অকনবদগীনা য়াম্না কনবা নোং মফম খরদা লৈরি;লোয়ন্না য়াম্না কনবা নোং গুজরাত অমসুং নোংচুপ থংবা রাজস্থান্দা লৈরি। মফম ১৯ হায়বদি (বিহারদা ৭, উত্তর প্রদেশতা ৩, গুজরাত অমসুং মহারাস্ত্রদা অনি অনি অমসুং আসাম, ঝরখন্দ, মধ্যা প্রদেশ, ওরিশা, ৱেস্ত বেঙ্গলদা অমমম) হায়রিবশিং অসি ঈশিং ইচাও লৈরি অমসুং মফম ৩০ হায়বদি (বিহারদা ১৪, উত্তর প্রদেশতা ৭, আসামদা ৫, ওরিশাদা ২ অমসুং গুজরাত অমসুং রাজস্থান্দা অমমম) মফমশিং অসিদা মহৌশাগী লৈবা ঈশিং ইমাইদগী হেল্লি।

পাউদম অসি বেরেজ অমসুং দাম ২৪দা পীখ্রে (মধ্যা প্রদেশতা ৬, উত্তর প্রদেশতা ৩, অন্দ্র প্রদেশ, গুজরাত, ঝরখন্দদা, মহারাস্ত্র, ৱেস্ত বেঙ্গল অমসুং তামিল নাদুদা অনি অনি অমসুং ওরিশা, রাজস্থান অমসুং তেলঙ্গনাদনা অমমম)। মরিক চুম্বা মখাগী অসিদা ফবা ফংবিগনি http://cwc.gov.in/sites/default/files/cfcr-cwcdfb31082020_5.pdf

পাক্তক্ননা রাজস্থান অমসুং কুত্সগী মফম কয়াদা অক্নবা অমসুং য়াম্মা কনবা নোং নোংচুপ চুরবা য়ারি। মতুংদা তপ্না তপ্না হন্থরবা য়ারি। ২০২০গী সেপ্তেম্বরগী ২ অমসুং ৩দা অৱাং-নোংচুপ ইন্দিয়া অমসুং নোংচুপ থেংবা হিমালায়াগী মফমশিংদা অকনবা নোং চুবা য়ানা লৈ। ইন্দিয়াগী অতৈ মফমদা সেপ্তেম্বরগী ২দগী নোং লেপ্তনা চুগদৌরি। কর্নাতকাগী মখাথংবা শরুক, কারালা অমসুং তামিল নাদুদগী মফমশিংদা ২০২০গী সেপ্তেম্বরগী ২ অমসুং ৩দা অকনবা নোং লৈরি।

ওরিশাগী অঙুল দিস্ত্রীক্তা চেল্লিবা ব্রমহামনিগী রেঙালি দামদা মসিগী এফ.আর.এল.গী মথক্তা চেল্লি। নুমিৎ ৪নি অসিদা ওরিশাগী কেন্দুজার দিস্ত্রীক্তা য়াম্মা কনবা নোং (৬৫.৫ দগীনা ১১৫.৫ এম.এম. ফাওবা)চুরবা য়ারি। ঈশিং থমফম্দা কুপ্না য়েংবা মথৌ তাই।

মহারাস্ত্রাগী ভান্দরা দিস্ত্রীক্তকী ভান্দারা অমসুং পৌনিদা ৱাইঙানা তুরেল নোং চুবা হনবদগী ঈশিং ইমাই হন্থরে অদুবু মফম কয়াদা ইচাও হেনগৎলক্লি। ভান্দরা দিস্ত্রীক্তকী ৱাইঙানা তুরেলদা নোং চুবা হনবদগী গোসিখুর্দ প্রোজেক্ত ঈশিং ইমাই হন্থরে। গোসিখুর্দ প্রোজেক্ত ঈশিং অসি গাদচিরোলি দিস্ত্রীক্তদা চংশিল্লি। তেলঙ্গনাদা ৱার্ধা তুরেলগী ঈশিংসু ৱাইঙানা তুরেলদা পুন্দুনা গোদীবরি তুরেলগী লক্সমি বেরেজদা ইমাই হেনগৎলি।  

