নেস্নেল ইনিসিএতিব ফোর দিবেলপিং এন্দ হর্নেসিং ইন্নোবেসন্স (নিধি) প্রোগ্রামগী মখাদা ওন্তর্প্রিনোর্স ইন রেজিদেন্স য়াওবা ব্রোচর অমা নিধি-ই.আই.আর.গী মীওইশিংগী জাতিগী থাক্তা পাঙথোকপা গেৎ-তুগেদরদা দি.এস.তি.গী সেক্রেতরী প্রোফেসর অশুতোশনা লোঞ্চ তৌখ্রে।

“নিধি-ই.আই.আর. প্রোগ্রাম অসি ফেলোশিপকী প্রোসেসশিং অনৌবা মওংদা ফগৎহন্দুনা মসিনা হেন্না কান্নবা পুরক্নবা খুদুম অমনি,” হায়না সাইন্স অমসুং তেক্নোলোজী বিভাগকী সেক্রেতরী প্রোফেসর অশুতোশ শর্মানা সাইন্স অমসুং তেক্নোলোজী বিভাগ (দি.এস.তি.)গী নিধি- ওন্তর্প্রিনোর্স-ইন-রেজিদেন্স (ই.আই.আর.)গী নেস্নেল ইমপ্লিমেন্তেসন পার্তনর ওইরিবা ভেঞ্চর সেন্তরনা শিনবা থৌরমদা ফোঙদোকখি।

“মরোমদোম লেপচবা ঙম্নবগী পান্দমদা মাই পাকপা হায়বসি লৌশিং ওন্থোকপা, অনৌবা ৱাখল্লোন পুথোকপা, কেপাসিতী বিল্দিং, ৱার্কফোর্স, ইন্দস্ত্রীশিং অমসুং কৈথেলশিংদগী হৌগনি। মসি লৌশিংদগী হৌরগা কৈথেলশিং ফাওদা চৎলিনা চেন অমনি। নিধি-ই.আই.আর. প্রোগ্রাম অসি ভারতকী এস অমসুং তিগী মতিক চারবা নহাশিংনা ওন্তর্প্রিনোরশিপ অসি কান্নগদবা কেরিয়র অমা ওইনা লৌদুনা ভারতকী তুংলমচৎ অমসুং শেন্মিৎলোন ফগৎহন্নবদা মতেং পাংনবা ইথিল পোকহন্নবা শেমখিবনি,” হায়না মহাক্না ফোঙদোকখি।

এন.এস.তি.ই.দি.বি.গী হেন্দ দা. অনিতা গুপ্তানা নিধি-ই.আই.আর. প্রোগ্রামগী মাই পাকখিবা অদু ফোঙদোক্লদুনা মহাক্না হায়খি মদুদি ই.আই.আর. প্রোগ্রামগী ইদিসন অনিনা চাউনা কান্নবশিং ফংহন্নদুনা মসিনা মরম ওইরগা ৬৫%দি স্তার্তঅপশিংদা ওন্থোকপা ঙমখি।

মহাক্না মখা তারদুনা হায়খি মদুদি ই.আই.আর. অসি নিধিগী মখাদা লৈরিবা প্রোগ্রাম মখলশিং অসিগী য়াম্না মরু ওইবা মচাক ওইরি। “হৌজিক ওইরিবা কোবিদকী ফীভম অসিনা ঐখোয়না ফংহল্লিবা খুদোংচাবা অসি হেনগৎহন্নবা অমসুং স্তার্তঅপ ইকোসিস্তেম চাউথোক্নবা ইন্দস্ত্রীগা লোয়ননা মথৌ তাবা মরী থম্নবা তাঞ্জা ফংহল্লি,” হায়না মহাক্না থমখি।

ভেঞ্চর সেন্তরনা পুথোকখিবা ব্রোচর অসিদা ই.আই.আর.শিংনা তৌরিবা থবক্কী অকুপ্পা ৱারোল য়াওখি অমসুং মখোয়গী মরক্তা খরগী মরমদা হাপখি। মসি ই.আই.আর.শিংগী দিরেক্তরী অমনি। মতেং পাংলিবা প্রোজেক্ত একজিক্যুসন পার্তনর পুম্নমক ব্রোচরদা য়াওরি। ফলশিং অমসুং অহোংবশিংগী মশিংগী শম্লপ্পা ৱারোল অমসু ব্রোচর অসিদা য়াওরি।

