ভারত সরকারগী পাৱর মন্ত্রালয়গী য়েংশিনবগী মখাদা লৈবা সুপর ইনর্জী সর্বিস কম্পেনী (ই.এস.সি.ও.) ওইরিবা ইনর্জী ইফিসিএন্ত সর্বিস লিমিতেদ (ই.ই.এস.এল.)না তাতা মোতোর্স অমসুং হ্যুন্দাই মোতোর ইন্দিয়া লিমিতেদতগী ইলেক্ত্রিক্কী গারি ২৫০ লৈগনি। য়াওনিংবা মীওইশিংগী মশিং য়াম্বা হেনগৎহন্নবা পান্দম থম্বা মালেমগী চাংয়েংনবা বিদ্দিংগী খুত্থাংদা কম্পেনী অসি অসি খনখিবনি।  তাতা মোতোর্স লিমিতেদ অমসুং হ্যুন্দাই মোতোর ইন্দিয়া লিমিতেদনা তেন্দরদা মাই পাক্তুনা সরকারনা শিজিন্ননবা হৌজিক নেক্সোন এক্স.জেৎ.+ ইলেক্ত্রিক কম্পেক্ত এস.য়ু.ভি. ১৫০ অমসুং কোনা এলেক্ত্রিক প্রেমিয়ম এস.য়ু.ভি. ১০০ পীগনি। গারিশিং অসি লৈনবা অয়াবা পীবগী চিথিশিং অসি কম্পেনী অনিসিদা তাতা মোতোর্সকী সি.ই.ও. অমসুং এম.দি. শ্রী গ্বেন্তর বুৎসচেক, তাতা মোতোর্সকী পেসেঞ্জর বেহিকল ব্যুজিনেস য়ুনিৎকী প্রসিদেন্ত শ্রী শাইলেশ চন্দ্র অমসুং হ্যুন্দাই মোতোর ইন্দিয়া লিমিতেদকী সেলস, মার্কেতিং অমসুং সর্বিসকী দাইরেক্তর শ্রী তরুন গার্গ য়াওবা থৌরম অমদা পীগনি।

গারি লৈবগী থৌওং অসিদা হন্দক্তা এসিয়ান দিবেলপমেন্ত বেঙ্ক (এ.দি.বি.)না পীখিবা শেনফমদগী য়ু.এস.দি. মিলিয়ন ৫ কায়থোক্তুনা শিজিন্নগনি। ই.ই.এস.এল.না এ.দি.বি.দগী দিমান্দ সাইদ ইনর্জী ইফিসিএন্সী সেক্তর প্রোজেক্তকুম্বা মরু ওইনা অহানবা ওইনা মিৎয়েং চংগদবা লমশিং পাকথোক চাউথোকহন্নবগীদমক্তা থাগদবা শেলগী তেংবাং ফংখ্রবনি।

ই.ই.এস.এল.গী একজেক্যুতিব ভাইস চেয়রপর্সন শ্রী সৌরব কুমারনা হায়খিবদা, “ঐখোয়গী ই.-মোবিলিতী প্রোগ্রামনা তেংবাংবা ই.ভি.দা হোংজিল্লকপগী থৌওং অসিনা মীরমদগী থাউ পুশিল্লকপদা তাংজবা হন্থহল্লগনি অমসুং ভারত্তা পাৱর কেপাসিতী হেনগৎহনবদা খুমাং চাউশিনহল্লগনি। মসিনা লৈবাক অসিগী ইনর্জীগী সেক্যুরিতী অসি য়াম্না হেনগৎহল্লগনি অমসুং ত্রান্সপোর্ত সেক্তরশিংদগী জি.ঐচ.জি. থাদোকপগী চাংসু য়াম্না হন্থহল্লগনি। ময়ামসিগী মথক্তা ঐখোয়না ই.ভি.শিংগী চার্জিং স্তেসন অথুবুা মতমদা শানবা থবক পায়খৎলি অমসুং থৌওং অসিনা ইলেক্ত্রিক্কী গারিশিং য়োনবগী চাং য়াম্না হেনগৎহন্দুনা তুং লমচৎকীদমক্তা শেম শারগনি”।

হ্যুন্দাই মোতোর ইন্দিয়া লিমিতেদকী এম.দি. অমসুং সি.ই.ও. শ্রী সিওন সিউব কিম্না হায়খি, “’মীওইবগী খুন্নাই চাউখৎপা” হায়রিবা ঐখোয়গী মঙলান অসিনা লমজিংদুনা ঐখোয়না কস্তমরশিংদা খ্বাইদগী নুংঙাইবা থৌওং পীবা ইকো-ফ্রেনলী অমসুং হ্যুমেন সেন্ত্রিক তেক্নোলোজী শাবগী থবক চত্থরি। মীয়ামগী খনবা অমসুং থৌদাং মশক খঙবা ব্রান্দ অমা ওইনা ঐখোয়না  সরকারগী অশেংবা ইনর্জী ফংবগী পান্দম লৈবা থৌওংশিংগা চান্ননা চৎপা অমসুং ইলেক্ত্রিক মোবিলিতীগী তুং কোইনা চৎপা ইকোসীস্তেম অমা শেম্নবা স্তেকহোলদর ময়ামগা খুৎশম্নবা অসি য়াম্না লাইবক ফবনি হায়না খঞ্জৈ। হ্যুন্দাইনা  ভারতকী কৈথেলগীদমক্তা মালেমগী থাক্তা লৈবা পোত্থোক অমসুং তেক্নোলীজী কয়া লেপ্পা লৈতনা পুথোক্কনি অমসুং অশেংবা অমসুং অশংবা অকোয়বা অমা পুরকপদা শরুক য়াগনি”।

