ਰਸਾਇਣ ਤੇ ਖਾਦ ਮੰਤਰਾਲੇ ਤਹਿਤ ਪਬਲਿਕ ਸੈਕਟਰ ਯੁਨਿਟ ਐੱਚ ਆਈ ਐੱਲ ਨੇ ਜਾਂਬੀਆ ਨੂੰ 114.2 ਮੀਟ੍ਰਿਕ ਟਨ ਡੀ ਡੀ ਟੀ 75% ਮਲੇਰੀਆ ਰੋਕਥਾਮ ਲਈ ਸਪਲਾਈ ਕੀਤੀ ਹੈ ।

ਐੱਚ ਆਈ ਐੱਲ ਦੇ ਸੀ ਐੱਮ ਡੀ ਸ਼੍ਰੀ ਐੱਸ ਪੀ ਮੋਹੰਤੀ ਨੇ ਕਿਹਾ ਕਿ ਜਾਂਬੀਆ ਸਰਕਾਰ ਦੇ ਸਿਹਤ ਮੰਤਰਾਲੇ ਨੂੰ 307 ਮੀਟ੍ਰਿਕ ਟਨ ਸਪਲਾਈ ਦੀ ਇਹ ਆਖ਼ਰੀ ਖੇਪ ਭੇਜੀ ਗਈ ਹੈ । ਐੱਚ ਆਈ ਐੱਲ ਨੇ ਹਾਲ ਹੀ ਵਿੱਚ ਦੱਖਣ ਅਫ਼ਰੀਕਾ ਨੂੰ 26.5 ਮੀਟ੍ਰਿਕ ਟਨ ਸਪਲਾਈ ਕੀਤੀ ਹੈ ਤੇ ਜਾਂਬੀਆ ਨੂੰ 129 ਮੀਟ੍ਰਿਕ ਟਨ ਸਪਲਾਈ ਭੇਜਣਾ ਜਾਰੀ ਹੈ ।

ਐੱਚ ਆਈ ਐੱਲ ਵਿਸ਼ਵ ਪੱਧਰ ਤੇ ਡੀ ਡੀ ਟੀ ਦਾ ਨਿਰਮਾਣ ਕਰਨ ਵਾਲੀ ਇੱਕੋ ਇੱਕ ਕੰਪਨੀ ਹੈ । ਇਹ ਕੰਪਨੀ ਭਾਰਤ ਸਰਕਾਰ ਦੇ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਤਹਿਤ ਮਲੇਰੀਆ ਰੋਕਥਾਮ ਲਈ ਡੀ ਡੀ ਟੀ ਦਾ ਨਿਰਮਾਣ ਤੇ ਸਪਲਾਈ ਕਰਨ ਲਈ 1954 ਵਿੱਚ ਬਣਾਈ ਗਈ ਸੀ । ਸਾਲ 2019—20 ਵਿੱਚ ਇਸ ਕੰਪਨੀ ਨੇ ਦੇਸ਼ ਵਿੱਚ 22 ਸੂਬਿਆਂ ਨੂੰ ਡੀ ਡੀ ਟੀ ਸਪਲਾਈ ਕੀਤੀ ਸੀ । ਕੰਪਨੀ ਕਈ ਅਫਰੀਕਨ ਦੇਸ਼ਾਂ ਨੂੰ ਵੀ ਡੀ ਡੀ ਟੀ ਦਾ ਨਿਰਯਾਤ ਕਰ ਰਹੀ ਹੈ ।

ਵਿਸ਼ਵ ਪੱਧਰ ਤੇ ਮਲੇਰੀਆ ਅਜੇ ਵੀ ਲਗਾਤਾਰ ਜਨਤਕ ਸਿਹਤ ਲਈ ਮੁਸ਼ਕਲਾਂ ਵਿੱਚੋਂ ਇੱਕ ਮੁੱਖ ਮੁਸ਼ਕਲ ਹੈ । ਵਿਸ਼ਵ ਸਿਹਤ ਸੰਸਥਾ ਨੇ ਮਲੇਰੀਆ ਤੇ ਮੱਛਰ ਦੀ ਸਮੱਸਿਆ ਉੱਪਰ ਕਾਬੂ ਪਾਉਣ ਲਈ ਆਈ ਆਰ ਐੱਸ ਰਸਾਇਣਾਂ ਵਿੱਚੋਂ ਡੀ ਡੀ ਟੀ ਦੀ ਇੱਕ ਅਸਰਦਾਰ ਰਸਾਇਣ ਦੇ ਤੌਰ ਤੇ ਸਿਫ਼ਾਰਸ਼ ਕੀਤੀ ਹੈ ਅਤੇ ਕਈ ਅਫਰੀਕੀ ਦੇਸ਼ਾਂ ਜਿਵੇਂ ਦੱਖਣ ਅਫਰੀਕਾ , ਜਿ਼ੰਬਾਬਵੇ , ਜਾਂਬੀਆ , ਨਮੀਬੀਆ ਤੇ ਮੌਜਮਬੀਪ ਵਿੱਚ ਵੱਡੀ ਪੱਧਰ ਤੇ ਵਰਤੀ ਜਾਂਦੀ ਹੈ । ਭਾਰਤ ਡੀ ਡੀ ਟੀ ਦੇ ਨਿਰਮਾਣ ਅਤੇ ਵਧੀਆ ਕਿਸਮ ਦੀ ਡੀ ਡੀ ਟੀ ਦੱਖਣ ਅਫਰੀਕਾ ਦੇ ਖੇਤਰ ਨੂੰ ਸਪਲਾਈ ਕਰਨ ਲਈ ਵਚਨਬੱਧ ਹੈ ਤਾਂ ਜੋ ਇਹਨਾਂ ਮੁਲਕਾਂ ਨਾਲ ਭਾਰਤ ਦੇ ਦੁਵੱਲੇ ਰਿਸ਼ਤੇ ਹੋਰ ਮਜ਼ਬੂਤ ਹੋ ਸਕਣ ।

ਆਰ ਸੀ ਜੇ / ਆਰ ਕੇ ਐੱਮ