কেন্দ্রগী ত্রাইবেল এফিয়র্স মন্ত্রী শ্রী অর্জুন মুন্দানা হায়খি মদুদি ত্রাইবেল এফিয়র্স মন্ত্রালয়না ত্রাইবেল রিসর্স ইন্সতিত্যুৎ (তি.আর.আই.) ২৬তা তি.আর.আই.শিংদা থাদবা শেন্থংগী মখাদা রিসর্স তৌনবা অমসুং লৈবাক শীনবা থুংনা লৈরিবা মমিং লৈরবা সরকার অমসুং নোন-গবর্ন্মেন্ত ওর্গানাইজেসন (এন.জি.ও)শিংগা খুৎশম্নদুনা মগুন লৈবা রিসর্স পায়খৎনবগীদমক শেল থাদরি। নেস্নেল ইন্সতিত্যুৎ ফোর ত্রাইবেল রিসর্সসু আই.আই.পি.এ.গা খুৎশম্নদুনা দিল্লীদা লৈবা আই.আই.পি.এ.গী শঙ্গাইদা লিংখৎলি হায়না মন্ত্রীনা হায়খি। হায়রিবা পুন্না চৎমিন্নরিবা ওর্গানাইজেসনশিং অসি সেন্তর ওব এক্সিলেন্স ওইনা মফম পীরি। ত্রাইবেল এফিয়র্সকী সেন্তর ওব এক্সিলেন্স (সি.ও.ই.), (এম/ও. ত্রাইবেল এফিয়র্স), ইন্দিয়ন ইন্সতিত্যুৎ ওব পব্লিক এদমিনিস্ত্রেসন (আই.আই.পি.এ.), নই দিল্লীনা ঙসি শীনবা 'নেস্নেল ত্রাইবেল রিসর্স কনক্লেব' হৌদোকপগী থৌরম অদুদা ৱা ঙাংলদুনা মহাক্না হায়খি, মন্ত্রালয় অসিনা খুৎশম্ননা চৎলিবা ওর্গানাইজেসনশিং অসিগা লোইননা সমস্যা খঙদোকপা, উপাই পুথোকপা, অমসুং প্রোজেক্তশিংবু পোলিসী ইনিসিএতিবশিংনা থবক ওইনা পাঙথোকপা য়াবা এক্সন রিসর্সকী শরুক্কুম্বা নাকল অনীমক্তা কান্নবা ফংবা শীজিন্নবা ৱারোইশিন শেমগনি।

শ্রী মুন্দানা হায়খি মদুদি ঐখোয়না ত্রাইবেলশিংগী চাউখৎলোনগী লম্বী পুথোক্নবা হোৎনবদা তেক্নোলোজীশিং শীজিন্নবা চঙই। ত্রাইবেল রিসর্স ইন্সতিত্যুৎশিংনা পায়খৎলিবা রিসর্সশিং অসি ঐখোয়গী ত্রাইবেলশিং চাউখৎনবা থৌরাংশিংগী য়ুম্ফম ওইগদবনি। মহাক্না হায়খি মদুদি ত্রাইবেল রিসর্স ইন্সতিত্যুৎশিংনা লৌগদৌবা মরুওইবা থৌদাং কয়া অমা লৈ অমসুং মখোয়গী রিসর্সশিং অসিনা তুংগী ওইনা চাউখৎলোন কয়াগী লম্বী পীবদা মতেং পাংগনি।

'রিসর্স ফোর পোলিসী' অসি পোলিসী অমসুং তশেংনা থবক ওইনা পায়খৎলকপগগী মরক্তা লৈবা খেন্নবশিং পুথোকপদা মতেং পাংবা লমজিং লমতাক ওইগদবনি হায়না মহাক্না পুক্নিং চিংশিনখি। ত্রাইবেল রিসর্স অসি ত্রাইবেলগী পুন্সি অমসুং নাৎকী এনথ্রোপোলিজিকেলগী ওইবা হীরমদদা নত্তনা মখোয়না পায়খৎখ্রবা চাউখৎ থৌরাংশিংদসু মীৎয়েং থমগদবনি। অকোইবগীদমক য়েংলবদি উমং খক্তমক নত্তনা ত্রাইবেলশিংগীসু হিংনবগী মরুওইবা লম্বী অমা ওইরিবনা তি.আর.আই.না তৌরিবা রিসর্সশিং অসিনা 'মেরা বন মেরা ধন, মেরা উধ্যাম'গী পান্দম ফংহন্নবা হোৎনবদা মতেং পাংগদবনি।

