হ্যুমেন রিসোর্স চাউখৎ-থৌরাংগী মন্ত্রালয়
রাস্ত্রপতী রাম্নাথ কোবিন্দনা 'হায়র এজুকেসন্দা অহোংবা অমা পুরক্নবা হোৎনবদা নেসনেল এজুকেসন পোলিসী ২০২০গী থৌদাং' হায়বসিদা গবর্নরশিংগী কনফরেন্স হৌদোকখ্রে
প্রধান মন্ত্রীনা গবর্নরশিংগী কনফরেন্সকী হৌদোকপগী থৌরমদা ৱা ঙাংখি
নেসনেল এজুকেসন পোলিসীনা ভারতপু ২১শুবা চহী চাগী তঙাই ফদবা অমসুং মংলান অমগী মাইকৈদা পুদুনা চৎলগনিঃ রাস্ত্রপতী কোবিন্দ
এজুকেসন পোলিসী ওমসুং এজুকেসন সিস্তেম হায়বসি লৈবাক অসিগী মংলান মংফাউননবা হোৎনবগী মরুওইবা উপাইশিংনিঃ প্রধান মন্ত্রী
মীপুম খুদিংমক্না শরুক য়াবগা লোইননা এজুকেসন পোলিসী অসিবু ঐখোয়না থিন্থবা লৈতনা থবক ওইনা পায়খৎনবা হোৎনগনি – এজুকেসন মন্ত্রী
Posted On:
07 SEP 2020 6:56PM by PIB Imphal
রাস্ত্রপতী রাম্নাথ কোবিন্দনা 'হায়র এজুকেসন্দা অহোংবা অমা পুরক্নবা হোৎনবদা নেসনেল এজুকেসন পোলিসী ২০২০গী থৌদাং' হায়বসিদা গবর্নরশিংগী কনফরেন্স ঙসি নই দিল্লীদা হৌদোকখ্রে। য়ুনিয়ন এজুকেসন মিনিস্তর রামেস পোখ্রিয়াল ‘নিসাঙ্ক’, এজুকেসনগী রাজ্যগী মন্ত্রী ওইরিবা শ্রী সঞ্জয় ধোত্রে, রাজপ্যপালশিং, রাজ্যশিংগী লেফতনেন্ত গভর্নরশিং/ লৈঙাকপশিং, রাজ্যগী মুখ্য মন্ত্রীশিং অমসুং এজুকেসন মিনিস্তরশিংনা শরুক য়াখিবা কনফরেন্স অদুগী হৌদোক ৱারোল পীখি।
থৌরম অদুদা রাস্ত্রপতি রাম নাথ কোবিন্দনা হায়খি নেস্নেল এজুকেসন পোলিসীনা লৈবাক অসিগী নহারোলশিং ২১শুবা চহিচাগী দরকার ওইবশিং অমসুং অপাম্বশিং ফংহনবা ঙমগনি। পুৱারী ওইরবা পোলিসী অসি শেম্বা মহাক্কী মিৎয়েং শানবা থবকশিং অদুগীদমক প্রধান মন্ত্রী, দোক্তর কস্তুরিরঙ্গন অমসুং মিনিস্তরশিং অমসুং এজুকেসন মিনিস্ত্রীগী ওফিসিএলশিং থাগৎখি। থৌশিল অসি শেম্নবা গ্রাম পঞ্চয়ৎ লাখ ২.৫, লোকেল বোদী ১২,৫০০ অমসুং জিলা ৬৭৫দগী পাউতাক লাখ ২ হেন্না লৌখি। করিগুম্বা অহোংবশিং ফজনা পুরক্লবদি, ভারত লাইরিক-লাইশু তম্বগী সুপর পৱার অমা ওইরক্কনি হায়না মহাক্না মখা তাখি।
https://twitter.com/DrRPNishank/status/1302868088866496512?s=20
নেস্নেল এজুকেসন পোলিসী শন্দোক্না তাক্লদুনা রাস্ত্রপতিনা হায়খি রাজ্যপালশিংনা স্তেৎ য়ুনিভর্সিতীশিংগী চান্সসেল্লরশিং ওইবনা নেস্নেল এজুকেসন পোলিসী থবক ওইনা পায়খৎপদা মরুওইবা থৌদাং অমা লৌগদবনি। কোলেজ ৪০,০০০ রোম এফিলিয়েত তৌরিবা স্তেৎ য়ুনিভর্সিতী ৪০০ রোম লৈরি, মরম অদুনা চান্সসেল্লর অমা ওইনা রাজ্যপালশিংনা হায়রিবা য়ুনিভর্সিতীশিং অসিগা পাউ ফাওনগদবনি অমসুং ৱারী শানগদবনি।
