ঙসি ওজাগী নুমিৎতা ভর্চুএল ওইনা পাংথোকপা অহানবা মনা য়েন্থোকপগী থৌরমদা লৈবাক অসিগী ওজা ৪৭দা ভারতকী রাস্ত্রপতি শ্রী রাম নাথ কোবিন্দনা নেস্নেল এৱার্দশিং পীখ্রে। রাস্ত্রপতিনা মহাক্কী ৱারোলদা মনা ফংলবা ওজাশিং থাগৎখি অমসুং স্কুলগী ইজুকেসন ফগৎহন্নবা ওজাশিংনা পায়খৎলিবা থবকশিং থাগৎখি। নেস্নেল এৱার্দ ফংলবশিংগী চাদা ৪০ রোম নুপীশিংনি অমসুং লাইরিক তাকপী-তম্বীবগী লমদা নুপীশিংনা লৌরিবা থৌদাং রাস্ত্রপতিনা থাগৎখি। থৌরম অদুদা য়ুনিয়ন ইজুকেসন মিনিস্তর  রামেস পোখ্রিয়াল ‘নিসানক’, ইজুকেসনগী রাজ্য মন্ত্রী সঞ্জয় ধোত্রে শরুক য়াখি। স্কুল ইজুকেসন অমসুং লিতেরেসি দিপার্তমেন্তগী সেক্রেতরি শ্রীমতি অনিতা করৱাল, হায়র ইজুকেসন দিপার্তমেন্তগী সেক্রেতরি অমিত খারে অমসুং অতৈ সেনিয়র ওফিসিএলশিং শরুক য়াখি।

দোক্তর এস.রাধাকৃষ্ণন ইকায়খুম্না উৎলদুনা, রাস্ত্রপতি কোবিন্দনা হায়খি মহাক মিৎয়েং শানবা, রাজনিতিৱালা অমসুং শিংথানিংঙাই ওইরবা ওজা অমনি। মহাক্না লৈবাক অসি চাউখৎনবা হোৎনরম্বশিং ইকায়খুম্বা উৎপা ওইনা অমসুং ওজাশিং ইকায়খুম্নবা উৎপা ওইনা মহাক্কী মপোক নুমিৎতা ওজাগী নুমিৎ থৌরম পাংথোকপনি। থৌরম অসিনা ঐখোয়গী ওজাশিং ইকায়খুম্নবা উৎনবগী খুদোংচাবা অমা পীরে। অঙাংশিংগী লমচৎ-শাজৎ অমসুং লৌশিং শেমগৎতুনা ওজাশিং অসি তশেংনা লৈবাক শেমগৎপা মীওইশিংনি।

কোবিদ-১৯ লাইচৎ মনুংদা দিজিতেল তেক্নোলোজিগী মরুওইবা পল্লদুনা মহাক্না হায়খি অঙাংশিং লাইরিক তাক্নবা ঐখোয়গী ওজাশিংনা মসিগী তেক্নোলোজি অসি শীজিন্নরি। ইজুকেসন অসি হেন্না কান্ননবা অমসুং মহৈরোইশিং অনৌবা তেক্নিকশিং খুৎলোইনবা ওজাশিং দিজিতেল তেক্নোলোজিশিংগী অনৌবা লৌশিং তানশিনবা অসি য়াম্না মরুওই। ওনলাইন ইজুকেসনগী থবক অসিনা তঙাইফদনা মমা-মপাশিংগা ওজাশিংগা খুৎশম্নদুনা চৎমিন্নরে অমসুং অঙাংশিং লাইরিক তম্বগী অনৌবা লম্বীদা থৱায় য়াওহল্লে। ত্রাইবেল অমসুং মনুং-হুঞ্জিনবা মফমশিংগী অঙাংশিংসু কান্নবা ফংনবা থবক পায়খৎকদবনি।

নেস্নেল ইজুকেসন পোলিসিগী মতাংদা রাস্ত্রপতি কোবিন্দনা হায়খি নৌনা হৌদোক্লিবা পোলিসি অসিনা ঐখোয়গী অঙাংশিংনা তুংদা দরকার ওইরক্কবশিং থৌরাং তৌগনি অমসুং তোঙান-তোঙানবা মরী লৈনবশিং তান্নরবা মতুংদা শেম্বনি। পোলিসি অসি মাইপাকহনবা অমসুং কান্নবা ওইহনবদা হৌজিক ওজাশিংনা মরুওইবা থৌদাং লৌগদবনি। অনৌবা ইজুকেসন পোলিসি অসি থবক ওইনা পাংথোক্নবা ওজাশিং মতিক চাহন্নবা থবকশিং পায়খৎলে অমসুং খ্বাইদগী মতিক চাবশিং খক ইজুকেসনগী লমদা থবক তৌনবা খনগনি।

