রাজ্য অদুদা জল জিবন মিসন পায়খৎপগী মতাংদা ঙসি ভিদিও কনফরেন্সকী খুৎথাংদা জল শক্তিগী য়ুনিয়ন মিনিস্তর গজেন্দ্র সিংহ সেখাৱাতনা গৱাগী চীফ মিনিস্তর প্রমোদ সাৱান্তগা মীফম পাংথোকখ্রে। লৈবাক অসিগী খুঙ্গংগী য়ুমথোঙশিংদা অফবা থক্নবা ঈশিং ফংহন্নবা রাজ্যশিংগা লোয়ন্না জল জিবন মিসন পায়খৎপনি। মিসন অসিগী পান্দমদি খুঙ্গং অমগী ইমুং খুদিং মখোয়গী য়ুমদা তোতি ঈশিংগী ফংহনবনি।

জল জিবন মিসনগী পান্দমদি খুঙ্গংগী য়ুমথোঙশিংদা চাংনাইনা অফবা থক্নবা ঈশিং ফংহনবা অমসুং খুঙ্গংগী মীয়ামগী পুন্সি মহিং থাক ৱাংখৎহনবনি। ঈশিং ফংহন্নবা অমসুং ঈশিংগী ফংহন্নবদা দরকার ওইবা মচাক-মথুমশিং শেমগৎনবা রাজ্যশিংনা পায়খৎলিবা থবকশিং জল শক্তি মিনিস্ত্রিনা চাংনাইনা য়েংশিল্লি।

২০২০-২১ ফাওবগী মনুংদা গৱাদা য়ুমথোঙ চাদা ১০০ তোতি কন্নেক্সন পীনবা থৌরাং তৌরি। রাজ্য অসিগী য়ুমথোঙ লাখ ২.৬গী মনুংদা য়ুমথোঙ লাখ ২.২৯ তোতি ঈশিং শম্লে। ২০১৯-২৯দা রাজ্য অসিদা শুপ্নগী য়ুমথোঙ ১০২৫ খক তোতি শমখি। ২০২০-২১দা য়ুমথোঙ ৪,৫০০ তোতি শম্লে।

মিসন অদুগী পায়খৎলিবা থবকশিং রাজ্য অদুগী চীফ মিনিস্তরগা লোয়ন্না জল শক্তিগী য়ুনিয়ন মিনিস্তরনা কুপ্না খন্নখি। রাজ্য অদুগী খুঙ্গংগী লেমহৌরবা য়ুমথোঙশিংদা তোতি ঈশিং ফংহনগনি হায়না য়ুনিয়ন মিনিস্তরনা থাজবা পীখি।

য়ুনিয়ন মিনিস্তরনা হায়খি মিসনগী পান্দম ফংনবা প্রধান মন্ত্রীনা লুচিংবা কেন্দ্র সরকারনা রাজ্য সরকারদা পীবা য়াবা মতেং পুম্নমক পীগনি। থক্নবা ঈশিং ফংহনবা অসি সরকার অসিগী মরুওইবা পান্দমনি। মিসন অসি অথুবদা পায়খৎপনা খুঙ্গংগী মীয়াম্না অফবা থক্নবা ঈশিং মরাংকাইনা ফংবা ঙমগনি। থৌরাং অসিনা ঐখোয়গী ইমাশিং, ইচলশিং অমসুং ইচানুপীশিং হিংবদা লাইহল্লগনি অমসুং ইকায়খুম্নবা পুন্সি অমা ফংলগনি।

খুন্নাইগী লায়রবা কাংলুপকী ইমুংশিং তোতি শম্বা ফংনবা খোঙজং অমগী মওংদা থবক পায়খৎনবা য়ুনিয়ন মিনিস্তরনা গৱাগী চীফ মিনিস্তরদা হায়জখি। ঈশিং লিক্নবা ফংবা খুঙ্গংশিং, চাউখৎত্রিবা জিলাশিং, এস.সি/এস.তিশিংনা মশিং য়াম্না খুন্দাবা খুঙ্গংশিং অমসুং সনসদ অদার্স গ্রাম য়োজনা খুঙ্গংশিংদা মরুওইবা মিৎয়েং চঙনবা য়ুনিয়ন মিনিস্তরনা তকশিনখি।

য়ুনিয়ন মিনিস্তরনা হায়খি তোঙান তোঙানবা থবকশিং হায়বদি এম.জি.এন.আর.ই.জি.এস, জে.জে.এম, এস.বি.এম(গ্রামিন), পি.আর.আইশিংদা ১৫সুবা ফাইনান্স কমিসন্না পীবা গ্রান্তশিং, দিস্ত্রিক মিনরেল দিবলপমেন্ত ফন্দ, কামপারা, সি.এস.আর ফন্দ, লোকেল এরিয়া দিবলপমেন্ত ফন্দ পুনশিন্দুনা মতম শাংনা অফবা থক্নবা ঈশিং ফংহন্নবা হৌজিক লৈরিবা ঈশিং ফংহল্লিবা মফমশিং মপাঙ্গল কনখৎহন্নবা জল শক্তি মিনিস্তরনা তকশিনখি।

খুঙ্গং খুদিংমক্তা ঈশিং ফংহন্নবা থবকশিংদা থেংনরিবা খুদোংচাদবশিং কোকহন্নবা হোৎনবা দরকার ওই। খুঙ্গংশিংদা ঈশিং ফংহনবগী থবকশিং য়েংশিন্নবা অমসুং চাং ওন্নবা সেন্সরদা য়ুমফম ওইবা ইন্তরনেত ওফ থিংসগী পাম্বৈশিং রাজ্য অসিদা চাংয়েং ওইনা শীজিন্নবা হৌবা য়াগনি। রাজ্য অসিদা ঈশিং ফংহন্নবা হোৎনবদা অমসুং থবক পাংথোকপদা শেনফম য়াম্না চঙলিবা অসিদা য়ুনিয়ন মিনিস্তরনা নুংনাংবা ফোংদোকখি। মীয়াম্না মমল হোংনবা ঈশিং চাংয়েং তৌবা য়ানবা মীয়ামগীদমক ঈশিং চাংয়েং তৌনবা লেবোরেতোরিশিং হাংদোক্নবা হায়জখি।

ঈশিং চাংনাইনা ফংহনবা অমসুং মীয়ামগী অৱাবশিং কোকহনবদা গৱা অসি তমজনফম ওইবা রাজ্য অমা ওইবা য়াগনি হায়না মীফম অদুদা খন্নখি।

*****