ঙাকশেল মন্ত্রালয়

এয়র ফোর্স স্পোর্তস কন্ত্রোল বোর্দতা ‘রাস্ত্রিয়া খেল প্রোতসাহন পুরুস্কার ২০২০’ পীখ্রে

Posted On: 31 AUG 2020 7:24PM by PIB Imphal

মখোয়গী মশান্নশিংদা মীথোই-মীহেন্নবা শান্নরোইশিং মতেং পাংবা অমসুং শান্নবগী য়াইফ-থৌরাংশিং পায়খৎপগীদমক এয়র ফোর্স স্পোর্তস কন্ত্রোল বোর্দতা ‘রাস্ত্রিয়া খেল প্রোতসাহন পুরুস্কার ২০২০’ পীখ্রে।লৈবাক অসিদা শান্নবা য়োকখৎনবা অমসুং পুক্নিং থৌগৎনবা পায়খৎলিবা থবকশিং অমসুং মরুওইনা ইন্দিয়ান এয়র ফোর্সকী থবকশিং শকখঙবা উৎতুনা মনা অসি পীবনি। ২০২০গী অগস্ত ২৯দা ওনলাইন ওইনা বিগ্যান ভাবন্দা পাংথোকপা থৌরম অমদা ভারতকী রাস্ত্রপতিদগী মনা অদু এয়র মার্সেল এম.এস.জি মেনেন, এয়র ওফিসার-ইন-চার্জ এদমিনিস্ত্রেসন অমসুং এয়র ফোর্স স্পোর্তস কন্ত্রোল বোর্দকী প্রসিদেন্তনা লৌখি।

এয়র ফোর্স স্পোর্তস কন্ত্রোল বোর্দ অসি আই.এ.এফ অমসুং ইন্তর-সর্বিসেস মনুংদা শান্ন-খোৎনবগী থবকশিং শীন-লাংবা অমসুং পাংথোকপা খ্বাইগী চাউবা বোদি অমনি। আই.এফ.এফতা মখোয়গী তিমশিং লমজিংবা অমসুং থাক হেনগৎহন্নবা হোৎনবা অসি এয়র ফোর্স স্পোর্তস কন্ত্রোল বোর্দকী মরুওইবা থবকনি। মখোঙদগী হৌনা শান্নবা য়োকখৎনবা পান্দম থমদুনা নহা ওইরিবা নোংথক্কী লান্মীশিং শান্ন-খোৎনবগী থবকশিংদা শরুক য়ানবা হোৎনবা অসিনা লম্বী অমা ওইরি।

*****



(Release ID: 1650198) Visitor Counter : 31