হন্দক পাংথোকখিবা এ.আই.এম.এ-চানক্যা(বিজিনেস সিমুলেসন গেম) নেসনেল মেনেজমেন্ত গেমস ২০২০দা অচৌবা শিংনবা অমা মায়োক্নদুনা এন.তি.পি.সি কাংবুনা মকোক তারে। চহি মঙাদা অহানবা ওইনা এন.তি.পি.সিনা লেমজনিংঙাই ওইরবা নেসনেল মেনেজমেন্ত গেমস মাইপাকপা শিংথানিংঙাই ওইবা অমনি। ভারত সরকারগী পৱার মিনিস্ত্রিগী মখাদা লৈবা এন.তি.পি.সি লিমিতেদকী চেরোল অমনা হায়খি মদুদি তামিল নাদুগী এন.তি.পি.সি বাল্লুরগী কাংবুনা লৈবাক অসিগী তোঙান-তোঙানবা লুপশিংগী কাংবু ১১২ মাইথিবা পীদুনা নেসনেল চেম্পিয়নগী মিংথোল ফংলে।

কাংবু অদুদা এন.তি.পি.সি বাল্লুরগী মেনেজর(সি অমসুং আই মেন্তেনেন্স), চিন্নাথাম্বী জি; মেনেজর(ওপরেসন), সেনগুতুবান পি জে; মেনেজর(ওপরেসন) য়োগিন্দরকুমার জে য়াওখি। ওনলাইন্দা পাংথোকখিবা রিজনেল রাউন্দশিংদা এন.তি.পি.সি বাল্লুর মাইপাকখি অমসুং মখা তারকপদা ফাইনেল চঙখিবনি।

তামিল নাদুগী তিরুবাল্লুর জিলাদা লৈবা মেগাৱাত ১৫০০গী থর্মেল পৱার স্তেসন অসি এন.তি.পি.সি লিমিতেদ অমসুং তামিল নাদু জেনেরেসন এন্দ দিস্ত্রিবুসন কম্পেনিগী অপুনবা এন.তি.পি.সি তামিল নাদু ইনর্জি কম্পেনি লিমিতেদনা থবক পাংথোকপনি।

এন.তি.পি.সি তালচার কানিহা অমসুং এস.এস.সি-ই.আর ২, ওরিসানা এ.আই.এম.এ-চানক্যা(বিজিনেস সিমুলেসন গেম) নেসনেল মেনেজমেন্ত গেমস ২০২০গী খা মাইকৈগী রিজনেল রাউন্দদা অনিসুবা তাখি।

এন.তি.পি.সি তালচার কানিহা অমসুং এস.এস.সি-ই.আর ২, ওরিসাগী কাংবু অদুদা দিপক রঞ্জন সাহু, খাগেশ্বর প্রধান অমসুং রমনি কান্তা জেনা য়াওখি।

এন.তি.পি.সি বিজিনেস মাইন্দস ২০২০গী মাইপাক্লবা কাংবু ১৬ থৌরম অদুগী খনখি অমসুং নেসনেল ফাইনেলগীদমক কাংবু ২ খনখি। ২০১৫দা এন.তি.পি.সিনা মকোক তাখ্রে অমসুং ২০১৬ অমসুং ২০১৭দা অনিসুবা তাখি।

এ.আই.এম.এ-চানক্যা নেসনেল মেনেজমেন্ত গেমস অসি তোঙান-তোঙানবা ইন্দস্ত্রিশিংগী ইজুকিউতিপশিং শরুক য়াহন্দুনা লুপ অমা মথৌ পাংথোকপদা থেংনরিবা অরুবা থবকশিং খঙহন্নবা অমসুং থৌরম অসিদগী লৌশিং ফংনবা পান্দমদা চহি খুদিংগী পাংথোকপা ওনলাইন বিজিনেস সিমুলেসন গেমনি ।

নেসনেল মেনেজমেন্ত গেমস অসি চাংদম্না মওংদা পাংথোকপা ললোন-ইতিক পাংথোকপদা থেংনরিবা অৱা-নুংঙাইশিং শরুক য়াবা কোরপোরেত মেনেজরশিংগী মফম অমনি। মসি ওল ইন্দিয়া মেনেজমেন্ত এসোসিএসন্না পাংথোকপা মমিং লৈরবা চহিগী ওইনা পাংথোকপা বিজিনেস মেনেজমেন্ত সিমুলেসন গেমনি।

কম্পেনি অমা মথৌ পাংথোকপদা থেংনরিবা পোৎ-চৈ শেন্নবা, কৈথেলগী ফিবম, পুথোকপদা চঙবা শেনফম নৈনবা, পোৎ পুথোক্নবা থৌরাং তৌবা, ইনভেনতোরি কন্ত্রোল অসি শরুক য়ারিবশিংনা থেংনগনি। নেসনেল মেনেজমেন্ত গেম অসি রিজনেল রাউন্ত অমসুং ফাইনেল রাউন্দ হায়না তাঙ্কক অনি থোক্না পাংথোক্লি।

*****