১৩/৭/২০১৬তা পাঙথোকখিবা মীফম অমদা নোমিনেসন তৌবগী থৌওংদা য়ুম্ফম ওইদুনা নোমিনেৎ তৌরবা পি.এস.য়ু.শিংগী জোইন্ত ভেঞ্চর অমা শেমদুনা এফ.সি.আই.এল.গী গোরাখপুর অমসুং ঐচ.এফ.সি.এল.গী বরাউনি য়ুনিৎ অসি অমুক হিংগৎহনবগী ৱারেপ লৌখি। মসিগী মতুং ইন্না জোইন্ত ভেঞ্চর অমা হিন্দুস্তান উরবরক অমসুং রসায়ন লিমিতেদ হায়না শেমখি। নেস্নেল থর্মেল পাৱর কোর্পোরেসন লিমিতেদ (এন.তি.পি.সি.), ইন্দিয়ন ওইল লিমিতেদ (আই.ও.সি.এল.) অমসুং কোল ইন্দিয়া লিমিতেদ (সি.আই.এল.)গী ইক্বিতী অসি মখোয় অমমমগী ২৯.৬৭% নি অমসুং ফর্তিলাইজর কোর্পোরেসন ওফ ইন্দিয়া লিমিতেদকীনা (এফ.সি.আই.এল.) ১০.৯৯%নি। ঐচ.য়ু.আর.এল.না গোরাখপুর, সিন্দ্রি অমসুং বরাউনিদা গ্যাস্তা য়ুম্ফম ওইবা য়ুরিয়া শাবগী য়ুনিৎ অহুম লিংখৎকনি। প্লান্ত অমমম অসিগী চহিদা পুথোকপা ঙম্বগী চাং অসি এল.এম.তি. ১২.৭ ওইগনি।

*****