তঙাইফদবা ইনর্জী ১০০% পীবা ঙম্নবগী পান্দম ফংনবগীদমক অমসুং লৈবাক অসিগী সোলর পাৱরগী পান্দম ফংনবগীদমক, ইন্দিয়ন রেলৱেনা মরুওইবা স্তেকহোল্দরশিংগা লোইননা হীরম কয়াগী মতাংদা রেলৱে অমসুং কম্মর্স অমসুং ইন্দস্ত্রী মন্ত্রী শ্রী পিয়ুশ গোয়ালগী চীয়রমেনশিপকী মখাদা খন্ন-নৈনবা কয়া পাংথোকখ্রে।

নিংশিংবা য়াই, ইন্দিয়ন রেলৱেনা ত্রেক্সন পাৱরদা চঙবা মৈ খুদিংমক পীনবা অমসুং মপুং ফানা 'ত্রান্সপোর্ত্তা গ্রীন মোদ" ওইনবগীদমক লেপখিবনি।

খন্ন-নৈনবদুগী মরুওইবা হীরমশিং মখাদা পীরিঃ

১. রেলৱে ত্রেকশিংদা য়াওনা সোলর প্রোজেক্তশিং লিংখৎপা।

২. গিগাৱাৎ ২০গী রিন্যুএবল ইনর্জী ফংনবগীদমক মৈ লৈরিবসি ২০৩০ ফাওবদা চহী অমদা কার্বোন থাদোকপগী চাং জিরো ওইহনবা।

৩. ইন্দিয়ন রেলৱেনা অচৌবা সোলর ইনর্জী প্রোজেক্তশিং পায়খৎনবা হোৎনবদা থেংনগদবা খুদোংচাদবশিং

দিবেলপরশিংনা লৈবাক অসিদা ইন্দিয়ন রেলৱেনা রিন্যুএবল ইনর্জী পুথোক্নবগীদমক হোৎনরিবশিংবু শিংথাখি অমসুং ইন্দিয়ন রেলৱেনা ২০৩০ ফাওবদা নেৎ জিরো কার্বোন ইমিসন ফংনবা পান্দম থম্লিবাসিদা মতেং পাংগনি হায়না ফোংদোক্নখি।  

হায়রিবসি হন্দক্তা নৌনা ইকাইখুম্নজরবা প্রধান মন্ত্রীনা রেলৱে স্তেসনশিং সোলর ওন্থোক্নবগীদমক ফোংদোকখিবা অমসুং অহাংবা রেলৱেগী লমশিংবু রিন্যুএবল ইনর্জীগী প্রোজেক্ত পায়খৎনবগীদমক খঙহনখিবদুগী মতুংদা পায়খৎলকপনি।

মসিনা  নেস্নেল সোলর মিসন, হায়বা ভারত সরকারনা সোলর পাৱর মপাঙ্গল কনখৎনবগীদমক হোৎনরিবসিদা মতেং পাংলগনি।

মসিগী মখা তাবা অমা ওইনা, রেলৱে মন্ত্রালয়না রেলৱেগী শীজিন্নদনা লৈরিবা লমশিং অসিদা পাক চাউনা সোলর পাৱর প্লান্ত লিংখৎনবা ৱারেপ লৌখিবনি। মেগাৱাৎ ১.৭গী কেপাসিতীগী প্রোজেক্ত অমসু কে.ভি. ত্রেক্সন সিস্তেম ২৫দা শম্নদুনা মাই পাক্না বিনাদা পায়খৎখ্রে। মসিগী মথক্তা,  মেগাৱাৎ ৩গী কেপাসিতীগী সোলর পাৱর প্লান্ত অমসু রাইবরেলিগী মোদর্ন কোচ ফেক্তরী (এম.সি.এফ.)দা নন ত্রেক্সন এপ্লিকেসনগীদমক লিংখৎখ্রে। মখা তানা, প্রোজেক্ত অনী অমসু – অমনা দিবানাদা মেগাৱাৎ অনীগী অমসুং মেগাৱাৎ ৫০গী কেপাসিতীগীদমক স্তেৎ ত্রান্সমিসন য়ুতিলিতী (এস.তি.য়ু.) অমসুং সেন্ত্রেল ত্রান্সমিসন য়ুতিলিতী (সি.তি.য়ু.)দা শম্নবগীদমক পাইখৎলি।

