কেন্দ্র মন্ত্রী শ্রী প্রকাশ জাবারেকরনা নেস্নেল এজুকেসন পোলিসী ২০২০ অসি ২১শুবা চহি চাগী ওইনা অনৌবা য়াওল অমনি হায়না হায়খ্রে। মুম্বাইগী পার্লে তিলক বিদ্যালয় এসোসিএসনগী ভিদিও লিঙ্ককী থোংদা ওজাগী নুমিৎকী চহি চামা শুরকপগী থৌরমদা মরুওইবা ৱাফম ফোংদোক্লদুনা ঙন্না অঙাং ওইরিঙৈদা মহৈ তম্বা, থিগৎপদা য়ুম্ফম ওইবা মহৈ তম্বা, ওজাশিং ত্রেনিং তৌবা, ফাওন্দেস্নেল অমসুং ন্যুমরিক লিতরেসী পুম্নমক অসিদা হেন্না অকনবা মিৎয়েং থমখ্রে হায়না ফোংদোকখ্রে। এন.ই.পি. ২০২০ অসিনা ২১শুবা চহি চা অসিদা লৈবাক অসি মাংজিল থানা চংশিলহনগদবা নহাশিং অসি মপাঙ্গল কনখৎহনগনি হায়না ফোংদোকখ্রে।“পোলিসী অসি মহৈরোয়শিং অমসুং ওজাশিং অনিমক্তা নুংঙাইনা তাকপি-তম্বিবগী খংবা-উবা ফংগদবা মওংদনি” হায়না মন্ত্রীনা মখা তানা ফোংদোকখি।

শ্রী প্রকাশ জাবারেকরনা ভারতনা চহি ১০গী মনুংদা গ্রোস এনরোলমেন্ত রেসিও অসি শরুক অনি ওইরগনি হায়না থাজবা ফোংদোকখি। লৈবাক অসিগী মহৈরোয়শিং অসি খংনিং-হৈনিংবা ওইরে অমসুং শেন্মিৎলোন ফগৎহন্দুনা মখোয়গী মচাশিংদা অফবা মহৈ-মশিং তমহন্নবা মপা-মমা ওইবশিংনা হকচিন্না লৌবগী মথৌ তাই হায়না ফোংদোকখ্রে। হায়র এজুকেসন ইন্সতিত্যুসনশিং অসি মরু ওইনা খুঙ্গংশিংদা লৈহন্দুনা মালেমসিদা হেন্না শন্দোকহনবা অমদি লৈহন্নবা তানশিল্লকপা হেনগৎহনবা অসি ভারত্তা জি.ই.আর. অসি ফগৎহন্নবা মরুওইবা ফেক্তরশিং ওইগনি হায়না মহাক্না মখা তাখি। মন্ত্রীনা মহাক্কী ৱাফম অদু লোকমান্য তীলক্কী মহৈ মশিং অসি মিৎ-না শিংনবগী পাম্বৈশিং অমা ওইবগী মিৎয়েংশিং অসি শিংথানরদুনা হৌদোকখি।  মসিগী অনৌবা পোলিসী অসিনা ফাওন্দেস্নেল অমসুং ন্যুমরিকেল লিতরেসীদা অকনবা মিৎয়েং থম্মি অমসুং নেস্নেল ইনস্তিত্যুত ওফ ওপন স্কুলিং(এন.আই.ও.এস.)কুম্বা ইন্সতিত্যুতশিং অসিনা পুম্নমক্তা মহৈ তম্বা ফংহনগনি হায়না মহাক্না ফোংদোকখি।  ঙন্না অঙাং ওইরিঙৈদা মহৈ তম্বগী মরুওইবা অসি এন.ই.পি.গী মরুওইবা মতিক-ময়াইনি হায়না মন্ত্রীনা অথোইবা মওংদা পনখি। চহি কাংলুপ ৩-৮ ফাওবা অসি মমা পুক্নুংগী ওইনা হৈজ-শিংজবশিং, খংনিং-হৈনিংবা অমসুং ৱাখল-পুক্নিংনা খংবা ঙম্বগী মঙম অসি শেমগৎনবনি হায়না মহাক্না হায়খি। চিনফা পুবদগী হিরমশিং খং-হৈনা মহৈ-মশিং তম্বা অসিনা হেন্না মরু ওই হায়নসু মহাক্না ফোংদোকখি।