ঐখোয়গী ত্রাইবেলশিংগী চাউখৎলোনগী থৌরাংশিং অসি মমাই কয়া লোংই হায়না শ্রী অর্জুন মুন্দানা মোৎ ফোংদোকখি। ঐখোয়না হৌখিবা চহী কয়াদা অৱাবা কয়া লান্থোক্তুনা লাকখ্রে অদুবু অনৌবা তেক্নোলোজী কয়াগা লোইননা ঐখোয়না মাংজিল থানা চৎলি। ত্রাইবেলশিংগী চাউখৎনবগী থৌরাংশিং অসি করম্না চংশিনগনি হায়রবদি ঐখোয়না রিসর্সতা য়ুম্ফম ওইবা তাই। খুদোংচাবা ফংগদবা মীওইশিং খঙদোকপা অসি য়াম্না মরুওইবা তাংকক অমনি অমসুং কান্নবশিং অসি মীপুম খুদিংমক্তা ফংহন্নবা হোৎনগদবনি।

রিসর্স অমসুং পোলিসী অমসুং ত্রাইবেল এদমিনিস্ত্রেসনগী মরক্তা চুন্নদবা ৱাখল্লোন খরা লৈরি হায়না মহাক্না নুংনাংবা ফোংদোকখি। ঐখোয়না চাউখৎ থৌরাংশিংদা মীৎয়েং থমদুনা ত্রাইবেল রিসর্স তৌবদা য়াদবা খরা লৈ হায়না ফোংদোকখি। পোলিসী শেম্বা মতমদা ত্রাইবেল রিসর্সকী খুৎ চঙহনখিদ্রে হায়না মন্ত্রীনা মখা তাখি।

হৌদোকখিবা নেস্নেল ইন্সতিত্যুৎ ফোর ত্রাইবেল রিসর্স (এন.আই.তি.আর.)না মহৈরোইশিংবু ত্রাইবেলশিংগী চাউখৎলোনগী মতাংদা তাকপী তম্বীনবগীদমক্তা এজুকেসনেল ৱিং অমা থমগদবনি হায়না শ্রী মুন্দানা অপাম্বা ফোংদোকখি।

শ্রী দীপক খন্দেকার, সেক্রেতরী, ত্রাইবেল এফিয়র্স মন্ত্রালয়না মহাক্কী ৱারোলদা হায়খি মদুদি মমাংঙৈ মতমদা রিসর্সকী থবকশিং অসি ত্রাইবেল এফিয়র্স মন্ত্রালয়গী স্পোন্সর্দ প্রোগ্রাম ওইনা পায়খৎলম্বনি অদুবু হৌজিক্তি মিসন মোদ ওইনা চত্থরে। হৌজিক্কী ওইনা সেদ্যুল ত্রাইব কম্ম্যুনিতী ৭০০ মুক অমসুং পি.ভি.তি.জি. ৭৫ মুক ঐখোয়গী লৈবাক অসিদা লৈরি। হৌখিবা মতমশিং অসিদা মখোয়না পায়খৎখিবশিংদা ঐখোয়না মীৎয়েং থমখি, অদুবু হৌজিক্তি ঐখোয়গী মীৎয়েং অসি মখোয়না করি তৌনিংলি হায়বসি করিনো হায়বদু থিদোক্নবা হোৎনরি। ত্রাইবেল এফিয়র্স মন্ত্রালয়না মখোয়গী পুন্সিগী হীরম খুদিংমক্তা অমসুং নাত্তা মীৎয়েং চঙবা পাম্লি। মন্ত্রালয় অসিদা শেলগী অৱাবা লৈতে অদুবু রিসর্স তৌনবগীদমক ঐখোয়না থৱাই য়াওবা মীওইশিং অমসুং ওর্গানাইজেসন পাম্মি। আই.আই.পি.এ. অসি অসিগুম্বা য়াম্না থৱাই য়াওবা ত্রাইবেলশিংগী পুন্সিগী মরমদা রিসর্স তৌবা পামজবা ওর্গানাইজেসন অমনি। মহাক্না হায়খি মদুদি ঙসিগী কনক্লেব অসিদা রাজ্য কয়াদগী তাইবেল এফিয়র্স মন্ত্রালয়দগী য়াওনা লৈবাক অসিদগী মীওই ১০০ হেন্না শরুক য়ারি অমসুং আই.আই.পি.এ.বু শীনবী লাংবীবগীদমক ঐহাক্না থাগৎপা ফোংদোকচরি।

