জল শক্তীগী কেন্দ্র মন্ত্রী শ্রী গজেন্দ্র সিংহ শেকাৱৎনা অরুনাচল প্রদেসকী মুখ্য মন্ত্রী শ্রী পেমা খন্দুগা ভিদিও কনফরেন্সকী থোংদা রাজ্য অদুদা জল জীবন মিশন চৎনহন্নবা ঙসি উন্নখ্রে।  কোবিদকী লায়েং চত্থরিবা মরম্না শ্রী শেখাৱৎনা হোসপিতালদগী ভিদিও কনফরেন্স অদু য়াওখি। জল শক্তীগী রাজ্য মন্ত্রী রতন লাল কতারীনসু ভর্চুএল মীফম অদুদা য়াওখি। মন্ত্রালয় অসিগী এদিস্নেল সেক্রতরী অমসুং মিশন দিরেক্তর অমদি ওফিসিএলশিংনসু মীফম অদু য়াওখি। অরুনাচল প্রদেশতগী পি.ঐচ.ই.দি.গী চীফ সেক্রতরী অমসুং অতৈ মকোক থোংবা ওফিসিএলশিংনা মীফম অদুদা শরুক য়াখি।

ভারত সরকারনা মীশিংগী পুন্সি মহিং ফগৎহন্নবগী পান্দমদা খুঙ্গংদা লৈরিবা মীশিংদা মরুওইবা সর্ভিসশিং শোইদনা ফংহন্নবা ৱাশক্লি। থক্নবা ঈশিং ফংহন্নবা অসি থিল্লুগদবা থবক অমা ওইবা অসিদা ফংহল্লিবা  ঈশিংগী চাং,  অফবগী থাক অমদি ঈশিং ফংহনবগী মতম অসি রাজ্য অসিগা খুৎশম্ননা চৎনহনবগী মখাদা শন্দোক্তুনা চত্থবা জল জীবন মিশন(জে.জে.এম.) অসিদগী থবক অসি শোইদনা পাংথোক্কদবনি।মিশন ্সিগী পান্দম অসি ময়াম পুম্বগী ওইনা লোইনমক য়ৌহনবা অসিনি হায়বদি খুঙ্গংদা লৈরিবা ইমুং খুদিংনা মখোয়গী ময়ুমদা তোতী ঈশিংগী কনেক্সন লৈহনবনি।

অরুনাচল প্রদেশনা ২০২৩ ফাওবদা চাদা ১০০ মিশন অসি চৎনহন্নবা থৌরাং তৌদুনা রাজ্য অসিগী খুঙ্গংশিংগী ইমুং খুদিংদা তোতী কনেক্সন ফংহন্নবগী পান্দম থম্লি।  মসিগী মতাংসিদা কেন্দ্র মন্ত্রীনা রাজ্য অসিদা মিশন অসি খুমাং চাউশিন্নবা সি.এম.গা নিংথিজনা খন্ন-নৈনখ্রে।  খুঙ্গংগী মীশিংগী পুন্সি মহিং অসি ফগৎহন্নবা পুন্সি হোংহন্নিংঙাই ওইবা মিশন অসিদা মরু ওইবা মিৎয়েং থম্লদুনা কেন্দ্র মন্ত্রীনা লৈরিবা ঈশিং ফংহন্নবা ৱাফম ফোংদোকখ্রে।রাজ্য অসিদা লৈরিবা খুঙ্গং ৫,৪৫৭গী মনুংদা ৩,৮২৩ অসিদা পাইপ তিংখ্রে তৌইগুম্বসুং ইমুং লাক্ষ ২.১৭গী মনুংদা শুপ্নতগী ৩,৮২৩(চাদা ২০)দা তোতীগী কনেক্সন তৌই। খুন্নাই অসিগী লাইরবা অমদি লাইরবগী পনখৈদা লৈবা মীওই কাংলুপশিংগী ইমুংশিংদা তোতী কনেক্সন অসি থুনা ফংহন্নবা থবক অসি কেম্পেন মোদতা চত্থখি।  কেন্দ্র মন্ত্রীনা  

শ্রী শেখাৱৎনা রাজ্য অসিদা পান্দম অসি ফংননবদা মতেং পুম্নক পাংগনি হায়না কেন্দ্র সরকারনা ৱাশকখিবা অদু নিংশিংখি। জল জীবন মিশন অসিগীদমক্তা তোতীগী কনেক্সন ফংহন্নবা অমদি লৈরিবা কেন্দ্রগী অমদি রাজ্যগী শরুক অসি  মপা চানা শিজিন্ননবগীদমক্তা পাংথোকপা থবকশিং ওইনা ভারত সরকারনা ফন্দশিং পীখি। জল শক্তীগী মন্ত্রীনা অরুনাচল প্রদেশকী মুখ্য মন্ত্রীদা ‘চাদা ১০০ এফ.ঐচ.তি.সি.’শিংগী রাজ্য অমা ওইহন্নবা তেংবাং খুদিংমক পীগনি হায়না থাজবা পীখ্রে।

