হয়েং উত্তর প্রদেশতা রোদ ত্রান্সপোর্ত, হাইজৱেজ অমসুং এম.এস.এম.ইগী য়ুনিয়ন মিনিস্তর নিতিন গাদকরিনা হাইৱেজ প্রোজেক ১১ উরেপ-উয়ুং তমগনি অমসুং শঙ্গাগনি। থৌরম অদুদা উত্তর প্রদেশকী চীফ মিনিস্তর য়োগি অদিত্যনাথ ভর্চুএল ওইনা শরুক য়াগনি অমসুং রোদ ত্রান্সপোর্ত অমসুং হাইজৱেজগী রাজ্য মন্ত্রী জেনেরেল(পোথারবা)ভি.কে সিংহ, উত্তর প্রদেশকী দিপুতি চীফ মিনিস্তর কেসাব প্রসাদ মৌরয়া, রাজ্যগী মিনিস্তরশিং, এম.পিশিং, এম.এল.এশিং অমসুং কেন্দ্র অমসুং রাজ্যগী সেনিয়র ওফিসারশিং শরুক য়াগনি। 

উরেপ-উয়ুং তমগদৌরিবা অমসুং শঙ্গাগদৌরিবা প্রোজেকশিং অসিগী অপুনবা অশাংবনা কিলোমিতর ৩৬৩নি অমসুং শেনফম্না লুপা করোর ৪২৮১নি। য়ু.পি চাউখৎনবা লম্বী য়াৎলদুনা হায়রিবা লম্বীশিং অসিনা রাজ্য অসিগী মনুং অমসুং অকোয়বদা চৎথোক-চৎশিন অমসুং শেন-থুমগী ফিবম ফগৎলগনি। উত্তর প্রদেশকী মীয়াম্না য়ুমলোন্নরিবা রাজ্যশিংদা চৎথোক-চৎশিন তৌবা অমসুং পোৎ-চৈ পুথোক পুশিন তৌবদা খুদোংচাহল্লগনি। লম্বী ফরবদি মতম অমসুং থাও চংবা হন্থরগনি অমসুং মৈখু থাদোকপা হন্থরগনি। হায়রিবা প্রোজেকশিং অসিনা লম্বী চিনবা ফহল্লগনি অমসুং সহরগী লম্বীশিং ফিবম ফগৎলগনি।

*****