পাৱর মন্ত্রালয়
পোসোকোদা নুপী থবক তৌবীশিংনা লৌরিবা তোপ-তোপ্পা থৌদাং শকখঙবা অমসুং ইকায়খুম্নবা উৎপা ওইনা পোসোকোনা নারি শক্তি ভিদিও ফোঙলে
Posted On:
28 AUG 2020 2:55PM by PIB Imphal
নেস্নেল পৱার গ্রিদকী থবক পাংথোক্লিবা পোসোকো অমসুং পৱার মিনিস্ত্রিগী মখাদা পি.এ.য়ু অমা ওইরবা পোসোকোদা নুপী থবক তৌবীশিংনা লৌরিবা তোপ-তোপ্পা থৌদাং শকখঙবা অমসুং ইকায়খুম্নবা উৎপা ওইনা পোসোকোনা নারি শক্তি ভিদিও অমা ফোঙলে। ৱেবিনার অমদা কোরপোরেত সেন্তর ওফিসতগী দিরেক্তর(ঐচ আর) মিনাক্সি দাবরনা ভিদিও অদু ফোঙখি, থৌরম অদুদা পোসোকোগী চেয়রমেন অমসুং মেনেজিং দিরেক্তর কে.ভি.এস বাবা; দিরেক্তর সিস্তেম ওপরেসন, আর.কে নারসিমহা; দিরেক্তর মার্কেত ওপরেসন, এস.এস বারপান্দা; দিরেক্তর ফাইনান্স, আর.কে শ্রীবাস্তাবা; পোসোকোগী এদভাইজর, এস.কে সোনি; আর.এল.দি.সিগী লুচিংবশিং অমসুং ত্রেনিংশিং শরুক য়াখি।
মিনাক্সি দাবরনা হায়খি নুপাশিংগা থবক শুমিন্নবদা থেংনবা খুদোংচাদবশিং কোকহন্নবা ঙসিগী নুপীশিংনা খুদোংচাদবা মায়োক্নরি। হায়রিবা পান্দমশিং অসি ফংনবা পোসোকোনা নুপীশিংদা খ্বাইদগী ফবা খুদোংচাবশিং পীরি। চৎনবী ওইনা লৌনরিবা ৱাফমশিং থেংননবা মখোয়দা থৌনা লৈরে অমসুং মখোয়গী ৱাখল্লোনশিং থবক ওইনা ওন্থোক্নবগী মখোয়গী থৌনা লৈরে।
মহাক্না হায়খি নুপীশিংনা পোসোকোদা মখোয়না থবক ফজনা পাংথোকপা অদু উৎলে অমসুং মখোয়না লুচিংবা অসিনা লুপ অসিদা চাউনা কান্নবা পীরে। লুপ অসিগীদমক মখোয়না কৎথোকপগা লোয়ন্না থবক পাংথোকপগীদমক ঐনা পোসোকোগী নুপীশিং থাগৎলি।
মিনাক্সি দাবরনা মনা কয়া ফংখ্রে, মহাক্না ফংখিবা মনাশিংগী মনুংদা ৱুমেন এচিবর এৱার্দ, ৱুমেন পর্সোনা-ইনৱেনা ওফ দিগেদ, এচিবর এৱার্দ, অমিতি লিদরসিপ এৱার্দ, সিজনেল ঐচ.আর প্রোফেসনেল এৱার্দ, ৱুমেন সুপর এচিবর এৱার্দ য়াওরি।
সেনিয়র জেনেরেল মেনেজর তি.কালানিথিনা হায়খি পোসোকো লৌশিংদা য়ুম্ফম ওইবা কম্পেনি অমনি। থৱায় য়াওবা ইঞ্জিনিয়ার কাংবু অমা লুচিংবা অসি ঐগী লাইবক ফবনি অমসুং ঐনা মনিংতম্না অমসুং ফজনা থবক তৌনবগী নিংতম্বা ফংলি। লনাই ওইনা অমসুং শীনফমগী ওইনা নুপীশিং চাউখৎনবা পোসোকোনা থবক পায়খৎলি।
পোসোকোগী থবক-থৌরমশিংদা নুপীশিংনা মরুওইবা শরুক অমা ওইরি। নুপী থবক তৌবীশিং ফম কানবা, লৌশিং শরুক য়ানবা, অমগা অমগা তাথোক-তাশিন তৌনবা খুদোংচাবশিং পোসোকোদা ফংহল্লি। নুপী থবক তৌবীশিংগী থৌদাং পোসোকোগী মরুওইবা শরুক অমা ওইরি।
সেনিয়র দিপুতি জেনেরেল মেনেজর সি. রেথি নাইয়রনা হায়খি পোসোকোগী শরুক অমা ওইবদা ঐ চাউথোকচবা পোকই। ভারতকী মৈ ফংহনবগী থবকশিংগী থৌদাং পোসোকোনা লৌরি। গ্রিদ ফজনা মথৌ পাংথোক্নবা হোৎনবদা ঐখোয়না মতেং পাংনবা অমসুং লৌশিং লৈরবা মরুপ-মপাংশিংগী কাংবু অমা ওইনা মথৌ পাংথোক্লি।
মখাগী লিঙ্ক অসিদা ভিদিও য়েংবা য়াগনি: https://posoco.in/video-gallery/.
পৱার সিস্তেম ওপরেসন কোরপোরেসন(পোসোকো) অসি পৱার মিনিস্ত্রিগী মখাদা লৈবা ভারত সরকারগী ইন্তরপ্রাইজ অমনি। পৱার গ্রিদ কোরপোরেসন ওফ ইন্দিয়া লিমিতেদকী থবকশিং পাংথোক্নবা মসি ২০০৯গী মার্চদা শেমখিবনি অমসুং ২০১৭গী জনুৱারিদা তোখাইবা কম্পেনি অমা ওইহনখি। গ্রিদ ফজনা মথৌ পাংথোকপগী থৌদাং মসিনা লৌরি। ইলেক্ত্রিসিতি এক্ত ২০০৩গী সেক্সন ২৭গী মখাদা মসিদা রিজনেল লোদ দিসপেচ সেন্তর ৫ লৈরি অমসুং ইলেক্ত্রিসিতি এক্ত ২০০৩গী সেক্সন ২৬গী মখাদা নেসনেল লোদ দিসপেচ সেন্তর লৈরি।
*****
(Release ID: 1649236)
Visitor Counter : 183