রাস্ত্রপতিনা হায়খি কেন্দ্র অমসুং রাজ্যশিংনা জি.দি.পিগী চাদা ৬ রোম নেস্নেল এজুকেসন পোলিসীদা থাদগদবনি। মপাঙ্গল কনবা গনতন্ত্র চৎপা লৈবাক অমা ওইনবা সরকারগী মহৈ তম্ফমশিং ফগৎহন্নবা নেস্নেল এজুকেসন পোলিসীনা অকনবা মিৎয়েং চঙলি অমসুং মসিনা মহৈরোইশিংগী মরক্তা ফংফম থোকপা হকশিং, থৌদাংশিং, সংবিধানগী গুনশিং ইকায়খুম্নবা উৎনবা ইনোৎ পীগনি অমসুং মরৈবাক নুংশিবা পোকহনগনি।
রাস্ত্রপতীগী অপুনবা ৱারোল পাবীনবগীদমক মখাগীসিদা নম্বীয়ু
https://pib.gov.in/PressReleasePage.aspx?PRID=1651942
থৌরম অদুদা ৱা ঙাংলদুনা প্রধান মন্ত্রীনা হায়খি, এজুকেসন পোলিসী অমসুং এজুকেসন সিস্তেম অসি লৈবাক অসিগী মংলান মংফাউননবা হোৎনবদা য়াম্না মরুওইবা উপাইশিংনি।
প্রধান মন্ত্রীনা হায়খি মদুদি, এজুকেসনগী থৌদাং অসি কেন্দ্র, রাজ্য অমসুং লোকেলগী থাক্তা লৈবা সরকারনা পুগদবা ওইরবসু, পোলিসী শেম্বা মতমদদি মখোয়গী ইথিল অসি নেম্না লৈগদবনি। মহাক্না হায়খি মদুদি এজুকেসন পোলিসীগী চুশিন্নবা অমসুং মরুওইবগী চাং অসি অহেনবা ওজাশিং, মপা-মমা অমসুং মহৈরোইশিংনা মসিগা মরী লৈননা চৎমিন্নরবা মতমদতা হেনগৎকনি। মহাক্না মখা তানা, অনৌবা এজুকেসন পোলিসী অসি লৈবাক অসিগী শহর অমসুং খুঙ্গংশিংদা লৈবা অমসুং এজুকেসন সেক্তরদা লৈরিবা মীওই মিল্লিয়ন কয়ানা পীরকপা ফীদবেকশিং লৌখৎলবা মতুংদা দ্রাফ তৌবনি, মরম অসিননি পোলিসী অসি হৌজিক্তি মীপুম খুদিংগী থমোইদা অয়াবা ফোংদোক্নরক্লিবা অমসুং মশাগীনি খন্নরক্লিবসি।
প্রধান মন্ত্রীনা মখা তানা এন.ই.পি. অসিনা এজুকেসন সিস্তেমদখক্তদা শেমদোক্কদবা নত্তনা ২১শুবা চহী চা অসিগী খুন্নাই অমসুং শেন্মিৎলোনগী মাইকৈদা অহোংবা অমা পুরক্কদবনা য়াম্নমক তঙাইফদবা পোৎশক অমা ওইরি। মহাক্না হায়খি মদুদি পোলিসী অসিনা খোংজেল য়াংনা অহোংবা পুরক্লিবা মতম অসিদা লৈবাক অসিগী নহাশিংবু লৌশিং অমসুং তুংদা তঙাইফদবা স্কিলশিং শেম শাদুনা ভারতপু মরোমদোম লেপচবা নত্ত্রগা আত্মনির্ভর ওইহন্নবা পান্দম থম্লি।
মহাক্না মখা তানা, অনৌবা এজুকেসন পোলিসী অসিনা স্তদীদতা নত্তনা লর্নিংদা মিৎয়েং থম্লি অমসুং করিক্যুলমগী ৱাংমদা য়েংদুনা ক্রিতিকেল থিংকিংদা মিৎয়েং থম্লি হায়খি। মহাক্না হায়খি মদুদি প্রোসেস খক্তদা নত্তনা পেসন, প্রেক্তিকেলিতী, অমসুং পার্ফোরমেন্সতা মিৎয়েং থম্লি। অনৌবা পোলিসী অসিনা ভারতপু নোলেজ ইকোনোমী অমা ২১শুবা চহী চা অসিদা ওইহন্নবা পান্দম থম্লি হায়না মহাক্না হায়খি। মখা তানা, অনৌবা পোলিসী অসিনা ব্রেন দ্রেনগী সমস্যা কোকহন্নবগীদমক মকোক থংবা ইন্তর্নেস্নেল য়ুনিবর্সিতী কয়া চঙলক্নবসু হোৎনরি হায়খি।
চানবীদুনা ভারতকী প্রধান মন্ত্রীগী অপুনবা ৱারোল পানবগীদমক মফম অসিদা নম্বীয়ু
https://pib.gov.in/PressReleasePage.aspx?PRID=1651934
