ਏਅਰ ਫੋਰਸ ਸਪੋਰਟਸ ਕੰਟਰੋਲ ਬੋਰਡ ਨੂੰ ਖਿਡਾਰੀਆਂ ਦੀਆਂ ਆਪੋ—ਆਪਣੀਆਂ ਖੇਡਾਂ ਵਿੱਚ ਵਧੀਆ ਕਾਰਗੁਜ਼ਾਰੀ ਤੇ ਖੇਡਾਂ ਦੀ ਭਲਾਈ ਲਈ ਮਜ਼ਬੂਤ ਕਦਮ ਚੁੱਕ ਕੇ ਪਾਏ ਯੋਗਦਾਨ ਲਈ "ਰਾਸ਼ਟਰੀ ਖੇਲ ਪ੍ਰੋਤਸਾਹਨ ਪੁਰਸਕਾਰ 2020" ਨਾਲ ਸਨਮਾਨਿਤ ਕੀਤਾ ਗਿਆ ਹੈ । ਇਹ ਸਨਮਾਨ ਦੇਸ਼ ਵਿੱਚ ਖਾਸ ਤੌਰ ਤੇ ਭਾਰਤੀ ਹਵਾਈ ਸੈਨਾ ਵਿੱਚ ਖੇਡਾਂ ਨੂੰ ਉਤਸ਼ਾਹਿਤ ਤੇ ਪ੍ਰਚਾਰ ਕਰਨ ਲਈ ਲਗਾਤਾਰ ਕੀਤੇ ਯਤਨਾਂ ਲਈ ਦਿੱਤਾ ਜਾਂਦਾ ਹੈ । ਏਅਰ ਮਾਰਸ਼ਲ ਐੱਮ ਐੱਸ ਜੀ ਮੈਨਨ , ਏਅਰ ਆਫੀਸਰ ਇੰਚਾਰਜ, ਪ੍ਰਸ਼ਾਸਨ ਅਤੇ ਏਅਰ ਫੋਰਸ ਸਪੋਰਟਸ ਕੰਟਰੋਲ ਬੋਰਡ ਦੇ ਮੁਖੀ ਨੇ ਮਾਣਯੋਗ ਭਾਰਤੀ ਰਾਸ਼ਟਰਪਤੀ ਤੋਂ 29 ਅਗਸਤ 2020 ਨੂੰ ਵਿਗਿਆਨ ਭਵਨ ਵਿੱਚ ਆਨਲਾਈਨ ਸਮਾਗਮ ਦੌਰਾਨ ਪ੍ਰਾਪਤ ਕੀਤਾ ਹੈ ।

ਏਅਰ ਫੋਰਸ ਸਪੋਰਟਸ ਕੰਟਰੋਲ ਬੋਰਡ ਭਾਰਤੀ ਹਵਾਈ ਸੈਨਾ ਅਤੇ ਅੰਤਰ ਸੇਵਾਵਾਂ ਦੇ ਜ਼ਮੀਨੀ ਪੱਧਰ ਤੇ ਗਤੀਵਿਧੀਆਂ ਕਰਵਾਉਣ ਅਤੇ ਯੋਜਨਾ ਲਈ ਮੁੱਖ ਸੰਸਥਾ ਹੈ । ਏਅਰ ਫੋਰਸ ਸਪੋਰਟਸ ਕੰਟਰੋਲ ਬੋਰਡ ਲਗਾਤਾਰ ਭਾਰਤੀ ਹਵਾਈ ਸੈਨਾ ਦੀਆਂ ਟੀਮਾਂ ਵਿੱਚ ਸੁਧਾਰ ਤੇ ਖਿਡਾਰੀਆਂ ਨੂੰ ਭਾਰਤੀ ਹਵਾਈ ਸੈਨਾ ਵਿੱਚ ਕੈਰੀਅਰ ਦੇ ਵਾਧੇ ਲਈ ਦਿਸ਼ਾ ਦਿੰਦਾ ਆਇਆ ਹੈ । ਜ਼ਮੀਨੀ ਪੱਧਰ ਤੇ ਖੇਡਾਂ ਨੂੰ ਉਤਸ਼ਾਹਿਤ ਕਰਕੇ ਖੇਡ ਸੱਭਿਆਚਾਰ ਦਾ ਵਾਤਾਵਰਨ ਤਿਆਰ ਕਰਨਾ ਅਤੇ ਨੌਜਵਾਨ ਹਵਾਈ ਸੈਨਾ ਯੌਧਿਆਂ ਨੂੰ, ਖੇਡਾਂ ਨੂੰ ਆਪਣੀ ਜਿ਼ੰਦਗੀ ਦਾ ਇੱਕ ਹਿੱਸਾ ਬਣਾਉਣ ਲਈ ਉਤਸ਼ਾਹਿਤ ਕੀਤਾ ਜਾਂਦਾ ਹੈ ।

ਆਈ ਐੱਨ / ਬੀ ਐੱਸ ਕੇ / ਜੇ ਪੀ