য়ুনিয়ন তেরিতোরিশিং হায়বদি পুদুচেরি, লক্সদ্বিপ, অন্দমান অমসুং নিকোবর ইথৎশিং, দদ্রা অমসুং নাগর হাভেলি অমসুং দমান অমসুং দিয়ুদা কোবিদ-১৯ শন্দোরকপা লাকশিন্নবা পায়খৎলিবা থবকশিং ঙসি ভিদিও কনফরেন্সকী খুৎথাংদা য়ুনিয়ন হোম সেক্রেতরি অমসুং হেল্থ অমসুং ফেমিলি ৱেলফিয়ার মিনিস্ত্রিগী সেক্রেতরিনা অপুনবা ওইনা হন্না য়েংশিনখ্রে। থৌরম অদুদা হোম এফেয়ার্স মিনিস্ত্রি, হেল্থ অমসুং ফেমিলি ৱেলফিয়ার মিনিস্ত্রি অমসুং য়ু.তিশিং অসিগী সেনিয়র ওফিসারশিং শরুক য়াখি।

তেস্ত তৌনবা, কোবিদ-১৯ পোজিতিপ কেসশিং লাইয়েংনবা, পোজিতিপ কেসশিং নাইতোম থম্নবা, মেদিকেলগী মীওইশিং অমসুং পেরা-মেদিকেলগী স্তাফশিং মথৌ পাংথোক্নবগী মতাংদা পায়খৎলিবা থবকশিং হায়রিবা য়ু.তিশিং অসিগী সেনিয়র ওসিসারশিংনা য়ুনিয়ন হোম সেক্রেতরিদা পাউদমখি।

কোবিদ-১৯ শন্দোরকপা লাকশিন্নবা অমসুং হৌজিক ওইরিবা কোবিদ-১৯গী ফিবম য়েংশিনবগী থবক তৌরিবা লৈঙাক্কী ওফিসারশিং, মেদিকেল অমসুং পেরা-মেদিকেলগী স্তাফশিং অমসুং অতোপ্পা মীওইশিং নকশিন্ননা থবক তৌনবা য়ু.তিশিং অসিগী সেনিয়ার ওফিসারশিংদা য়ুনিয়ন হোম সেক্রেতরি অমসুং হেল্থ অমসুং ফেমিলি ৱেলফিয়ার মিনিস্ত্রিগী সেক্রেতরিনা খঙহনখি।

কোবিদ তেস্ত তৌবগী থবকশিং; কোবিদ পোজিতিপ কেসশিং ঙন্না মশক খঙদোক্নবা থিজিনবা; নিংথিনা খোঙ্গুল লিবা; মেদিকেল/পেরা-মেদিকেল স্তাফশিংনা য়ুম য়ুমদা চঙলগা থিজিনবগী থবক হেনগৎহনবা; য়ুমদা নাইতোম লৈরিবা কেসশিং ফজনা য়েংশিনবা; লাইচৎ শন্দোক্লিবা মফমশিংগী ঙমখৈ নাখৈ শেংনা থম্বা; ফমুংশিং, ওক্সিজেন য়াওবা ফমুংশিং, ভেন্তিলেতরশিং, আই.সি.য়ু ফমুংশিং, এম্বুলেন্সশিং ওইরকপা য়াবা কেস মশিংগী থৌরাং তৌবা; মীয়াম ভাব তাহন্নবা থবকশিং পায়খৎপা অসি ফগৎহন্নবা য়ুনিয়ন তেরিতোরিশিংদা পাউতাক পীখি। মীয়াম থাপ্না লৈহনবা, সেনিতাইজ তৌবা অমসুং মাক্স উপ্পগী থবকশিং ফজনা পাংথোকহন্নবা য়ু.তিশিংদা পাউতাক পীখি।

*****