নিধি-ই.আই.আর. প্রোগ্রামগী রাউন্দ ১ অমসুং ২গী ইদিসনশিং অসিদা ই.আই.আর. ফেলোশিংবু হোস্ত তৌরিবা চাউরাক্না প্রোজেক্ত একজিক্যুসন পার্তনর (ইনক্যুবেতর) ১২গা পুন্না শিনখি। ই.আই.আর. কোলশিংগী রাউন্দ ২ অসিদা ভারতকী রাজ্য ২২দগী ই.আই.আর. ফেলো ২২৫না মীহুৎ ওইখি, ফেলোশিংগী ৬৮%দি চহি ৩০গী মখাদা লৈবা ঙাক্তা ওইখি। স্তার্তঅপ ৬৫% কনভর্জন তৌবা, থবক ৭১১ পীবা, পেতেন্ত ৬৫ শেম্বা, ত্রেৎমার্ক ৪৫ শেম্বা, কোপীরাইৎ ১৯ শেম্বা, ইনিতিএল প্রোতোতাইপ ১৪৬ দিবেলপ তৌবগা লোয়ননা পুন্না কম্পনী ১৪৬ শেমখ্রে। কোলশিংগী রাউন্দ ১ অমসুং ২দা দি.এস.তি.গী ইনবেসমেন্ত অসি লুপা লাক ৮৭৪ ওইখি অমসুং মতুং তারকপদা ই.আই.আর. ফেলোশিংনা নন-নিধি প্রোগ্রামশিংদগী খোমগৎপা ফন্দ অসি লুপা লাখ ২৩০০ ওইখি।

সাইন্স অমসুং তেক্নোলোজী বিভাগকী নেস্নেল ইনিসিএতিব ফোর দিবেলপিং এন্দ হর্নেসিং ইন্নোবেসন্স (নিধি) প্রোগ্রামগী মখাদা ওন্তর্প্রিনোর্স ইন রেজিদেন্স (ই.আই.আর.) প্রোগ্রাম অসিনা পোতেনসিএল লৈবা হৌগৎলক্লিবা ওন্তর্প্রিনোরশিংবু কান্নগদবা তেক্নোলোজী বিজিনেসকী ৱাখল্লোন পোক্লিবশিংবু থা ১৮ ফাওবগী মতম অসিদা লুপা ৩০০০০গী শেন্থংগা লোয়ননা থা ১৮ ফাওবগী ওইনা ই.আই.আর. অমমমদা লুপা লাক ৩.৬কী খ্বাইদগী য়াম্বা কেপকী অপুনবা তেংবাং ফংহল্লি। প্রোগ্রাম অসিনা হৌগৎলক্লিবা ওন্তর্প্রিনোরশিং অসিদা খঙহৈরবা, অনৌবা ৱাখল্লোন অমসুং বিজিনেসকী ললোং য়াৎপগী ৱাখল্লোন লৈবা চাউনা মাই পাকখ্রবা ওন্তর্প্রিনোরশিংনা লমজিং লমতাকপীদুনা অমসুং অখন্নবা ইন্দস্ত্রীশিং নত্রগা কৈথেলশিংদা মীৎয়েং থমদুনা ওন্তর্প্রিনোর ওইনবা খ্বাইদগী তেলেন্ত লৈবশিংবু থৌগৎতুনা স্তার্তঅপশিং লিংখৎপদা থেংনবা খুদোংথিবশিং হন্থহল্লি অমসুং তোলোপ য়াম্বা থবকশিং ফংনবা খুদোংচাবা ফংহল্লি। নিধ-ই.আই.আর. প্রোগ্রামনা ইন্নোবেতিব ওন্তর্প্রিনোরশিংগী নেৎৱার্কশিং চাউথোক্নবা অমসুং মখোয়গী ওন্তর্প্রিনোরিকেল কেরিয়রগী পান্দমশিং অমসুং আশাশিং ফংহন্নবা মখোয়গী ভেঞ্চরশিংদা ফীদবেক অচৌবা খুদোংচাবশিং ফংহল্লি। প্রোগ্রাম অসিনা নহা ওইরিবা হৌগৎলক্লিবা ওন্তর্প্রিনোরশিংদা মীৎয়েং থমদুনা মরু ওইবা স্তার্তঅপশিংগী পাইপলাইন শেমলি।

*****