ঙসি হান্নগী রাস্ত্রপতি শ্রী প্রনাব মুখর্জি লৈখিদবদা ভারতকী উপ-রাস্ত্রপতি শ্রী এম.ভেনকিয়া নাইদুনা অৱাবা ফোঙদোকখ্রে। পাউজেল অমদা মহাক্না হায়খি, শ্রী প্রনাব মুখর্জি রাজনিতি তৌবা মীওই অমনি অমসুং মহাক্না পায়খিবা ফম খুদিংমক মহাক্না ইকায়খুম্নবা অমসুং মিংচৎ পুরকখিবা ভারতকী মঙাল নাইরবা মচানুপা অমনি। মহাক লৈখিদবদা, ভারতনা শক্নাইরবা লুচিংবা অমা মাঙজরে।

মখাগী অসি উপ-রাস্ত্রপতিগী পাউজেলগী মপুংফাবা ৱারোলনি-

 “হান্নগী রাস্ত্রপতি শ্রী প্রনাব মুখর্জি লৈখিদবদা ঐ থম্মোয় শোক্নবা অৱাবা ফোঙদোক্লি। মহাক চম্না হৌরকখিবা অদুগা কন্না হোৎনবা, থকশি-খাসি লৈবা অমসুং কৎথোকপদগী লৈবাক্কী খ্বাইদগী ৱাংবা ফম পায়খিবা রাজনিতিগী মীওই অমা অমসুং ভারতকী মঙাল লৈরবা মচানুপা অমনি।

মহাক্না মতম শাংনা মীয়ামগী থবক তৌরিঙৈদা পায়খিবা ফম খুদিংমক শ্রী প্রনাব মুখর্জিনা ইকায়খুম্নবা অমসুং মিংচৎ পুরকখি। মহাক লৈবাক ঙাকপা হৈবা অমসুং ভারতকী সংবিধানগী থবকশিং নিংথিনা খঙবগী মমিং চৎলি, ফাইনান্স মিনিস্তর, দিফেন্স মিনিস্তর, মপান থৌরম মন্ত্রী অমসুং প্লান্নিং কমিসনগী দিপুতি চেয়রমেন য়াওনা মহাক্না মরুওইবা ফমশিং পায়রমখি। রাস্ত্রপতি অমা ওইনা, রাস্ত্রপতি ভাবন্দা পাংথোকপা অনৌবা থৌরমশিং শরুক য়ানবা মহাক্না মীয়ামদা তকশিনখি।

মহাক সংসদকী থবকশিং, অনৌবা মতমগী রাজনিতিগী ইনসাইক্লোপেদিয়া অমনি। মহাক শক্নাইরবা সংসদকী মেম্বর অমনি অমসুং মহাক ৱা ঙাংবা হৈবগী মমিং চৎলি।মহাক্কী নিংশিংবগী শক্তি অমসুং ৱাথোকশিং অথুবদা লৌশিনবা ঙম্বগীদমক শিংথানিঙাই ওইবা মীশক অমনি। মহাক গনতন্ত্র মরা চেৎহন্নবা অমসুং তোঙান-তোঙানবা ইন্সতিতুসনশিং ফগৎহন্নবা থৱায় য়াওখি। মহাক্না রাজনিতিগী লমদা মী খুদিংমক উন্নবা হোৎনখি।

মহাক লৈখিদবদা, ভারতনা শক্নাইরবা লুচিংবা অমা মাঙজরে। অৱাবা নঙহৌরবা ইমুং-মনুংদা ঐনা ঐগী অৱাবা শরুক য়াজরি অমসুং মসিগী মাঙজবা অসি খাঙবা ঙম্বগী থৌনা মখোয়দা পীনবা ঐনা ঈশ্বরদা খুরুমজরি”।

****