শ্রী এস.এন. ত্রিপাথী, দি.জি. আই.আই.পি.এ.না পীখিবা মহাক্কী ৱারোলদা, ত্রাইবেলশিংগী চাউখৎ থৌরাংশিংদা আই.আই.পি.এ.না লৌরিবা থৌদাংশিংগী মতাংদা পনখি। আই.আই.পি.এ.না হৌজিক ত্রাইবেল তেলেন্ত পুলগী অমসুং তি.আর.আই.শিংবু মপাঙ্গল কনখৎনবগীদমক ত্রাইবেল এফিয়র্স মন্ত্রালয়গা খুৎশম্নদুনা থবক কয়া পায়খৎলি অমসুং অসিগুম্বা অহানবা ৱার্কশোপ অসি আই.আই.পি.এ.না জনুৱারী ২০২০দা পাঙথোকখি। হৌজিক পাঙথোক্লিবা নুমিৎ নিনিগী ৱার্কশোপ অসিনা প্রোজেক্তশিং অসিদগী করি লাকপা য়াবগে হায়বদু য়েংশিনগনি অমসুং স্তেকহোল্দরশিংদা খ্বাইদগী ফবা থবকশিং উৎকনি। কনক্লেব অসিদা রিসর্স পার্ত্নর ১০না মখোয়গী প্রোজেক্তশিং উৎলি। নেস্নেল রিসর্স ইন্সতিত্যুৎ (এন.তি.আর.আই.)গী রোদ মেপসু উৎলি। ত্রাইবেল এফিয়র্স মন্ত্রালয়না আই.আই.পি.এ.গা খুৎশম্নদুনা এন.তি.আর.আই.গা চৎমিন্নরি।

মমাংদা শ্রী নবলজিৎ কাপুর, জোইন্ত সেক্রেতরী, মোতানা ত্রাইবেল দিবেলপমেন্ত মন্ত্রালয়গী হৌজিক পায়খৎলিবা অমসুং লাক্কদবা থৌশিলশিংগী মতাংদা কুপ্না ফোংদোকখি।

ত্রাইবেল এফিয়র্স মন্ত্রালয়না ত্রাইবেল রিসর্স ইন্সতিত্যুৎ (তি.আর.আই.) ২৬তা তি.আর.আই.শিংদা থাদবা শেন্থংগী মখাদা রিসর্স তৌনবা অমসুং লৈবাক শীনবা থুংনা লৈরিবা মমিং লৈরবা সরকার অমসুং নোন-গবর্ন্মেন্ত ওর্গানাইজেসন (এন.জি.ও)শিংগা খুৎশম্নদুনা মগুন লৈবা রিসর্স পায়খৎনবগীদমক শেল থাদরি। হায়রিবা পুন্না চৎমিন্নরিবা ওর্গানাইজেসনশিং অসি সেন্তর ওব এক্সিলেন্স ওইনা মফম পীরি। হায়রিবা পুন্না চৎমিন্নরিবা ওর্গানাইজেসনশিং অসি সেন্তর ওব এক্সিলেন্স ওইনা মফম পীরি। মন্ত্রালয় অসিনা খুৎশম্ননা চৎলিবা ওর্গানাইজেসনশিং অসিগা লোইননা সমস্যা খঙদোকপা, উপাই পুথোকপা, অমসুং প্রোজেক্তশিংবু পোলিসী ইনিসিএতিবশিংনা থবক ওইনা পাঙথোকপা য়াবা এক্সন রিসর্সকী শরুক্কুম্বা নাকল অনীমক্তা কান্নবা ফংবা শীজিন্নবা ৱারোইশিন শেমগনি। থিমশিংদি, হকশেল, পুন্সি মহিং, এজুকেসন, দিজিতেলাইজেসন, ঈশিং য়োকপা, দেতা সাইন্স অমসুং পামজবা অমসুং থৱাই য়াওবা খুঙ্গংশিংগী চাউখৎ থৌরাংগী মোদেলশিং পীবনি।

