এতিয়াৰে পৰা প্ৰধান বন্দৰসমূহত ভাৰতত নিৰ্মিত টাগ নাও ব্যৱহাৰ কৰা হ’ব

জাহাজ পৰিবহণ মন্ত্ৰালয়ে সকলো প্ৰধান বন্দৰসমূহক টাগ নাও ক্ৰয় কৰিবলৈ অথবা ভাড়ালৈ ল’বলৈ নিৰ্দেশ দিছে যি কেৱল ভাৰততহে নিৰ্মাণ হৈছে৷ মুখ্য বন্দৰসমূহৰ দ্বাৰা কৰা সকলো ক্ৰয় এতিয়া সংশোধিত ‘মেক ইন ইণ্ডিয়া’ৰ আদেশ অনুসৰি কৰাৰ আৱশ্যক হ’ব৷

জাহাজ পৰিবহণ মন্ত্ৰালয়ে ভাৰতীয় জাহাজ নিৰ্মাণ উদ্যোগক উৎসাহিত কৰাৰ দিশত অগ্ৰসৰ হৈছে আৰু মেক ইন ইণ্ডিয়া জাহাজ নিৰ্মাণৰ বাবে কিছু সংখ্যক অগ্ৰণী দেশৰ সৈতেও আলোচনা কৰি আছে৷ ইয়াৰ মাজতে চৰকাৰৰ এই সিদ্ধান্তই জাহাজ নিৰ্মাণৰ ক্ষেত্ৰত মেক ইন ইণ্ডিয়াক বাস্তৱায়িত কৰাৰ দিশত এক বৃহৎ পদক্ষেপ হিচাপে বিবেচিত হ’ব৷

কেন্দ্ৰীয় জাহাজ পৰিবহণ মন্ত্ৰী (স্বতন্ত্ৰ) শ্ৰী মনসুখ মাণ্ডৱ্যই কয় যে চৰকাৰে পুৰণি বন্দৰসমূহৰ পুনৰ্জীৱিত কৰা আৰু ভাৰতত জাহাজ নিৰ্মাণক উৎসাহিত কৰাৰ বাবে সম্পূৰ্ণ প্ৰয়াস কৰিছে৷ তেওঁ কয় যে ভাৰতীয় জাহাজ নিৰ্মাণৰ পুনৰুদ্ধাৰ আৰু আত্মনিৰ্ভৰ ভাৰত আত্মনিৰ্ভৰ পৰিবহণক উৎসাহিত কৰাৰ দিশত এক বৃহৎ পদক্ষেপ গ্ৰহণ কৰা হৈছে৷ চৰকাৰে ভাৰতত জাহাজ নিৰ্মাণ, জাহাজৰ মেৰামতি, জাহাজৰ ৰিচাইক্লিং আদিৰ বাবে এক পৰিস্থিতিতন্ত্ৰ প্ৰস্তুতিৰ প্ৰয়াস কৰিব৷ আগন্তুক সময়ছোৱাত আত্মনিৰ্ভৰ পৰিবহণ এক প্ৰণালী হিচাপে বিবেচিত হ’ব৷

***

YB/AP/MANN