কেন্দ্রগী গৃহ রাজ্য মন্ত্রী শ্রী নিত্যানান্দ রাইনা হায়খি শেন্মীৎলোন অমসুং দিজাস্তর রিস্ক মেনেজমেন্ত (দি.আর.এম.)গী ওইনা তুংলমচৎকী গ্লোবেল পোলিতিকেল ফ্রেমৱার্ক্তা ভারতনা অচৌবা থৌদাং অমা লৌরগনি। মহাক্না প্রধান মন্ত্রীগী দি.আর.এম.গী পোইন্ত ১০গী এজেন্দাগী খুত্থাংদা থৱায় য়াওবা অমসুং মঙলান অদু ফোঙদোকখি অমসুং আইতেম ৬ – য়ুনিভর্সিতীশিংগী নেৎৱার্ক অমা শেমদুনা খুদোংথিবা থোকপগা মরী লৈনবা হীরমশিংদা থবক তৌবা অসিগী মথক্তা এজেন্দাগী আইতেম ৫ হায়বদি এস এন্দ তি.না কান্না পীবা হেনগৎহনবা অসিনা ক্লাইমেৎ রিস্ক মেনেজমেন্তদা মতেং পাংগনি হায়না ফোঙদোকখি।

ভারত সরকারগী নেস্নেল ইন্সতিত্যুৎ ওফ দিজাস্তর মেনেজমেন্ত (এন.আই.দি.এম.) অমসুং সাইন্স অমসুং তেক্নোলোজীগী বিভাগ (দি.এস.তি.)না ওগস্ত ২৭, ২০২০, শগোলসেন নুমিৎতা পাঙথোকখিবা ইন্তর্নেস্নেল সাইন্স এন্দ তেক্নোলোজী কনফরেন্সকী লোয়শিনবগী থৌরমদা ভিদিও কনফরেন্সকী খুত্থাংদা লেংশিন্দুনা শ্রী রাইনা হায়খি মহাক্না লৈবাক অসিগী এস এন্দ তি দা থাজবা থম্মি অমসুং এস এন্স তিগী পান্দম অসি ঐখোয়গী ইমা লৈবাক অসিগী মফম খুদিংমক য়ৌশিন্দুনা লায়রবা মীওই খুদিংমক য়ৌহনবসি ওইগদবনি হায়না ফোঙদোকখি।

দি‌এন.আই.দি.এম. অমসুং দি.এস.তি.না খ্বাইদগী অফবা লৌশিংশিং পুথোক্তুনা পুনশিন্দুনা পুন্না খনমিন্ননবা, পুন্না ৱাখল্লোন ফোঙদোক্নবা অমসুং ঐখোয়গী লৈবাক অসিদা খুদোংথিবদগী ফগৎলকপা ঙম্নবা হোৎনবগী মতাংদা লৈরিবা মরু ওইবা ৱাহংশিংগী পাউখুম ফংনবা প্লেৎফোর্ম অমা ফংহন্ননবা অমসুং প্রধান মন্ত্রীগী ৱাখল্লোন অসি মঙ ফাওনবা ঙম্নবা সাইন্স অমসুং তেক্নোলোজী শীজিন্ননবা হোৎনরিবশিং অসিবু থাগৎলদুনা শ্রী রাইনা হায় নুমিৎ ৩নিগী কনফরেন্স অসিগী ফলশিং অমসুং ৱারেপশিং অসিনা লাক্কদৌরিবা মতম খরা অসিদা থবক ওইনা ওন্থোক্নবা হোৎনগনি।