সেন্তর ফোর এক্সিলেন্স ফোর দেতা এনালাইতিক্স (সেদা)না তোঙান-তোঙানবা থৌশিল কয়াগী ত্রাইবেল দেতা নৈনরি অমসুং মখোয়না "পার্ফোরমেন্স অমসুং মোনিতরিং দেসবোর্দ" (dashboard.tribal.gov.in) অমসু শেমখ্রে, হায়রিবসি শ্রী অমিতাভ কান্ত, সি.ই.ও. নিতি আয়োগ অমসুং শ্রী রমেস চান্দ, মেম্বর নিতি আয়োগনা হন্দক্তা হৌদোকখিবনি। ভারত রুরেল লাইবলিহুদ ফাউন্দেসন হায়বা আর.দি. মন্ত্রালয়গী মখাদা লৈবা ওতোনোমস ওর্গানাইজেসন অমা ওইরিবা অসিনসু এন.জি.ও.শিংগী গ্রেদ পীনবগী মতাংদা থবক পায়রি অমসুং এন.জি.ও. প্রোজেক্তশিং মোনিতর তৌবদা হেন্না ফগৎনবসু হোৎনরি। পিরামাল ফাউন্দেসন্না ত্রাইবেল মীয়ামগী হকশেল অমসুং ন্যুত্রিসন দেতা রিপোজিতরী শেম্নবা অমসুং শাখিদা য়ুম্ফম ওইদুনা পোলিসী শেম্নবা অমসুং থবক ওইনা পায়খৎনবগীদমক দেতা এনালাইতিক্কী থবকশিং পীনবা হোৎনরি মসিতা নত্তনা, মখোয়না স্বাস্থ্যা পোর্তেল (swasthya.tribal.gov.in) সু হৌদোকখ্রে। তেরিনা মোতাগা খুৎশম্নদুনা ফোরেস্ত রাইৎ এক্তকী মখাদা কম্ম্যুনিতী রাইৎকী ইকোনোমিকেল মোদেল অমা শেম্নবা হোৎনরি। আই.আই.তি. দিল্লীনা সোসিও ইকোনোমিক গেপ খ্বাইদগী চাউনা লৈবা খুঙ্গংশিং খঙদোক্তুনা দেতা দ্রাইব প্লান্নিং শেম্বা য়ানবগীদমক দেতাদা য়ুম্ফম ওইবা ফ্রেমৱার্ক শেম্নবা প্রোজেক্ত অমা থাদখ্রে।

মসিগা মান্ননা এন.আই.তি. রৌর্কেলা, ইন্দিয়ন ইন্সতিত্যুৎ ওব ফোরেস্ত মেনেজমেন্ত, এন.আই.আর.তি.ঐচ., জে.এন.য়ু., জামিয়া মিলিয়া ইস্লামিয়া, ভাসা, বি.এ.আই.এফ., এফ.আই.সি.সি.আই., এ.এস.এস.ও.সি.ঐচ.এ.এম.না এম.পি., গুজরাৎ, মহারাস্ত্রা, ঝার্খন্দ, অমসুং অতোপ্পা রাজ্যশিংদা পুন্সি মহিং অমসুং হকশেলগী প্রোজেক্তশিংদা থবক পায়খৎলি। অতোপ্পা সিবিল সোসাইতীশিং অমসুং কোরপোরেৎশিংদসু মোতাগা খুৎশম্নদুনা পুন্সি মহিং, মহৈ মশিং, হকশে, ঈশিং য়োকপা, ওর্গানিক ফার্মিং, স্কিল দিবেলপমেন্ত, ত্রাইবেলগী নাৎ অমসুং কুমহৈ চাউখৎনবগীদমক হোৎনমিন্ননবা ৱাফম পুখৎখ্রে অমসুং মখোয়না "এফার্মেতিব এক্সন" লৌখৎনবগীদমক থাজবা পীরকখি।

