স্পেস মিসনশিংগী চাউনা মাইপাকপা অমা ওইনা, ভারতকী এস্ত্রোনোমরশিংনা য়ুনিভর্স অসিগী খ্বাইদগী লাপ্পা স্তার গেলেক্সি অমা পুথোক্লে।

মসিগী পাউ অসি ঙসি লাউথোক্লদুনা, দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা হায়খি পৃথিবীদগী লাইত-ইয়র বিল্লিয়ন ৯.৩ লাপ্পা গেলেক্সি অমদগী থাদোরকপা অকনবা য়ু.ভি মঙাল ভারতকী অহানবা মল্তি ৱেবলেং স্পেস ওবজার্বেতোরি “এস্ত্রোসাত”না খঙবা অসি চাউথোকচনিংঙাই অমনি। ইন্তর-য়ুনিভর্সিতিগী সেন্তর ফোর এস্ত্রোনোমি এন্দ এস্ত্রোফিজিক্স,পুনেগী দোক্তর কানাক সহানা লুচিংবা এস্ত্রোনোমর কাংবু অমনা এ.য়ু.দি.এফ০১ কৌবা গেলেক্সি অসি পুথোকখিবনি।

মসিগী পুথোকপা অসিগী মরুওইবা অমসুং অঙকপা অমা ওইনা মসি ব্রিতেন্দা ফোঙবা মালেমগী মাংজিল থাবা জর্নেল “নেচর এস্ত্রোনোমি”দা ফোঙলে। নাসানা পুথোকপা য়ু.এসগী হুব্বল স্পেস তেলিস্কোপতা য়াওরিবা অসিদগী হন্থবা য়ুভিদ দিতেক্তরনা খোঞ্জেল মশক খঙবা ঙম্বদগী ভারতকী এস্ত্রোসাত/য়ুভিদ অসি অখন্নবা অমা ওইনা মাইপাকপনি।

স্পেস তেক্নোলোজিগী লমদা ভারতকী তৌবা ঙম্বশিং মালেমগী মমাংদা উৎপা ঙম্বগীদমক দোক্তর জিতেন্দ্র সিংহনা ভারতকী স্পেস সাইন্তিস্তশিং থাগৎখি অমসুং হৌজিক ঐখোয়গী সাইন্তিস্তশিংনা মালেমগী অতৈ মফমশিংগী স্পেস সাইন্তিস্তশিংদা মতেং পাংবা ঙম্লে। প্রোফেসার শ্যাম তন্দনগী মতুংইন্না, চহি ১০ হেন্না য়ুভিদ কাংবুনা কন্না হোৎনবদগী অফবা স্পাসিএল রিজোলুসন অমসুং সেন্সিতিবিতি ফংবা ঙমখিবনি।

ইন্তর-য়ুনিভর্সিতিগী সেন্তর ফোর এস্ত্রোনোমি এন্দ এস্ত্রোফিজিক্স,পুনেগী দিরেক্তর, দোক্তর সোমাক রে চৌধুরিনা হায়খি কমদৌনা য়ুনিভর্সগী অমম্বা মতম লোইশিনখি অমসুং য়ুনিভর্স অসি মঙাল ফংলকখিবগে হায়বগী মরুওইবা লৌশিং কয়া পুথোক্লিবা অসিদগী ফংলে। মঙাল অসি করম্বা মতমদগী হৌরকপগা হায়বা ঐখোয় খঙবা দরকার ওই , অদুবু খ্বাইদগী অঙনবা মতমগী মঙালগী হৌরকফম থিবা অসি য়াম্না ৱাবা অমনি।

পনবা য়াবদি, ভারতকী অহানবা স্পেস ওবজার্বেতোরি “এস্ত্রোসাত” অসি মোদী সরকারগী অহানবা তার্ম মনুং ২০১৫গী সেপ্তেম্বর ২৮দা ইন্দিয়ান স্পেস রিছর্স ওর্গনাইজেসন(ইসরো)না থাগৎখি। মসি ইসরোগী মতেংগা লোয়ন্না ইন্তর-য়ুনিভর্সিতিগী সেন্তর ফোর এস্ত্রোনোমি এন্দ এস্ত্রোফিজিক্স,পুনেগী হান্নগী ইমেরিতস প্রোফেসার, শ্যাম তন্দন্না লুচিংবা কাংবু অমনা শেমগৎপনি।

*****