হৌরকপগী থাক্তা থবক পাংথোকপদা য়ুম্ফম ওইবা মহৈ তম্বা অসিদা হেন্না মরু ওইনা লৌবা মতমদা ক্লাস ৯দগী ১২ ফাওবগী মহৈ তম্বা অসিঅঙাংশিংদা বৈজ্ঞানিক ওইবা ৱাখল্লোন অপোকহনগদবা মরিক চুম্বা, মরি লৈনবা অমসুং অনৌবা ৱাখল-লৌশিংদা হেন্না লুম্না লৌখি।  রিসর্চ অমসুং ইনোবেসন্দগী ঐখোয়গী ইহৈ-ইশিং অসি মালেমগী থাক্তা হিদান্নবা ঙমগদবা নাগরিকশিং ওইহনবা ঙমগনি হায়না শ্রী জাবারেকরনা ফোংদোকখি। রিসর্চতা য়ুম্ফম ওইবা ইনোবেসন অসি পুক্নিং থৌগৎনবগীদমক্তা  আত্মনির্ভর ভারত ওইহনবদা তঙাই ফদনা চংবা ‘অতল তিঙ্করিং লেব’ ৩০০ মায় পাক্না থবক পাংথোক্লি হায়না মহাক্না ফোংদোকখি।

খুন্নাই অমা শেম্বদা ওজাগী থৌদাংগী মতাংদা ঙাংলদুনা মন্ত্রীনা হায়খি, “ ওজা হায়বসি শুপ্নতগী লাইরিক অমদি ব্লেক বোর্দতা ইচম চম্না তাকপদু নত্তে। ফিদম্নিংঙাই ওইবা ওজা হায়বসি মহাক্না তৌরিবা মওং-মতৌ অদুদগী মহৈরোয়শিংদা মমলশিং লৈহন্নবা তৌবা অদুনি”। প্রেক্তিকেল তিচিং য়াওবা চহি মরি পুনবা বি.এদ. দিগ্রী অসি ওজাশিংগী অশেংবা ত্রেনিং প্রোগ্রাম ওইনা হৌদোকখ্রে। মসিনা ওজাশিংবু মশানা খঞ্জদুনা ওজাশিং ওইবদা পুক্নিং থৌগৎকনি, অরোইবা তৌনবগী মওং নত্তবদা হায়না মখা তানা ফোংদোকখি। 

শ্রী জাবারেকরনা নেস্নেল এজুকেসন পোলিসী অসি পাক-চাউনা খন্নরবা মতুংদা শেমখিবনি হায়না ফোংদোকখি। মহাক্না ঐচ-আর.দি. মন্ত্রী ওইরিঙৈগী মতম অদু নিংশিংলদুনা হিরমশিংদা খং-হৈরবা ১৩-১না পুন্না পুক্নিং চংনা থবক তৌমিন্নদুনা অমদি দা.কে. কস্তুরিরঙ্গবগী লিচিং মখাদা য়াম্না লুনা লৌদুনা থবক তৌমিন্নখি হায়না মহাক্না ফোংদোকখি।

পার্লে তীলক বিদ্যালয় এসোসিএসনগী মরমদা

পার্লে তীলক এসোসিএসন অসি মুম্বাইগী সবর্বগী মফমশিংদা থবক তৌবা এদজুকেস্নেল ওর্গনাইজেসন অমনি। জুন ৯, ২০২০দা মসিগী ওর্গনাইজেসন অসি চহি চামা চংশিল্লক্লে। লোকমান্য তীলক্কী অথোইবা মী ওইবগী মওং অদুদা পুক্নিং থৌগৎলদুনা বিলে পার্লেগী লৈবাক নিংবা নাগরিক  খরনা পার্লে তিলক বিদ্যালয় এসোসিএসন(পি.তি.ভি.এ.) অসি লিংখৎখি। পার্লে তীলক্কী অহানবা মরাথী মহৈলোয়শঙ অসি জুন ৯, ১৯২১দা হৌদোকখি। মহৈলোয়শঙ অসিদা অহৌবদা শুপ্নতগী মহৈরোয় ৪ খক্তমকম লৈরমখি। ঙসিদি ইন্সতিত্যুত অসিগী মহৈলোইশঙ ৫, কোলেজ ৩ অমসুং মেনেজমেন্ত ইন্সতিত্যুত অমা লৈদুনা পুন্না মহৈরোয় ২০,০০০গী মথক্তা এনরোলমেন্ত তৌরে। পার্লে তীলক বিদ্যলয় এসোসিএসনগী এলম্নিশিংগী মরক্তা মহারাস্ত্রগী খোইদানরবা অইবা পু.লা. দেশপান্দে, শরদ জৌশীগী ফাওন্দর শেৎকারী শঙ্ঘতনা, হান্নগী ইন্দিয়ন এয়র ফোর্সগী এয়র চীফ মার্শেল প্রদীপ নায়ক(আর.)নচিংবা য়াওরি। ইন্সতিত্যুসন অসিনা রাজনীতি তৌবা মীওইশিং, সোসিএল এক্তিভিস্তশিং, ওন্দর্প্রিন্যুরশিং অমদি এক্তর কয়া অমা পুথোকখ্রে।

*****