ত্রাইবেল এফিয়র্স মন্ত্রালয়না অখন্নবা থৌরাং লৌখত্তুনা ঈশিংগী খুদোংচাদবা অমসুং মফমশিং অদুগী পুন্সি মহিংগী নুংঙাইতবা কয়া কোকহন্নবা লৌখৎখ্রে। এক্সন রিসর্স প্রোজেক্তসু সেকমোল-লাদাখতা মখোয়না খুঙ্গং ৫০দা আইস স্ত্যুপা শাদুনা থক্নবা ঈশিং, অমসুং লৌউ-শিংউগী খুদোংচাদবা কোকহন্নবগীদমক থাদখ্রে। সেকমোলনা মীয়ামগা লোইননা উ থাবগী থবক লৌখৎকনি। য়ু.এন.দি.পি.না কংশিল্লকবা ইফুৎসিং হিংগৎহন্নবগীদমক মীয়ামগা লোইননা স্প্রিং প্রোজেক্ত ১০০০ লৌখৎলি। (https://thespringsportal.org/)

তাতা ফাউন্দেসন্না পায়বা হিমোত্থান সোসাইতী, উত্তরাখন্দা য়াউ য়োকপা, চুম্ব্রৈ অমসুং হৱাই থরাকশিং অসি মতম চুপ্পদা পান্দুনা লৈবা পোৎলমশিং ওইবা অমসুং লমদম অদুগী মীয়াম্না পোৎলমশিং অসিগীদমক মতীক চাবা মমল ফংদবনা পেকেৎ তৌবগী প্রোজেক্ত থাদরি।

ত্রাইবেল হীল্লর অমসুং ত্রাইবেল মেদিসিনঃ ত্রাইবেলশিং অসিদা লমদম অদুদা ফংজবা, হৌজবা মনা মশীংশিংনা লাইনা কয়ানা লাইয়েংবগী লৌশিং লৈ। থুনা মাংশিল্লক্লিবা মহৈ অসি য়োক্তুনা থম্নবগীদমক, পতাঞ্জলি রিসর্স ইন্সতিত্যুত্তা অহানবা ওইনা উত্তরাখন্দদা ত্রাইবেল হীল্লর অমসুং মেদিসিনেল প্লান্তকী প্রোজেক্ত পীখ্রে। মসিগা মান্নবা প্রোজেক্তশিংসু এ.আই.আই.এম.এস.-জোধপুর, পর্ভারা ইন্সতিত্যুৎ ওব মেদিকেল সাইন্স অমসুং মাতা অম্রিতামাই ইন্সতিত্যুত্তা রাজস্থান, মহারাস্ত্রা অমসুং কেরলাগীদমক থাদখ্রে।

সি.আই.আই., এফ.আই.সি.সি.আই., এ.এস.এস.ও.সি.ঐচ.এ.এম.গী মখাদা কোরপোরেৎ অমসুং এন.জি.ও.শিংনা অসিগুম্বা হৈশিংবশিং অসিদা মতেং পাংনিংবগী অপাম্বা ফোংদোক্লকখি অমসুং অপাম্বা মীওইশিংদা ইন্তর্নশিপ পীগে হায়না ফোংদোক্লকখি। সিবিল সোসাইতী অমসুং কোরপোরেৎ কয়ানা মোতাগা লোইননা ত্রাইবেলশিংগীদমক পুন্সি মহিং, তেলেন্ত পুল, ত্রাইবেল হিল্লর, ত্রাইবেলগী নাৎ অমসুং কুমহৈশিংগী হীরমদা থবক পায়খৎমিন্ননিংবগী অমসুং "এফার্মেতিব এক্সন"গী শরুক অমা ওইনিংবগী অপাম্বা ফোংদোকখি। ফিলিপ্স ইন্দিয়ানা মোতাগী তোপ ক্লাস স্কোলার্শিপ স্কিমগী মখাদা মিং চনবা ফংহৌদ্রবা মেদিকেল মহৈরোই ৩০দা স্কোলার্শিপ পীবীখ্রে। গোল (গোইং ওনলাইন এস লিদর্স) অসিসু ফেসবুক্না শেংথং পীথবা ফেসবুক্কী থৌরাং অমনি অমসুং ত্রাইবেল এফিয়র্স মন্ত্রালয়গা থবক পায়মিন্নরিবা তোঙান-তোঙানবা ওর্গানাইজেসন কয়ানা প্রোজেক্ত অসিগী ইন্সতিত্যুসনেল পার্ত্নর ওইরি।

*****