তাতা মোতোর্সকী পেসেঞ্জর বেহিকল ব্যুজিনেস য়ুনিৎকী প্রসিদেন্ত শ্রী শাইলেশ চন্দ্রনা হায়খি, “লৈবাক অসিদা ইলেক্ত্রিক মোবিলিতী অসি অথুবা মতমদা চৎনবা হৌরক্লি অমসুং তঙাই ফদবা খোঙজেল পুরকপা ঙম্নবা অসিগুম্বা খুৎশম্নবগী থৌওং অসিগী মথৌ তাই। ঐখোয়না ই.ই.এস.এল.গা খুৎশম্নদুনা লাক্লি অমসুং মখোয়দা সরকারগী শিজিন্ননবা ই.ভি. অহেনবা কয়া পীবা অসিদা য়াম্না নুংঙাইবা ফাওই অমসুং মসিনা তুংগী মতমদা য়ুম্ফম ওইবা মোবিলিতীগী ৱারোইশিন পুরকপদা নীংথিনা তেংবাংগনি। অথুবা খোঙজেলদা শাহৌ লৌরিবা ই.ভি.গী লমগী লুচিংবা অমা ওইনা তাতা মোতোর্সনা ভারত শিনবা থুংনা মসিগী কান্নবা ফংহন্নবা থবকশিংদা খোঙফম চেৎনা লেপ্লি”।

ই.ই.এস.এল. অসি শেন্মিৎলোন চাউখৎপা অমসুং অকোয়বগী ফিভম্বু তুং কোয়না চৎনবা খল ঙাক্তুনা থম্বগা লোয়ননা অথুবা মতমদা অনৌবা মখলগী তেক্নোলোজীগী ৱারোইশিন পুরকপগী পান্দম্না শাফু পীদুনা চলায়বনি। ই.ই.এস.এল.না মসিগী অখন্নবা খোঙথাং অসিগা লোয়ননা মসিগী অচৌবা মশিংদা পোত্থোকশিংগী অপাম্বা পীদুনা লৈশিনবগী থৌওং পুন্সিনবা তোপ তোপ্পা ব্যুজিনেস মোদেলগী খুত্থাংদা ইলেক্ত্রিক গারিশিংগী কৈথেল অমা শেম্নবা কন্না হোৎনরি। অহানবগী ওইবা তঙাই ফদবা অসিগী ওইনা ই.ই.এস.এল.না হৌজিক লৈরিবা সরকারগী গারিশিংবু ইলেক্ত্রিক্কী গারিশিংনা মহুৎ শিনবগী খুদোংচাবা অসি শিজিন্নদুনা হীরম অসিগী মতিকশিংগী কান্নবা লৌনবা হোৎনরি।

ই.ই.এস.এল.না তাতা নেক্সোন অসি গারি অমমমদা এক্স-শোরুমদা লুপা লাখ ১৪.৯৯ পীরিবা অসিদগী লুপা ১৩,০০০ তাথদুনা লুপা লাখ ১৪.৮৬তা লৈগনি অমসুং অৱাংবা থাক্কী পোত্থোকশিংগী খুদোংচাবা পীবা ওইনা হ্যুন্দাই কোনা অসি  লুপা লাখ ২১.৩৬কী অপীবা মমল অসিদগী শরু ১১% তাথদুনা চৎনবা চহি অহুমগী ৱেরেন্তীগা লোয়ননা লৈগনি। মসিগী ইলেক্ত্রিক্কী গারিশিং অসিনা কেন্দ্র অমসুং রাজ্য সরকারগী হৌজিক লৈরিবা পেত্রোল অমসুং দিজলগী গারিশিংগী মহুৎ শিনগনি। ই.ই.এস.এল.না অহানবা তাঙ্কক্কী ওইনা পীনবা কেরলাগী এজেন্সী ফোর নন-কনবেন্সনেল ইনর্জী অমসুং রুরেল তেক্নোলোজী (এ.এন.ই.আর.তি.)দগী লোং রেঞ্জ ই.ভি. ৩০০ পীবগী ওর্দর অমা হান্ননা ফংখ্রবনি।

ই.ই.এস.এল.না মসিগী অনৌবা থৌওং চেনবা ব্যুজিনেসকী মোদেল অসিগী খুত্থাংদা লোকেলগী পোত্থোক পুথোকপশিংবু তেংবাংবা, ই.ভি. ইন্দস্ত্রীগী তুং কোয়না শাহৌ লৌনবা তেক্নিকেলগী কান্নবশিং ফংদুনা অমসুং ভারতকী ই.ভি.গী পোত্থোক পুথোক্লিবশিংবু মালেমগী থাক্তা লৈবা কাংলুপ অমা ওইহন্নবা হোৎনগী মথক্তা তাথবা মমলদা পোত্থোক মশিং য়াম্না লৈবগী খুদোংচাবা লৌনবা থৌরাং তৌরি।

****