ঙসি উপ-রাস্ত্রপতি এম.ভেনকিয়া নাইদুনা হায়খি মহাক্কী পুন্সিদা মাইপাকখিবা অমসুং পান্দম ফংখিবগীদমক, মহাক্কী স্কুল অমসুং কোলেজগী মতমদা মহাকপু তাকপী তম্বীখিবা মহাক্কী ওজাশিং অমসুং লমজিংখিবশিংগী লমন তোল্লে।

ওজাগী নুমিৎ থৌরমদা মহাক্না ভর্চুএল ওইনা শ্বরনা ভারত ত্রস্তনা লিংখৎপা নেল্লোরদা লৈবা অকসারা বিদ্যলায়া কৌবা স্কুল অমগী ওজাশিং অমসুং মহৈরোইশিং অমসুং শ্বরনা ভারত ত্রস্তনা পাংথোকপা স্কিল কোর্সশিংগী ত্রেন্নরশিংগা লোয়ন্না ৱারি শানখি।

উপ-রাস্ত্রপতিনা হান্নগী রাস্ত্রপতি অমসুং উপ-রাস্ত্রপতি সর্ভেপাল্লি রাধাকৃষ্ণনগী মফমদা ইকায়খুম্নবা উৎখি অমসুং মহাক মমিং লৈরবা ওজা অমনি, ফিলোসোফর অমনি, পন্দিৎ অমনি, রাজনিতিগী মীওই অমনি অমসুং অইবা অমনি হায়না শিংথাখি।

থৌরম অসিদা শ্রী নাইদুনা মহাক্কী ওজাশিং অমসুং পাউতাক পীখিবা মীওইশিংদা ইকায়খুম্নবা উৎখি অমসুং মহাক্কী পুন্সি অমসুং শীনফম শেম্বদা মরুওইবা থৌদাং লৌখিবা ওজা অমসুং লমজিংখিবা মীওই ৫১হেন্না গুরু পুর্নিমা নুমিৎতা মহাক্না ইকায়খুম্নবা উৎখিবা অদু মহাক্না নিংশিংখি।

উপ-রাস্ত্রপতিনা হায়খি মহাক্কী স্কুল অমসুং কোলেজ তম্লিঙৈ মতমদা মিকুপ খুদিং মহাক্না নুংঙাইখি।লাইরিক তম্বা অসি লেপ্তনা চৎথগদবা থবক অমনি। মহৈরোইশিংনা ওজাশিং, মমা-মপাশিং অমসুং পুন্সিগী থৌদোক-ৱাথোকশিংদগী লৌশিং কয়া ফংলবা ইপু-ইবেনশিংদগী তমগদবনি। লাইরিক পানবা মহাক্না মখোয়দা তকশিনখি।

ওনলাইন ক্লাসশিং পাংথোকপগীদমক অকসারা বিদ্যলায়া, এস.বি.তি অমসুং মুপ্পাভারাপু ফাউন্দেসন থাগৎলদুনা উপ-রাস্ত্রপতিনা হায়খি লৈবাক অসিগী মীয়াম্না কোবিদ-১৯ লাইচৎ লাকশিনগনি হায়বগী থাজবা থম্লি। মখোয় থবক ফংনবা নৎত্রগা মশা মরোমদোম থবক পীজবা ঙম্নবা লৈবাক অসিগী নহারোলশিংদা স্কিল ত্রেনিং পীবা য়াম্না মরুওই।

পুন্না হিংমিন্নবা অসি ভারতকী ফিলোসোফিগী থৱায়নি হায়না ফোঙদোক্লদুনা লোকদাউন মনুংদা লায়রবশিং অমসুং শিন্মীশিংদা মতেং পাংবগীদমক শ্রী নাইদুনা নেল্লোরদা লৈবা এস.বি.তি থাগৎখি।

*****