ইং ২০২৩-২৪ ফাওবদা কোইলা বিলিয়ন তোন(বি.তি.) ১ পুথোকপা ঙম্নবা অমসুং লৈবাক অসি কোইলাদা মীপাল তাইদনবা পান্দম অমগা লোয়ননা নেস্নেল মাইনর কোল ইন্দিয়া লিমিতেদ (সি.আই.এল.)না কোইলা লৌথোকপা, ইনফ্রাস্ত্রকচর, প্রোজেক্ত খুমাং চাউশিনহনবা, থিদোকপা অমসুং কোইলা শেংনবা তেক্নোলোজীশিংগা মরী লৈনবা প্রোজেক্ত ৫০০রোমগী লুপা কোতি লাখ ১.২২গী শেল থাদগনি হায়না সি.আই.এল.না শিনবা স্তেকহোল্দরশিংগী মীফম অমদা ৱা ঙাংবদা কোইলা অমসুং মাইন্সকী কেন্দ্রগী মন্ত্রী শ্রী প্রলহাদ জোশিনা ঙসি ভিদিও কনফরেন্সিংগী খুত্থাংদা ফোঙদোকখ্রে।

“মরী লৈমনা স্তেকহোল্দর পুম্নমক্না কম্পনীগী থবক থৌরমশিংদা য়াওশিনবনা প্রোজেক্ত অসিগী খুদোংচাদবশিং হন্থহনগনি। অসিগুম্বা নাকল অনিদগী হোৎনবা অসিনা পুম্নমক্কী কান্নগদবা অনৌবা ৱাখল্লোনশিং, হীরম কয়াদা খুমাং চাউশিনহনবা অমসুং প্রোজেক্তশিংগা মরী লৈনবা নীংজবশিংদা মতেং পাংগনি।” হায়না শ্রী জোশিনা ফোঙদোকখি।

স্তেকহোল্দরশিংদা ৱা ঙাংবদা মন্ত্রীনা হায়খি কোল ইন্দিয়াগী ললোন-ইতিক্কী লম্বীগী খুদোংচাবশিং অসি য়াম্না চাউই। কম্পনী অসিনা ইং ২০২৩-২৪দা মখোয়গী ফার্স্ত মাইল কন্নেক্তিবিতী প্রোজেক্ত ৪৯গী তাঙ্কক নায়বা মওংদা লুপা কোতি ১৪,২০০রোমগী শেল থাদগনি। মহাক্না হায়খি ফার্স্ত মাইল কন্নেক্তিবিতী অসি পিৎহেদশিংদগী লমথাগদবা পোইন্তশিং ফাওবা কোইলা পুথোক-পুশিন তৌবা অদুনি। মহাক্না মখা তারদুনা হায় মসি কোইলা মপুং ফানা পুথোক-পুশিন তৌবা হেনগৎহনবা ঙম্নবা অমসুং হৌজিক লৈরিবা পোইন্ত অনিগী মরক্তা লম্বীদা পুথোক-পুশিন তৌরিবা অসি কম্প্যুতরনা মতেং পাংদুনা কোইলা হাপকৎনবা তৌখিবনি।

লুপা কোতি লাখ ১.২২রোম শীজিন্নগদবা অসিগী মনুংদা সি.আই.এল.না ইং ২০২৩-২৪দা কোইলা লৌথোকপদা লুপা কোতি ৩২,৬৯৬, মাইনগী মচাক মথুমদা লুপা কোতি ২৫১১৭, প্রোজেক্ত খুমাং চাউশিন্নবা লুপা কোতি ২৯৪১, দাইবর্সিফিকেসন অমসুং কোইলা শেংদোক্নবা তেক্নোলোজীশিংদা লুপা কোতি ৩২,১৯৯, সোসিএল ইনফ্রাস্ত্রকচর লুপা কোতি ১,৪৯৫ অমসুং থিজিনবগী থবকশিংদা লুপা কোতি ১,৮৯৩ থাদনবা থৌরাং তৌরি।

