ভারতকী হান্নগী রাস্ত্রপতি শ্রী প্রনাব মুখর্জি লৈখিদবদা দিফেন্স মিনিস্তর শ্রী রাজনাথ সিংহনা অৱাবা ফোঙদোকখ্রে। তুইতরদা থাগৎপা পাউজেল অমদা রাজনাথ সিংহনা হায়খি, “মহাক খুন্নাইগী কাংলুপ খুদিংমক্না ইকায়খুম্নখি। মহাক লৈখিদবা অসি মাংজবা অমনি। মহাক ভারতকী পুৱারি, দিপ্লোমেসি, লৈঙাক্কী থৌশিল অমসুং ঙাকশেনগী লমদা মতিক চাবা লৌশিং লৈবা মীওই অমনি”। মহাক্কী মতিক মগুনশিং নিংশিংলদুনা রাজনাথনা হায়খি, “প্রনাবদা ইচম চম্বা, পুকচেল শেংবা অমসুং থৌনা লৈনবা মীশক অমনি। মহাক্না কৎথোকপগা লোয়ন্না ঐখোয়গী লৈবাক্কী থবক তৌরমখি। মহাক্না মীয়ামগীদমক পাংথোক্লম্বা থবকশিং মমল নাইদে”।

লৈখিদ্রবগী ইমুং-মনুংদা দিফেন্স মিনিস্তরনা অৱাবা ফোঙদোকখি।

ঙসি অগস্ত ৩১দা নিউ দিল্লিদা ভারতকী হান্নগী রাস্ত্রপতি শ্রী প্রনাব মুখর্জি তাইবংপাল থাদোকখ্রে। ২০০৪-০৬দা দিফেন্স মিনিস্ত্রি য়াওনা মহাক কেন্দ্র সরকারগী তোঙান-তোঙানবা মিনিস্ত্রিশিংদা সেনিয়র মিনিস্তর ওইরমখি।

*****