অরুনাচল প্রদেশকী খুঙ্গংগী ইমুং লাক্ষ ২.১৭কী মনুংদা শুপ্নতগী ৪৩,২৪৪(চাদা ২০) দা তোতীগী কনেক্সন ফংহনখি। ২০২০-২০২১কী মতমদা অরুনাচল প্রদেশনা ইমুং ৭৬,৯১৩দা তোতীগী কনেক্সন ফংহন্নবা থৌরাং তৌরি। ২০২০-২১দা লুপা কোতী ২৪৫.৮৫ অসি ফংহনখ্রে অমসুং রাজ্য অসিগী শরুক অমদি মমাংগী চহিদা চাদিং তৌদ্রিবা শেনফম য়াওনা শোইদনা লুপা কোতী ৩৪৭.১০ লৈগনি। ফিজিকেল অমসুং শেল-থুমগী ওইনা তৌথোরকপা থবকশিংদা য়েংলগা রাজ্য অসিনা অহেনবা ফন্দ ফংবা য়ারগনি।

১৫শুবা ফাইনান্স কমিশন গ্রান্তকী মখাদা খুঙ্গংগী লুপশিংদা লুপা কোতী ২৩১ পীখ্রে অদুগা চাদা ৫০দি ঈশিং ফংহন্নবা অমদি মহিক-মতাই লৈহন্দনবগী থবক্তা শিজিন্নগনি।  কেন্দ্র মন্ত্রীনা মুখ্য মন্ত্রীদা মসিগী ফন্দ অসি খুঙ্গংদা ঈশিং ফংহন্নবা, গ্রে ৱাতর ত্রিতমেন্ত অমসুং অমুক হন্না শিজিন্ননবা অমদি খ্বাইদগী মরুওইনা তুং-কোইনা মতম শাংনা ঈশিং ফংহনবগী স্কীম অসি থবক পাংথোক্নবা অমদি য়েংশিন্নবগী থৌরাং তৌনবা হায়জখ্রে।

কেন্দ্র মন্ত্রীনা ভিলেজ এক্সন প্লানশিং অমসুং ভিলেজ ৱাতর অমসুং সেনিতেসন কম্মিতী/পানী সমিতীগা লোয়ননা খুঙ্গংগী ঈশিং পীবগী ইনফ্রাস্ত্রকচর অসি থৌরাং তৌনবা, মওং শেম্নবা, চৎনহন্নবা অমদি  থবক পাংথোক্নবা নুপী মীহুৎনা চাদা ৫০ ওইহন্দুনা গ্রাম পঞ্চায়েৎকী সব কম্মিতী শেম্নবা মখা তানা হায়খি। খুঙ্গং খুদিংমক্না ঈশিং ফংফম, ঈশিং পীফম, গ্রে ৱাতর মেনেজমেন্ত অমসুং য়েংশিন্নবগী ওইগদবশিং ফগৎহনদগদবা/হাপচিনগী থবক অসি মরুওইনা য়াওগদবা ভিলেজ এক্সন প্লান(ভি.এ.পি.) শেমগদনি।  জল জীবন মিশন অসি মীয়ামগী অশেংবা খোংজং অমা ওইহন্নবা মী কাংলুপশিং চুংশিন্নদুনা আই.ই.সি. কেম্পেন তৌনবসু হায়খি।

জল জীবন মিশনগী মখাদা মফমদুগী মীশিংনা নিংথিনা থৌদাং লৌদুনা ঈশিং ফনবা য়েংশিন-থিজিন্নবদা মরু ওইনা তৌগদবা হায়খ্রে। মীওই ৫ মরুওইনা নুপীশিং অসি খুঙ্গং খুদিংদা খুঙ্গং অসিদা পীরিবা ঈশিং অদুগী অফ-ফত্ত য়েংনবা ফীল্দ তেস্ত কীৎশিং শিজিন্নবা তম্বিখ্রে।  ফংফম খুদিংমক্না ফিজিকেল অমসুং কেমিকেলগী পেরামিতরশিংগী ওইনা ঈশিং ফংফম খুদিংমক চহি অমদা অমুরক অদুগা বেক্তরিয়ানা মোৎশিল্লকপা অসিগীদমক্তা অনিরক তেস্ত তৌগদবনি।  রাজ্য অসিদা মথং থা ৩-৪সিদা রাজ্য অমসুং জিলাগী লেবোরেতরীশিং অসিগী এক্রিদেসন অসি মপুং ফাহন্নবা অমদি য়াম্না অতাবা মমলদা পীরিবা ঈশিং অদু তেস্ত তৌবা ঙম্নবা হাংদোকপিনবা পাউতাক পীখি।

রাজ্য অসিদা খুদোংথিনিংঙাই ওইবা চিংমায়, মী য়াম্না তাদবা, কনেক্তিবিতী ৱাৎপা অমসুং ময়াম্না খংনরবা কোবিদ-১৯গুম্বা মখল-মখাগী শিংনবশিং অসিগী মতাংদা পল্লদুনা অরুনা প্রদেশকী মুখ্য মন্ত্রীনা জল জীবন মিশন অসি চাং নাইনা য়েংশিনগনি হায়না পনখি।  রাজ্য অকক্নবা মতমগী মনুংদা খুঙ্গংগী মফমশিংদা য়ুমগী তোতী শম্ননবগী পান্দম অসি ফংনবা মহাক্না মিশন অসি থুনা-য়াংনা চৎনহনগনি হায়না মহাক্না থাজবা পীখি। 

*****