সোলর পাৱর শীজিন্নবনা রেলৱে অমসুং কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়ালগী ইন্দিয়ন রেলৱেবু 'নেৎ জিরো কার্বোন ইমিসন রেলৱে' ওইহন্নবগী মিসন অসিদা খোংজেল য়াংশিনহল্লগনি। মসি ফংনবগীদমক, ইন্দিয়ন রেলৱেনা গিগাৱাৎ ২০গী কেপাসিতীগী সোলর পাৱর প্লান্ত অমা ২০৩০ ফাওবদা মখোয়গী লৈরিবা অহাংবা লমশিং শীজিন্নদুনা লিংখৎনবা অচৌবা প্লান অমা হৌখি। রেলৱেবু ২০২৩ ফাওবদা মৈ চাম্মদা চাম্মা থানবা ঙম্নবগীদমক ইন্দিয়ন রেলৱেগী ইনর্জী কঞ্জুমসন অসি হৌজিক চহীদা য়ুনিৎ বিল্লিয়ন ২১ ওইরম্বদগী  ২০৩০ ফাওবদা বিল্লিয়ন ৩৩ য়ৌনবা হোৎনরি।

ইন্দিয়ন রেলৱেনা হৌজিক লিংখৎনবা হোৎনরিবা সোলর প্রোজেক্তশিং অসিনা মপুং ফাহনগদবা দিকার্বোনাইজেসনগী লম্বীদা চঙশিন্ননবগীদমক মখল কয়াগী উপাইশিং পুথোক্লদুনা মসিবু মশানা মৈ পুথোকচবা অহানবা ত্রান্সপোর্ত ওর্গনাইজেসন ওইহনখ্রে। মসিনা ইন্দিয়ন রেলৱে অসি গ্রীন ওইহনবদা নত্তনা 'আত্মনির্ভর' ফংবদসু মতেং ওইরগনি।

মসিগা মরী লৈননা, অহৌবা ওইনা, ইন্দিয়ন রেলৱেগী পি.এস.য়ু. অমা ওইরিবা রেলৱে ইনর্জী মেনেজমেন্ত কম্পেনী লিমিতেদনা গিগাৱাৎ ৩গী ওইবা রেলৱেগী অহাংবা লমশিংদা অমসুং রেলৱে ত্রেকশিংদা লৈরিবা লেন্দ পার্সেলশিংদা লিংখৎনবা বিদ কৌখ্রবনি। মসিগী সোলর প্রোজেক্তশিং অসিনা, রেলৱেদা অতাবা তারিফ মমলদা মৈ পীবদা নত্তনা ত্রেক্কী নাকন নাকন্দা ফক্লাং খাগত্তুনা রেলৱেবু ঙাক শেনবদসু মতেং ওইরগনি।

রেলৱে অমসুং কম্মর্স  অমসুং ইন্দস্ত্রী মন্ত্রী শ্রী পিয়ুশ গোয়ালনা ইন্দিয়ন রেলৱেনা দিবেলপর খুদিংদা সোলর পাৱর প্লান্তশিং রেলৱেগী অহাংবা অন-এঙ্ক্রোচ ওইবা লমদা লিংখৎপদা মতেং পাংগনি হায়না ফোংদোকখি। ত্রেকশিংগী অকোইবদসু বাউন্দরী ৱাল খাগত্তুনা দিবেলপরশিংনা য়েংশিনগনি অমসুং মসিনা ত্রেক্তা মী চত্থোক চৎশিন তৌবা থিংবদা মতেং ওইরগনি।

অনৌবা লমদমসিগী ওইবা তেক্নোলোজীশিং শীজিন্নদুনা ইন্দিয়ন রেলৱেবু ইনর্জী পুথোকচবা ঙম্নবা হোৎনবনা ভারতনা থম্লিবা রিন্যুএবল ইনর্জীগী পান্দম অমসুং ঐখোয়গী ইকাইখুম্নজরবা প্রধান মন্ত্রী শ্রী নরেন্দ্র মোদীনা খঞ্জবা নেসনেল্লি দিতর্মিন্দ কত্রিব্যুসনসু মাই পাকপা ঙমগনি।

*****