জি. ২০ লৈবাকশিংগী এজুকেসন মন্ত্রীশিংনা মেম্বর লৈবাকশিংদা লাংফম নংলিবা মতমসিদসু পুম্নমক কোনশিনবা অমদি মান্নবা থাক্কী মহৈ মশিং তমবা ফংহন্নবা অমদি মীপুম খুদিংমক্তা পুন্সি চুপ্পা মহৈ মশিং তমবগী খুদোংচাবা পীননবা মহৈ মশিং তমবগী লমদা পুন্না থবক তৌমিন্ননবা অমদি খ্বাইদগী ফবা থৌওং শেয়র তৌননবা ৱারেপ্নখ্রে‍। লাংফমগী মতমদা মহৈ মশিং তমবা মখা চত্থবা, ঙল্লিঙৈ মতমগী অঙাঙগী মহৈ মশিং অমসুং মহৈ মশিংবু মালেমগী ওইবা ইহৌ ওইহনবা হায়বা শকখঙলবা হীরম অহুমসিদা মেম্বর লৈবাকশিংগী মরক্তা খন্ননবা অমদি থেংনরকপশিং তম্ননবা ঙরা জি. ২০ এজুকেসন মন্ত্রীশিংগী ভর্চুএল মীফম অমা পাঙথোকখ্রে‍। ঙরাঙগী মীফম অদু হীরমশিং অসিগী মতাংদা কোবিদ-১৯ লাইচৎনা মরম ওইদুনা ভর্চুএল ওইনা চত্থরকপা খন্ন-নৈনবগী থৌরমগী লোইশিনবগী থৌরম্নি‍।

ভারতকী মহুৎ শিল্লদুনা কেন্দ্রগী মহৈ মশিংগী মন্ত্রী শ্রী রামেশ পোখ্রিয়ল নিসঙ্কনা হায়রিবা হীরমশিং অসিমকসু ভারত লৈঙাক্না তান্নরিবা মরুওইবা হীরমশিংনা হায়না হায়খি‍। হায়রিবা হীরমশিং অসিদা ভারতকী ফিরেব লৈবাকসিদা মহৈ মশিং তমবগী মতাংদা অওনবা অমা পুরক্নবা পান্দম থম্লিবা নেসনেল এজুকেসন পোলিসী ২০২০দা মমি তারি‍। ভারতনা মশাগী মহৈ মশিং তম্বগী মওং মতৌদা অওনবা পুরক্নবা অমদি কোবিদ-১৯ লাইচৎনা পীরিবা শীংনবশিং কোকহন্নবা পায়খৎলিবা থৌরাংশিং মখাতানা চত্থখিগনি হায়না মহাক্না ফোঙদোকখি‍। ভারতনা মহৈ মশিংগী লমদা জি. ২০ লৈবাকশিংগা খুৎশম্ননা চৎমিন্ননবা ফিরেপ লৌরি হায়নসু মহাক্না হায়খি‍।

এজুকেসন মন্ত্রীশিংনা চেরোল অমসু মীফম লোইশিল্লকপদা য়ানখি‍। লাংফম তারিঙৈ মনুংসিদা মহৈ মশিং তম্বা মখা চত্থনবগীদমক চেরোল অদুনা দিস্তেন্স অমসুং পুনশিল্লবা তাকপা অমসুং তমবগী কান্নবা শকখঙখি অমদি অৱাংবা থাক্কী মহৈ মশিং তমবা ফংহনবা, শিন্তাক্লোইশিংগী প্রোফেসনেল দেভেলপমেন্ত, দিজিতেল ইন্ফ্রাস্ত্রকচর অমদি কন্তেন্ত, সাইবরসুক্যুরিতীগী মতাংদা পাকশন্না খঙহনবা, চুনবা তাকপী-তম্বিবগী মওং মতৌ অমসুং এক্তিব লর্নিংনা মায়-মায় ওনশিন্নদুনা তম্বিববু হেন্না মপুং ফাহল্লি হায়বা খঙবগা লোয়ননা মসিগী লমদা ফীভম ফগৎহন্নবা ৱাফম ফোঙদোক্লি‍। তম্বগী মহৈ অমসুং লাপ্না তম্বিবগী থাক্কী মরমদা নৈননবা থিজিন-হুমজিনবা অমসুং দেতাগী কান্নবসু মমুৎ তানা ফোঙদোক্লি‍।