হৌদোকপগী মহাক্কী ৱারোলদা কেন্দ্রগী এজুকেসন মন্ত্রী শ্রী রামেশ পোখ্রিয়ল ‘নিশঙ্ক’না নেস্নেল এজুকেসন পোলিসী শেম্লকপগী খোঙচৎ অমসুং খন্ন-নৈনখিবগী থবক থৌরমশিংগী মতাংদা থমখি। মন্ত্রীনা হায়খি খুঙ্গং, ব্লোক, জিলা, একাদমিসিয়ন, ভাইস-চাঞ্চেলর, প্রিন্সিপল, ওজা অমসুং সাইন্তিস্ত লাখ কয়া তান্নদুনা পোলিসী অসি শেমখি। মহাক্না নেস্নেল রিসর্চ ফাউন্দেসনগী খুত্থাংদা অনৌবা লম্বী অমদি রিসর্চতা মতেং পাংনবগী মতাংদসু ফোঙদোকখি। মহাক্না হায় নেস্নেল এজুকেসন পোলিসী অসিনা ঐখোয়গী এজুকেসন সিস্তেম অসি হোংদোক-হোংজিন য়াবা অমসুং মরা চৎপা ওইহল্লগনি। মহাক্না হায় পোলিসী অসিনা মীৎয়েং থম্লিবা অসি অহোংবা, অওনবা পুরকপা অমদি থবক পাঙথোকপদনি অমসুং নেস্নেল এজুকেসন পোলিসী অসিগী খুত্থাংদা স্বচছ, স্বস্থ, সশক্ত, আত্মনির্ভর অমসুং এক ভারত শ্রেস্থা ভারত অমা পুরক্নবা লম্বীদআ চৎপা ঙমগনি।
এজুকেসনগী কেন্দ্রগী মন্ত্রী শ্রী সঞ্জে ধোত্রেনা গভর্নরনা কনফরেন্সতা কান্নরবা ৱাখল্লোনশিং ফোঙদোকখিবা অদু থাগৎখি অমসুং কনফরেন্স অসিদা শরুক য়ারিবা পুম্নমকপু থাগৎখি।
কনফরেন্স অসিদা গভর্নর, লেপ্তনেন্ত গভর্নরশিং অমসুং রাজ্যশিংগী অমসুং য়ুনিয়ন তেরিতরীশিং এজুকেসন মন্ত্রীগী ওইবা খন্ন-নৈনবগী সেসন অমা পাঙথোকখি। সেসন অসিদা অনৌবা নেস্নেল এজুকেসন পোলিসী-২০২০গী মখাদা হায়র এজুকেসনদা পুরক্কদবা অওনবশিং অসিগী মরমদা অমসুং মাংদা লৈরিবা লম্বেলগী মতসংদা কুপ্না খন্নখি। গভর্নরশিং অমসুং লেপ্তনেন্ত গভর্নরশিংনা মখোয়গী রাজ্যশিংগী অমসুং য়ুনিয়ন তেরিতরীশিংগী মতাংদা তোঙান-তোঙানবা সমস্যাশিংগী মতাংদা রাস্ত্রপতি অমসুং অতোপ্পা শরুক য়ারিবশিংগী মতাংদা পাউদমখি।
কম্মিতী ফোর দ্রাফ এন.ই.পি.গী চিয়র্মেন প্রোফ. কে. কসতুরিরঙ্গন্না অখন্নবা সেসন অমদা মরুওইবা ৱারোল ফোঙদোক্লদুনা এন.ই.পি.গী কন্সল্তেসন তৌখিবগী মতাংদা অমসুং নে.ই.পি.গী তোঙান তোঙানবা হীরমশিংগী মতাংদা পনখি। এজুকেসন্দা অহোংবা পুরকপদা এন.ই.পি.গী থৌদাং হায়বা তেক্নিকেল সেসন অমা য়ু.জি.সি.গী চিয়র্মেন প্রোফ. দি.পি. সিংহনা ময়াই তাংবন লৌরগা পাঙথোকখি। প্রিন্সতন য়ুনিভর্সিতীগী মমিং লৈরবা মেথমেতিক্সিয়ন অমসুং কম্মিতী ওন দ্রাফ এন.ই.পি.গী মেম্বর প্রোফ. মঞ্জুল ভার্গাবা অমসুং কম্মিতী ওন দ্রাফ মেম্বর প্রোফ. এম.কে. শ্রীধরনা সেসন অদুগী গেস্ত ৱাঙাংলোয়শিং ওইখি। ৱাঙাংলোয়শিংনা লৈবাক্কী চাউখৎ থৌরাংদা; ভারতনা মায়োক্নরিবা খুন্নাইগী ওইবা খুদোংচাদবশিং অমসুং রিসর্চ অমদি ইন্নোবেসনগী ওইবা সোলুসনশিংদা; ২১শুবা চহিচা অসিদা লৌশিংগী ওইবা লমদা খুমাং চাউশিনবা হেনগৎপদা, হ্যুমেন্তিতীস অমসুং আর্তস লোয়ননা স্তেম পুনশিনবা; অমসুং মল্তিদিসিপ্লিনরী ওইবা অপুনবা এজুকেসন্দা এজুকেসন্না লৌরিবা মরু ওইবা থৌদাংগী মতাংদা থমখি।
*****
(Release ID: 1652135)
Visitor Counter : 108