কেমিকেল্স অমসুং ফর্তিলাইজর মন্ত্রালয়
ঐচ.আই.এল. (ইন্দিয়া) লিমিতেদনা মেলরিয়া লাকশিন্নবা থৌরাংগীদমক জাম্বিয়াদা দি.দি.তি. ১১৪.২ এম.তি. পীখ্রে
Posted On:
08 SEP 2020 12:48PM by PIB Imphal
কেমিকেল্স অমসুং ফর্তিলাইজর্স মন্ত্রালয়গী মখাদা লৈবা পি.এস.য়ু. অমা ওইরিবা ঐচ.আই.এল. (ইন্দিয়া) লিমিতেদনা মেলরিয়া লাকশিন্নবা থৌরাংগীদমক জাম্বিয়াদা চাদা ৭৫গী দবল্যু.পি. ওইবা দি.দি.তি. মেত্রিক তন ১১৪.২ পীখ্রে।
ঐচ.আই.এল.গী সি.এম.দি. এস.পি. মোহন্তীনা ফোঙদোকখিবদা মদু জাম্বিয়াগী হকশেল মন্ত্রালয়দগী ফংবা এম.তি. ৩০৭গী ওর্দরগী অকোনবা তাঙ্ককক্কী থাবনি। ঐচ.আই.এল. না খা অফ্রিকাদা এম.তি. ২০.৬সু হন্দক্তা থাখ্রে অমদি জিমবাবৱেদা এম.তি. ১২৯ থানবা থৌরাং তৌরি।
ঐচ.আই.এল. (ইন্দিয়া) মালেমগী ওইনা অমত্তা ঙায়রবা দি.দি.তি. পুথোকপনি। কম্পেনী অসি ১৯৫৪দা ভারত লৈঙাক্কী হকশেল অমসুং য়াইফ-য়ুম্বাল মন্ত্রালয়দা মেলরিয়া লাকশিন্নবা থৌরাংগীদমক দি.দি.তি. পুথোক্তুনা পীননবা লিংখৎখিবনি। ইং ২০১৯-২০দা পোত্থোক অসি ভারতকী স্তেত ২০দা পীখ্রে। কম্পোনী অসিনা অফ্রিকান লৈবাক কয়াদসু পোত্থোক অসি থাদোক্লি।
মেলরিয়া অসি মালেমগী ওইনা অচৌবা মীয়ামগী হকশেলগী প্রোব্লেমশিংগী মরক্তা অমনি। দবল্যু.ঐচ.ও.না দি.দি.তি.বু মেলরিয়া কাঙ লাকশিন্নবা কান্নরবা আই.আর.এস. কেমিকেল অমা ওইনা রিকমেন্দ তৌরি অমদি খা অফ্রিকা, জিমবাবৱে, জাম্বিয়া, নামিবিয়া, মোজাম্বিকনচিংবা খা থংবা অফ্রিকা লৈবাকশিংদা পাক্তক্ননা শীজিন্নরি। ভারতনা মতিং লৈবা পোত্থোকশিং পুথোক্তুনা চৎনবা য়াবা মমলদা খা থংবা অফ্রিকাগী লমদমশিংদা পীননবা ফিরেপ লৌরি অমদি মসিনা ঐখোয়গী নাকন অনিগী ওইবা মরীবু হেন্না মপাঙ্গল কনখৎহনগনি।
*****
(Release ID: 1652255)
Visitor Counter : 111