আর্লী চাইল্দহুদ এজুকেসন (ই.সি.ই.)গী মরুওইবগী মতাংদা, চেরোল অদুনা অঙাঙ খুদিংমক্কী মরুওইনা খুদোংথিরবা কাঙলুপ্তা লৈরিবশিংগীদমক মতিং লৈবা ই.সি.ই. ফংহনবা অমদি পুবা থাংবা ঙমহনবগী মরুওইবদসু মীৎয়েঙ থম্লি‍। অঙাঙগী চাউখৎলকপগী তোঙান তোঙানবা থাক্কী মতুং ইন্না শেম্লিবা মতিং লৈবা ই.সি.ই.গী মরুওইবা থৌদাংশিংগী মতাংদা ইমুং মনুংদা অমদি ফুরুপকী থাক্তা হেন্না পাক শন্না খঙহনবগী তঙাইফদবসু চেরোল অদুনা পল্লি‍।

চেরোল অদুনা মহৈ মশিংগী লমদা খ্বাইদগী ফবা থৌওংশিং পুথোক্নদুনা মহৈ মশিং তম্ববু মালেমগী ওইবা  ইহৌ ওইহনবা অমদি মদুবু চুনবা য়েংলগা লম লমগী, লৈবাক্কী অমদি মালেকগী থাক্তা শীজিন্নবা পুক্নিং থৌগৎনবা ফিরেপ ফোঙদোক্লি‍। মদুনা কে.-১২ থাকপু মালেমগী ওইবা ইহৌ ওইহনবগী মতাংদা খন্ন-নৈনবা খুমাঙ চাওশিনবদা ঙাক্লৌসু পীরি‍। মালেমগী ওইবা ইহৌ ওইহনবনা লৈবাক অমদি লৈরিবা মহৈরোয়শিংগী ইন্তরকলচরেল অমসুং মালেমগী চুনবা হেনগৎহনবা অমদি মীপুম খুদিংমক্তা তম্বগী খুদোংচাবা অমদি এক্সপিরিএন্স মান্ননা ফংহনবদা পীরিবা ইনোৎকী মতাংদা পুক্নিং চিংশিল্লি‍।

কিংদম ওফ সাউদি অরাবিয়া না ২০২০দা জি-২০ লুচিংবশিংগী মীফম শীল্লি‍। জি২০ মেম্বরশিংদি অর্জেন্তিনা, ওস্ত্রেলিয়া, ব্রাজিল, কেনাদা, চাইনা, ফ্রান্স, জর্মনী, ইন্দিয়া, ইন্দোনেসিয়া, ইতলী, জপান, মেক্সিকো, রিপব্লিক ওফ কোরিয়া, রসিয়া, সাউদি অরাবিয়া, সাউথ অফ্রিকা, তর্কী, দি য়ুনাইতেক কিংদম, দি য়ুনাইতেদ স্তেত্স অমসুং য়ুরোবিয়ন য়ুনিয়ন (ই.য়ু.)নি‍।

সেপ্তেম্বর ৫, ২০২০দা পাঙথোকখিবা জি২০ এজুকেসন মন্ত্রীশিংগী ভর্চুএল মীফমদা ভারতনা পীখিবা মপুং ফাবা ৱারোলগীদমক মসিদা নম্বিয়ু

মিনিস্তরিএল দিক্লারেসন জি২০ এজুকেসন মিনিস্ত্রর্স মীতিংগীদমক মসিদা নম্বিয়ু

*****