রাস্ত্রপতিগী ৱারোলগীদমক চানবীদুনা মখাগী অসিদা নম্বীয়ু :

https://static.pib.gov.in/WriteReadData/userfiles/hindi%20msg.pdf

ঐখোয়গী অঙাংশিংগী তুংগী য়াইফনবা মখোয়না পাংথোকখিবা থবকশিং শকখঙবা উৎতুনা মসিগী মনা অসি ফংলবা ওজাশিং য়ুনিয়ন ইজুকেসন মিনিস্তর পোখ্রিয়ালনা থাগৎপা ফোঙদোকখি।

ইজুকেসন মিনিস্তরনা হায়খি ওজাশিংগী খুন্নাই অমদা খ্বাইদগী ইকায়খুম্নবা মীওইশিংনি। ওজাশিং অসি মখোয়গী লমচৎ-শাজৎ, ৱাখল্লোন অমসুং শক্তিনা লৈবাক্কী মরাইবক লেপ্পা লৈবাক শেমগৎপা মীওইশিংনি। খুন্নাইগী অচুম্বা পুরকপা ঙম্নবা অমসুং তুংগী মীরোলশিং ইথিল পীনবা ওজাশিংনা মখোয়গী হৈশিংবা মপুংফানা শীজিন্নগদবনি। ওজা অমগী মরুওইবা থৌদাংদি খুন্নাইগী হোঙলক্লিবশিং অমসুং মহৈরোই অমনা দরকার ওইরবশিং খঙগদবনি অমসুং তাকপী-তম্বীবগী থবকশিংদা লৈবাক্কী চাউখৎ-থৌরাংগী অমসুং ইজুকেসনগী পান্দমশিং ফংনবা হৌখ্রবা মতমগী থৌদোকশিংদগী ফংলবা লৌশিং শীজিন্নগদবনি।

কোবিদ-১৯ লাইচৎ মনুংদা ওজাশিংগী থৌদাং পল্লদুনা মহাক্না হায়খি মাই মাই ওনশিন্নরগা লাইরিক তাক্লম্বদগী অতোপ্পা মওং অমদা লাইরিক তম্বীবা অসিনা ওজাশিংদা শিংনবা কয়া মায়োক্নরি। হৌজিক লাইরিক তম্বগী মওং অসি ওনলাইন, তি.ভি, মোবাইল, রেদিওনা মহুৎশিল্লে। ওজাশিং অমসুং মহৈরোইশিংনা দিজিতেল এপ্পশিং হায়বদি-দিকশা, শ্বায়াম, শ্বায়াম প্রভা, ফোসে, এনরোর শীজিন্নরে।

#OurTeachersOurHeroes National Awards to Teachers 2020. Hon'ble President of India Shri Ram Nath Kovind Ji felicitating the teachers on #TeachersDay. @rashtrapatibhvn #TeachersFromIndia #NAT2020 @PIB_India @MIB_India @EduMinOfIndia @DDNewslive https://t.co/rdMrSjZ3YA

— Dr. Ramesh Pokhriyal Nishank (@DrRPNishank) September 5, 2020

মিনিস্তরনা হায়খি, এন.ই.পি-২০২০না লাইরিক তম্বীবা অমসুং ওজাশিংগী পুন্সিদা অহোংবা পুরক্লগনি। এন.ই.পিনা ওজাশিংগী ক্বালিফিকেসন অমসুং ওজাশিং থবক হাপ্পগী মতাংদা অহোংবা পুরকলগনি।

থাগৎ ৱাহৈ পীরদুনা রাজ্য মন্ত্রী ধোত্রেনা হায়খি, ওজাশিংগী থৌদাং অসি খুন্নাই অমগী য়ুম্ফমনি। ওজাশিংগী লেংবানদা সিবিলাইজেসন্না লেপ্লিবনি অমসুং তুংগীদমক য়েংলিবনি। মরম অদুনা ঐখোয়গী খুন্নাইগী মরুওইবা মীওই অমা ওইরিবা ওজাশিং ইকায়খুম্নবা উৎগদবনি।মহাক্না মনা ফংলবা ওজাশিং থাগৎখি।

চহি অসিগী ওইনা কেন্দিদেদশিং ভিদিও কনফরেন্সকী খুৎথাংদা জুরিগী মমাংদা থোক্তুনা প্রসেন্তেসন পীখি। জুরিনা ওজা ৪৭ খনখি। স্কুল ইজুকেসনগী লমদা অনৌবা থবকশিং অমসুং মহৈরোইশিংগী পুন্সিদা অহোংবা পুরকপা ঙম্বা থবকশিং পাংথোকপগীদমক নেস্নেল এৱার্দ পীনবা ওজাশিং খনগৎখিবনি।

*****