কমর্স অমসুং ইন্দস্ত্রী মন্ত্রালয়

সপ্লাই চেনস রেসিলিয়েন্সতা ওস্ত্রেলিয়া-ইন্দিয়া-জপান ইকোনোমিক মিনিস্তরশিংগী জোইন্ত স্তেতমেন্ত

Posted On: 01 SEP 2020 4:56PM by PIB Imphal

মখাদা পীরিবা অসি ১.০৯.২০২০দা পাংথোকখিবা সপ্লাই চেন রেজিলেন্সকী মতাংদা ত্রাইলেতরেল মিনিস্তরিএল মীফমদা য়ানখিবা অপুনবা মন্ত্রীশিংগী ওইবা ৱারোল অদুনি।

১. অস্ত্রেলিয়াগী ত্রেদ, তুরিজম অমসুং ইনভেস্তচমেন্তকী মন্ত্রী ইকাই খুম্নরবা সিনেতর সাইমন বির্মিংঘম, ভারতকী কম্মর্স অমসুং ইন্দস্ত্রীগী মন্ত্রী হিজ এক্সেলেন্সী পীয়ুশ গোয়ল অমসুং জপানগী ইকোনোমী, ত্রেদ অমসুং ইন্দস্ত্রীগী মন্ত্রী হিজ এক্সেলেন্সী কাজিয়ামা হিরোশীনা সেপ্তেম্বর ১,২০২০দা মন্ত্রীশিংগী ওইবা ভিদিও কনফরেন্স অমা পাংথোকখ্রে। 

২. মন্ত্রীশিংনা লেম্না, নিংথিজনা, মখোয়না লেপখিবশিং অদু শুনা য়াওবা, মীচং-মীখাই নাইদনা, নুং-পান ফাওনা শেংনা, হান্না খংবা ঙম্বা মওংদা অমসুং তুং-কোইনা চৎনগদবা ইনভেস্তমেন্তকী মওং ওইনা থম্নবা অমদি মখোয়গী কৈথেল অদু  হাংদুনা থম্বগী ৱাফম অদু অমুক হেন্না চেৎশিলহনখ্রে।

৩. কোবিদ-১৯ থোরকখিবা অমদি হন্দক্তা থোকখিবা মালেমগী খল হোংবশিং অসিনা শেন্মিৎলোন অমসুং তেক্নেলোজীগী ওইবা লমগী মওংদা মন্ত্রীশিংনা ইন্দো-পেসিফিক্কী মফমশিংদা সপ্লাই চেন তৌবা অসি হান্নগী মওংদা হঞ্জিলহল্লকপা ঙম্বা অসি ফগৎহনবগী মথৌ তাবা অমসুং থবক তৌবগী মঙম অদু য়েংশিনখ্রে।

 ৪. ইন্দো-পেসিফিক্তা সপ্লাই চেন অসি হান্নগী মওংদা হঞ্জিলহল্লকপা ঙম্বা অসিদা মফমদুগী ওইবা তেংবাংশিগী মথৌ তাবা অদুদা শাফু পীবগী মথৌ তাবা অদু মশক খংলদুনা  মন্ত্রীশিংনা তেংবাংনদুনা পান্দম অসি ফংনবা অনৌবা থৌরাং অমা হৌদোক্নিংবগী অপাম্বশিং ফোংদোকখি। হন্দক্কী চহিসিগী অথেংবদা অনৌবা থৌরাং অসি হৌদোক্নবগী মতাংদা মরিক চুম্না শেমদুনা খংহল্লক্নবা মখোয়গী ওফিসিএলশিংদা তাকখি।

৫. মন্ত্রীশিংনা থৌরাং অসিদা শরুক য়ানবগীদমক্তা ৱাখল্লোন অসি হায়রকখিবা লৈবাকশিংবুসু মফম  অসিদা কৌখি। ”

*****
 



(Release ID: 1650487) Visitor Counter : 62