নোং চুবা হনবদগী, নার্মাদা তুরেলসু হান্না লৈরমবা অদুদগী হন্থগরে। মধ্যা প্রদেশকী হোশাঙাবাদ দিস্ত্রীক্তা ঈশিং ইচাও য়াম্না লৈরি। ইন্দিরাসাগর, ওমকারেশ্বর অমসুং সর্দারসরোভার দামদা লেপ্পা লৈতনা ঈশিং হেনগৎলি। সর্দারসরোভার দামদা লেপ্পা লৈতনা ঈশিং লেপ্পা লৈতনা চেনশিল্লকপনা নার্মাদা দিস্ত্রীক্তকী গারুদেশ্বর অমসুং গুজরাত্তা লৈবা ভারুশ দিস্ত্রীক্তকী ভারুশতা ঈশিং ইচাও য়াম্না লৈরি।

নোং চুবা হনবদগী, ছত্তিসগর অমসুং ওরিশাগী মহানদি অমসুং মশাশিং ঈশিং ইমাই হন্থরক্লি। অদুম ওইনমক মরুওইনা দিস্ত্রীক্ত ওরিশাদা সম্বলপুর, ভাদ্রাক, জাজাপুর, কতক, অঙুল, ময়ুরভনজ, কেন্দুজার অমসুং ছত্তিসগরদা চাম্পা কুপ্না য়েংবা মথৌ তারি।

চম্বল তুরেল অমসুং মশিগী মশাশিং অসি মধ্যা প্রদেশকী মন্দশুর দিস্ত্রীক্তা গান্ধিনগর, চিতোগার দিস্ত্রীক্তকী রানা প্রতাপ সাগর অমসুং রাজস্থানগী ঝালাৱার দিস্ত্রীক্কী কালিসিন্দ দামগী ঈশিং ইমাই হাইথরক্লি। দাম অসিদগী পাথরকপা  অসিনা রাজাস্থানগী ধোলপুর দিস্ত্রীক্তকী ধোলপুরদা চম্বল তুরেল ইমাই হাইগৎতুনা খুদোংথিবা মওংদা লৈরি।

অকনবা নোংদগীনা য়াম্না কনবা নোং নুমিৎ হুম্নি অসিদা কর্নাতকাগী খা থংবা শরুক, কেরালা অমসুং তামিল নাদুগী মফমশিংদা ঈশিং ইমাই হাইগৎতুনা কভেরি মথক য়ৌবা য়াবা মওংদা লৈরি। দাম অয়াম্বা ৯০% হেন্না ঈশিং তুংবনা য়াম্না কুপ্না য়েংদুনা শেন্নবা মথৌ তাই।

হায়রিবা স্তেতশিং অসিগী দিস্ত্রীক্তসিং অসি নুমিৎ হুম্নি মরিনিদি য়াম্না কুপ্না য়েংদুনা শেন্নবা তারি। ঈশিং ইমাই হেনগৎলিবা দামশিং অসি কুপ্না য়েংনবা পাওতাক পীখ্রে। দামশিং অসিগী ঈশিং থাদোকপা অসি ওপেরেতিং প্রোসেদুরগী চৎন কাংলোনগী মতুং ইন্না তৌগনি। মফম অসি লম্বীগী ওইবা অশোই অঙাম থোক্তনবা তুরেলশিং অসিগী মথক্তা লৈরিবা থোংজাওশিং অমদি মসিদা ফাওরিবা রেল ত্রেকশিং অসি কুপ্না য়েংবা মথৌ তারি। ঈশিং মনুংদা লুপখ্রবা মফমশিং অমদি রেল ত্রেকশিং অসি য়াম্না কুপ্না য়েংবা মথৌ তাই। দিস্ত্রীক্ত খুদিংগী এদমিনিস্ত্রেসনশিংনা মখোয়গী লৌখৎফম থোকপা লৌখৎতুনা কোভিদ-১৯গী ফিভম য়েংলগা অৱাবা তারবশিংবু কন্নবা কেম্প দিস্ত্রীক্ত খুদিংদা লিংখৎকদবনি। 

***