গ্রাসরুত ইনোভেসনগী পুক্নীং থৌগৎনীংঙাই ওইবা ৱারীশিং তম্ননবা অমদি শন্দোক্নবগীদমক অতল ইনোভেসন মিসন, নীতি আয়োগনা ভারতকী খ্বাইদগী চাউবা এজুকেসন মীদিয়া হাউসশিংগী মরক্তা অমা ওইরিবা স্কুন্যুজকা খুৎশম্ননা চৎমিন্নরি‍।

খুৎশম্ননা চৎমিন্নবা অসিগী খুত্থাঙদা এজুকেসন সেক্তরগী স্তেকহোল্দরশিংগী মরক্তা এ.আই.এম. অমসুং অতল তিঙ্করিং লেব্সকী তোঙান তোঙানবা থৌরাংশিংগী মতাংদা হেন্না পাক শন্না খঙহনবতা নত্তনা মহৈ তম্ফমশঙশিং, ফেকল্তীশিং, এদুকেতরশিং অমসুং মেন্তরশিংদা মালেম পুম্বদগী মতিক লৈবা মিৎয়েঙ, মচাক অমসুং খ্বাইদগী ফবা থৌওং ফংহনগদৌরি‍।

স্কুন্যুজনা মশাগী নেতৱর্ককী খুত্থাঙদা এ.আই.এম.না পায়খৎলিবা তোঙান তোঙানবা থৌরমশিং অমসুং কম্পিতিসনশিংদা ঙাক্লৌ পীগনি‍। মখা তানা লৈবাক পুম্বদগী পুক্নীং থৌগৎনীংঙাই ওইবা ৱারীশিং দোকুমেন্ত তৌশিন্নবা অমদি থম্নবগী পান্দমদা এ.আই.এম. অমসুং স্কুন্যুজনা এ.তি.এল.গা মরী লৈনবা মচাকশিং, পুক্নীং থৌগৎনীংঙাই ওইবা গ্রাসরুতগী ৱারীশিং অমসুং অতৌবা ৱাখল্লোনশিং, এদ-তেক পাউশিং অমসুং এ.আই.এম.না শৌগৎপা তোঙান তোঙানবা স্তার্তঅপশিং অমসুং লূপশিংগী ৱারীশিং খন্দোক্তুনা থা থাগী ওইনা ফোঙদোক্কনি‍। এ.তি.এল. মরাথোনগী মকোক থোঙবা ইনোভেসনশিং নুংঙাইবা ফোঙদোক্নবগীদমক স্কুন্যুজনা অখন্নবা চেফোঙ অমসু পুথোক্কনি‍।

“অতল ইনোভেসন মিসননা লৈবাকসিদা অনৌবা মতমগী ওইবা ইনোভেসন অমসুং মতিং লৈবা জোব ক্রিএতর মিলিয়ন অমা হেন্না শেম্নবা পান্দম থম্লি‍। হায়রিবা অসি ফংবা ঙম্নবগীদমক ঐখোয়বু পুক্নীং থৌগৎকদবা মীওইশিংগী ৱারী তম্বা মথৌ তাই‍। ঐখোয়গী এ.তি.এল. বিনিফিসিয়রিশিং খুদোং চাখিদ্রবা মতমসিদা ফাওবা খুদোংচাদবা কয়া মায়োক্নদুনা অনৌবা ৱাখল্লোনশিং পুথোকপা মখা চত্থরি‍। মখোয়গী পুক্নীং থৌগৎনীংঙাই ওইবা ৱারীশিং তমবা অমদি নুংঙাইবা ফোঙদোকপা মথৌ তাই‍। ঐখোয়না স্কুন্যুজকা খোঙবু ওইরিবা অসিনা ভারত্তা অনৌবা ৱাখল্লোনগী ওইবা হৈশিংবশিং খঙদোক্নবা ভেল্যু-এদ্দিং ফম্বাক অমা শেমগৎপগা লোয়ননা অসিগুম্বা ৱারীশিং খঙদোক্তুনা তম্নবনি,” হায়না এ.আই.এম. মিসন দাইরেক্তর শ্রী আর. রমনননা ফোঙদোকখি‍।

মহাক্না স্কুন্যুজ কাঙবুবু কোবিদ-১৯গী মতমসিদসু স্কুল এজুকেসনগী পুক্নীং থৌগৎনীংঙাই ওইবা ৱারীশিং চোকথবা নাইদনা হোৎনদুনা পুথোরকপগীদমক্তা থাগৎপা ফোঙদোকখি‍।

স্কুন্যুজ সি.ই.ও. রবি সন্তলানিনা হায়খিবদা, “ঐখোয়না এ.আই.এম.গা থবক তৌমিন্নবদা নুংঙাইবা ফাওই‍। লৈবাক শিনবা থুংবদগী হৈথোই শিংথোইরবা কয়াগী পাথ-ব্রীকিং ৱারীশিং খঙদোক্নবা অমদি মহৈরোয়শিং, ওজাশিং, মহৈ তম্ফমশঙশিং, লমজিংলোয়শিং অমসুং অতৌ স্তেকহোল্দরশিংগর খোঙচৎকী খুত্থাঙদা মতিং লৈবা মচাক শেম্নবা ঐখোয়না ফোঙফম চেৎনা লেপ্লি‍। এ.আই.এম., নীতি আয়োগকা মপাঙ্গল কনবা খোঙবু শেমবনা ভারত্তা খ্বাইদগী ফবা এজুকেসন ইকোসিস্তেম অমা শেমবদা অমদি ঐখোয়গী লূপকী মিৎয়েং অমসুং পান্দম পাকথোক চাউথোকহনবদা মতেং ওইগনি‍।

অতল ইনোভেসন মিসনদা ভারততা হৌজ-কাজরকপা ইনস্তিত্যুসনশিং, লূপশিং অমসুং কম্পেনীশিংদা খুৎশম্ননা চৎমিন্নবা অসি পব্লিক-প্রাইভেত খোঙবু শেমবদা মরুওইবা অমদি নহা ওইরিবা মহৈরোইশিংদা অনৌবা পোত্থোক অমসুং ৱাখল্লোন পুথোক্নিংবগী ইথিল পোকহনবগী পুক্নীং থৌগৎনীংঙাই ওইবা খুৎলায় অমা ওইগনি হায়না ঐখোয়না থাজৈ‍।

*****