কনফরেন্স অসিগী কনভেনর ওইরিবা এন.আই.দি.এম.গী ই.সি.দি.আর.এম. দিইজনগী ঐচ.ও.দি প্রোফেসর অনিল গুপ্তানা কনফরেন্স অসিগী শমলপ্পা ৱারোল থমখি অঞসুং মরু ওইবা ৱাফমশিং ফোঙদোকখি। এন.আই.দি.এম.গী একজিক্যুতিব দিরেক্তর মেজর জেনরেল মনোজ কুমার বিন্দালনা হৌজিক ওইরক্লিবা খুদোংথিবশিং, অইং-অশা অমসুং চাউখৎ থৌরাং অসিদা থৌরম অসিগী কান্নবা অদু ফোঙদোকখি। দা. জিগমেৎ তাকপা, জোইন্ত সেক্রেতরী (এম.ও.ই.এফ. এন্দ সি.সি.)না লৈবাক অসিগী ক্লাইমেৎ চেঞ্জ এদাপ্তেসন (সি.সি.এ.) অমসুং দি.আর.আর.গীদমক সরকার অমসুং সরকারগী নত্তবা এজেন্সীশিংগী মরক্তা পুন্না কান্নবা পুরক্নবা হোৎনবা অমসুং চুংশিন্নবা মথৌ তাবা অদু ফোঙদোকখি। শ্রী সঞ্জীব জিন্দাল, জে.এস.(দি.এম.)না লৈবাক অসিদা লৈরিবা দিজাস্তর মেনেজমেন্ত ইনসতিত্যুস্নেল মেকানিজমনা হোৎনরিবা অমসুং খুদোংথিবা থোকপা মতমদা মখোয়না লৌরিবা তোঙান তোঙানবা থৌদাংশিং অসিগীদমক থাগৎপা ফোঙদোকখি।

কনফরেন্স অসিগী হৌদোকপগী সেসন ওগস্ত ২৫, ২০২০দা পাঙথোকখিবা অদুদা এস এন্স তিগী অমসুং হকশেল অমসুং বাইফ য়ুম্বালগী মন্ত্রী দা হর্শ বর্ধন্না ৱা ঙাংখি। ইন্তর্নেস্নেল প্রোগ্রাম অসি সাইন্স অমসুং তেক্নোলোজীগী বিভাগনা তেংবাংদুনা ক্লাইমেৎ এদাপ্তিব প্লানিং প্রোজেক্তকী মখাদা শীনখিবনি। শীল-লাংলিবা কম্মিতিগী চ্যের ওইরিবা হান্নগী য়ু.জি.সি.গী সেক্রেতরী অমসুং দি.এদ.তি, জি.ও.আই.গী এদবাইজর ওইরিবা দা অখিলেশ গুপ্তানা লোয়শঙশিং মপাঙ্গল খনখৎহন্নবা অমসুং রিসর্চতা মপুং ওইবা সাইন্স এপ্লিকেসন অমসুং খুদোংথিবা থোকপদগী ফগৎপা ঙম্নবা হোৎনবগী পোলিসীদা হাপচিনবা অমসুং লৈবাক অসিগী অইং-অশাদা অহোংবা লাকপগী খুদোংচাদবশিং কোকহন্নবা মথৌ তারিবশিং অসি থমখি। দি.এস.তি.গী সেক্রেতরী দা, অশুতোশ শর্মনা অখন্নবা মীথুংলেন ওইনা মরু ওইবা ৱারোল পীখি লোয়ননা এন.দি.এম.এ.গী সেক্রেতরী শ্রী জি.ভি.ভি. সর্মনা অইং-অশা অমসুং খুদোংথিবদগী ফগৎলকনবা দি.এস.তি.না লৌখৎলিবা খোঙথাংশিংদা সাইন্সকী ইন্নোবেসন অমসুং সাইন্সকী মতেং অদু ফোঙদোক্তুনা অখন্নবা ৱারোল থমখি। এন.দি.এম.এ.গী মীহুৎ শ্রী কমল কিশোরনা মপুং ফানা কান্নবা ফং্নবা রিসর্চ দোমেনগী মখল কয়াগী লমশিং অদুদা পুন্না হোৎনবা মথৌ তাবা অদুদা মীৎয়েং থম্বা হায়খি।

থৌরম অসিদা ভারতকী মফম কয়াদগী অমসুং লৈবাক ১০ হেনবদগী এক্সপর্তশিং, সরকারগী ওফিসরশিং, এস এন্দ তি লুমিনরীশিং, পোলিসী শেম্লিবশিং, ইমপ্লিমেন্তরশিং অমসুং প্রেক্তিসনরশিং শরুক য়াখি।

******