চাউখৎ-থৌরাংগী থবকশিং পায়খৎলকপা হেনগৎলকপদগী, অতৈ চীংগী সহরশিংগুম, উত্তরখান্দগী মমিং লৈরবা চীংগী সহর মুসোরিদা য়াম্না তোইনা চীং নিংখাইবা থেংনরে। খুদোংথিবা থোকপা হেনগৎলকপদগী সাইনতিস্তশিংনা মুসোরিগী চীং নিংখাইগনবা মফমশিং মেপ লৌরে অমসুং লমদম অসিগী চাদা ১৫ লৈবাক নিংখাইগনবা মফমশিংনি হায়বা থিজিনবদগী খঙলে।

ভারত সরকারগী সাইন্স অমসুং তেক্নোলোজি দিপার্তমেন্তগী মখাদা লৈবা ৱাদিয়া ইন্সতিতুৎ ওফ হিমালয়ান জিওলোজিগী সাইনতিস্তশিংনা মুসোরি সহর অমসুং মসিগী অকোইবা ইসক্বার কিলোমিতর ৮৪ রোমগী লেসর হিমালয়াগী শরুকশিং থিজিল্লে। মী তারিবা মফমশিং হায়বদি-বাতাগাত, জর্জ ইভরেস্ত, কেম্পতি হোল, খাতাপানি, লাইব্রেরি রোদ, গালোগিধার অমসুং হাথিপাউ অসি চীং নিংখাইবগী চাং য়াম্না ৱাংবা মফমগী মনুং চল্লে হায়বা মখোয়না খঙলে অমসুং মফমশিং অসি য়াম্না চেকখাইগনবা রোল শুনু নুঙগী চীংমাইনা দিগ্রি ৬০ হেন্না ঙম্না লৈরি।

আর্থ সিস্তেম সাইন্স জর্নেলদা ফোংখিবা লেন্দস্লাইদ সসেপ্তিবিলিতি মেপ্পিং(এল এস এম)দা মফম অসিগী লমগী চাদা ২৯ ময়াই ওইরপ চীং নিংখাইগনবা শরুক অমসুং চাদা ৫৬না লৈবাক য়াম্না নিংখাইগন্দবা শরুক ওইরি।

ৱাদিয়া ইন্সতিতুৎ ওফ হিমালয়ান জিওলোজিগী সাইনতিস্তশিংনা জি.আই.এস অমসুং ময়েক য়াম্না শেংবা সেতেল্লাইতকী মমিশিং শীজিন্নদুনা বাইবারিএদ স্তেতিস্তিকেল য়ুল কোইফিসিয়েন্ত (ৱাই সি) পাম্বৈ শীজিন্নদুনা থিজিনখি।

মখোয়না থিজিনবগী মতুংইন্না, লৈবাক নিংখাইবগী ওইবা য়াবা মরমশিংগী মনুংদা লিথোলোজি, লেন্দয়ুজ-লেন্দকোবর(এল য়ু এল সি), ঙম্বা, অকুৎ-অতোং লৈবা, লম্বী ফাওরবা খোঙবাল শেম্বা য়াওরি। য়াম্না তোইনা লৈবাক নিংখাইবগী মরমশিং খঙদোক্নবা ৱাদিয়া ইন্সতিতুৎ ওফ হিমালয়ান জিওলোজিগী সাইনতিস্তশিংনা লেন্দস্লাইদ ওকুরেন্স ফেবররেবিলিতি স্কোর(এল ও এফ এস) ফংলে অমসুং জি.এস.আই শীজিন্নদুনা লেন্দস্লাইদ সসেপ্তিবিলিতি ইন্দেক্স(এল এস আই) পুথোক্লে। মসি মফম মঙা থোক্না অমুক খাইদোক্লে।

সক্সেস রেত কার্ব(এস আর সি) অমসুং প্রিদিক্সন রেত কার্ব(পি আর সি)শীজিন্নদুনা মেপ অসি কয়া য়াম্না চুম্বগে হায়না খঙদোক্লে অমসুং এস.সি.আরগী এরিয়া অন্দর কার্বনা ০.৭৫ অমসুং পি.আর.সিগী ০.৭০ ওইরে অমসুং লৈবাক নিংখাইগনবা তোঙান-তোঙানবা মফমশিং অমসুং নিংখাইরিবা মফমশিংগী মরক্তা লৈরিবা মরী অদু ফজনা উৎলে।

থিজিনবা অসিনা ভারতকী তোঙান-তোঙানবা চীংগী সহরশিংদা লৈবাক নিংখাইগনবা মফমশিং খঙদোকপা অমসুং ভুলনেরেবিলিতি এসেসমেন্ত(ঐচ আর ভি এ) পাংথোকপদা মতেং পাংলগনি।

*****