মখা তানা, অওনবা পুরক্নবা থৌরাং অমা ওইনা কোইলা পুথোকপা হেনগৎনবা অমসুং তুংদা লাক্কদবা চহিশিংদা মীপান তাংদনবা কোইলা মপালদগী পুশিল্লকপা হন্থহন্নবা, শেনবা চহি ২০২৪গী অরোইবদা লুপা কোতি ১৭০০০রোম থাদরকপা য়াবা পুন্না লুপা কোতি ৩৪,৬০০ রোমগী শেম থাদবা মথৌ তাবা মাইন দিবেলপর এন্দ ওপরেতর (এম.দি.ও.)মোদেলগী খুত্থাংদা চল্লাইগদবা গ্রীনফিল্দ প্রোজেক্ত ১৫ কোল ইন্দিয়ানা খনগৎখ্রে। লাউথোকপগী মচাক-মথুম অসিসু কোল ইন্দিয়ানা অচৌবা শেমনফম থাদগদবা মরু ওইবা লম অমনি। মরু ওইবা রেলৱেজশীং ফগৎহনবা (লুপা কোতি ১৩০০০রোম), রেলৱেজ সাইদিংশিং (লুপা কোতি ৩১০০) অমসুং মশাগী ৱেগোনশিং প্রোক্যুর তৌনবা (লুপা কোতি ৬৭৫) অসিগুম্বা রেল লোজিস্তিক্তা থাদগদবা শেলশিং অসি এফ.ৱাই ২৩-২৪দা লুপা কোতি ১৬৫০০ ওইরবা য়াই।

মন্ত্রীনা হায়খি কোল ইন্দিয়া অমসুং মখোয়গী সবসিদরীশিংনা চাউইরাক্না লুপা কোতি ৩০,০০০রোম ওইগদবা তোঙান তোঙানবা মখলশিংগী গুদশিং, থবকশিং অমসুং সর্ভিসেসকী প্রোক্যুর্মেন্তগী থবক লৌখৎলি। মসিদনি স্তেকহোল্দরশিংনা মরু ওইনা থৌদাং লৌরিবা অসি। মহাক্না মখা তারদুনা হায়খি কোল ইন্দিয়ানা মরম চানা, পুকচেল শেংনা অমসুং মান্নবা মীৎয়েংগী য়েংদুনা গুদশিং, থবকশিং অমসুং সর্ভিসেস প্রোক্যুর তৌনবা হোৎনবা অসিদা ফগৎপা কয়া ঙমখ্রে, ‘ইজ ওফ দুইং বিজিনেস’ হেনগৎহন্নবা ভেন্দরশিং অমসুং স্তেকহোল্দরশিংদা কান্নবশিং ফংহন্নবা মখোয়গী মেন্যুলশিং অমসুং গাইদলাইনশিংদা অমসুং পুকচেল শেংনা তৌনবা হোৎনরিবা অসিদা অহোংবশিং পুরকখ্রে।

শ্রী অনিল কুমার জেন, সেক্রেতরী (কোয়লা), শ্রী প্রমোদ অগর্ৱাল, সি.এম.দি. সি.আই.এল. অমসুং কোয়লা অমসুং সি.আই.এল. মন্ত্রালয়দগী মকোকথোংবা ওফিসিএলশিংনা মীফম অদু শরুক য়াখি অমসুং স্তেকহল্দরশিংগা উনখি। স্তেকহোল্দরশিংগা মরুপ ওইবগী থৌরাংশিং অদুদা কোল ইন্দিয়ানা থৌরাং কয়া অমা কোমথোকখ্রে অমসুং তেন্দরশিংদা স্তেকহোল্দরশিং মশিং য়াম্না শরুক য়াবা য়াহনখ্রে। মাইনিং তেন্দরশিংগী এক্সপিরিএন্সকী ক্রাইতেরিয়া অসি ৬৫%দগী ৫০%দা হন্থখ্রে অদুগা ৱার্ক এক্সপিরিএন্সনা অথুবা কন্ত্রেক্তশিংগী ওইনা ৫০%দা হন্থখ্রে। লো ভেল্যু ৱার্কশিং অমসুং সর্ভিস তেন্দরশিং শরুক য়ানবা মথৌ তাবা প্রী-ক্বালিফিকেসন অদু হৌজিক লৌথোকখ্রে। এম.এস.ই.শিং অমসুং স্তার্ত-অপশিংদি মমাংগী এক্সপিরিএন্স অমসুং তর্নওভর লৈবগী মথৌ তাদে। এম.এস.ই.শিং অমসুং স্তার্ত-অপশিংগী ই.এম.দি.শিং মথৌ তাদ্রে। মেক ইন ইন্দিয়া প্রোবিজনশিং তেন্দর খুদিংমক্তা মপুংফানা শিজিন্নরি।  

*****