হন্দক্কী চহিসিগী ওজাশিংগী ওইবা লৈবাক্না পীবা মনা ২০২০গী ওইনা ত্রাইবেল এফিয়ার্স মন্ত্রালয়গী মখাদা লিংখৎপা এক্লাব্যা মোদেল রেসিদেন্সিএল স্কুল (ই.এম.আর.এস.)শিংগী ওইনা য়াম্না মরু ওইবা অমা ওইরে মরমদি স্কুল অসিনা হেক লিংখৎখিবদগী অহানবা ওইনা মসিগী উত্তরাখন্দগী ই.এম.আর.এস.-কালসি দেহরাদুনগী ভাইস প্রিন্সিপাল মিস সুনিধা পাইনুলিদা এন.এ.তি.গী মনা পীরগনি।

এজুকেসনগী কেন্দ্র মন্ত্রালয় (হান্না হ্যুমেন রিসোর্স দিবেলপমেন্ত মন্ত্রালয় ওইরম্বা)গী স্কুল এজুকেসন অমসুং লিতরেসী বিভাগনা ইং ২০২০গী ওজাশিংদা পীবা লৈবাক্কী মনা (এন.এ.তি.) পীনবা লৈবাক্কী থাক্তা মনিং তম্বা জ্যুরী অমা শেমখ্রে। থাক ৩গী নুং ফাওনা উবা ওনলাইনগী পাক চাউরবা থৌওং অমগী মতুংদা খনগৎপা মশক নাইবা ওজা ৪৭কী মনুংদা মিস সুনিধা পাইনুলিসু য়াওখি। মহাক্না পাঙথোকখিবা মশক থোকপা থবকশিংগী মনুংদা এক্লাব্যা বর্থদে গারদেন, এজুকেসন্দা থিএতর য়াওহনবা, এক্লাব্যা ত্রাইবেল ম্যুজিয়ম, স্কিল দিবেলপমেন্ত ৱর্কশোপ অমসুং অতোপ্পা চাংয়েংগী খুত্থাংদা মহৈ তম্বীবগী অনৌবা থৌওং পুথোকপা কয়া য়াওরি। মহাক্না মাই পাক্না পাঙথোকপা থৌওংশিং অসিনা ত্রাইবেল এফিয়ার্স মন্ত্রালয়না ত্রাইবেল মহৈরোয়শিংগী মরক্তা একাদমিক এজুকেসন অমসুং হীরম খুদিংমক্তা চাউখৎপা পুরকপগী খল মান্ননা চৎহন্নবগী পয়ান্দম অসিদা মতেং পাংবা ঙমখি।

ত্রাইবেল এফিয়ার্সকী মন্ত্রী (এম.ও.তি.এ.) শ্রী অর্জুন মুন্দানা শ্রীমতি সুধাবু থাগৎলদুনা অসুম্না হায়খি, “তসেংবদি মসি ই.এম.আর.এস.কী অচৌবা মাই পাকপা অমনি। এক্লাব্যাগী পুৱারীদা শ্রীমতি সুধা পাইনুলিনা লৈবাক্কী মনাগীদমক্তা খল্লকপা অহানবা ই.এম.আর.এস.কী ওজানি”। মহাক্কী পাই পাকপা অসিনা ত্রাইবেল মহৈরোয়শিংদা মগুন লৈবা এজুকেসন পীনবা হোৎনরিবা সরকারগী থবকশিং অসিগী খুদম অমনি। মসিগী মাই পাকপা অসিনা ই.এম.আর.এস.কী ওজাশিংগী কাংলুপ্তা এজুকেসনগী লমদা মখোয়গী হৈ-শিংবা উৎথোক্নিংবগী ইথিল পীরগনি।

ই.এম.আর.এস. অসি ইং ১৯৯৭-৯৮দা মনুং হঞ্জিন্না লৈবা এস.তি. মহৈরোয়শিংদা মগুন লৈবা এজুকেসন পীদুনা থাক ৱাংবা অমসুং প্রোফেস্নেল এজুকেস্নেল কোর্স তম্বগী খুদোংচাবা ফংহন্দুনা তোঙান তোঙানবা সেক্তরশিংদা থবক ফংবগী খুদোংচাবা ফংহন্নবা হৌদোকখিবনি। ২০১১গী সেন্সসকী মতুং ইন্না লৈবাক শিনবা থুংবদা মথক্তা পল্লিবগুম্বা জিলা ৫৬৪ লৈবগী মনুংদা জিলা ১০২দা ই.এম.আর.এস. অমমম লৈ হায়বা তাক্লি। মসিগী পাকথোক চাউথোকপগী খোঙচৎ অমগী শরুক ওইনা ইং ২০২২গী মনুংদা অনৌবা স্কুল ৪৬২ হাংদোকপগী পান্দম লৈ। শেমদোক্লবা ২০১৮গী ই.এম.আর.এস. স্কিমগী মতুং ইন্না ইং ২০২২ ফাওবগী মনুংদা এস.তি.গী অপুনবা মীশিং ৫০% লৈবা অমসুং য়ামদ্রবদা ত্রাইবেলগী মীওই ২০,০০০ লৈবা ব্লোক খুদিংগী ই.এম.আর.এস. অমা লৈরগনি। মসিগী স্কুলশিং অসি নবোদয়া বিদ্যলয়গী থাক মান্ননা লৈগনি অমসুং শান্ন-খোৎনবা অমসুং স্কিল দিবেলপমেন্তকী হীরমদা ত্রেনিং পীবগী মথক্তা লোকেল আর্ত অমসুং কলচর য়োকখত্তুনা থম্নবা অখন্নবা ফেসিলিতীসু লৈগনি।

এক্লাব্যা মোদেল রেসিদেন্সিএল স্কুলশিংনা ত্রাইবেল মহৈরোয়শিংবু মগুন লৈবা এজুকেসন ফংহন্নবা লেপ্তনা চঙশিল্লিবা খোঙচৎ অসিদা অসিগুম্বা মাই পাকপা কয়া তুংদসু লাক্লবদি এজুকেসনগী খোঙচৎ অসি য়াম্না নুংঙাইবা অমসুং কান্নবা ওইগনি।

*****