হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্শ বর্ধন্না রাজস্থানগী চীফ মিনিস্তর অসোক গেলোতকা লোয়ন্না দিজিতেল ওইনা রাজস্থানদা অনৌবা মেদিকেল কোলেজ অনি অমসুং সুপর-স্পিসিএলিতি ব্লোক অহুম লৈবাক মীয়ামদা কৎথোকখ্রে। থৌরম অদুদা হেল্থ অমসুং ফেমিলি ৱেলফিয়ারগী রাজ্য মন্ত্রী অশ্বিনি কুমার চৌবেসু শরুক য়াখি।

রাজমাতা বিজয়া রাজে সিন্দিয়া মেদিকেল কোলেজ,বিলৱারা অমসুং ভারতপুর মেদিকেল কোলেজ দিস্ত্রিক হোস্পিতালশিংদগী মেদিকেল কোলেজশিং ওন্থোকখি অমসুং গভর্নমেন্ত মেদিকেল কোলেজ,কোতা; সারদার পতেল মেদিকেল কোলেজ,বিকানর; অমসুং রাবিন্দ্র নাথ তেগোর মেদিকেল কোলেজ, উদয়পুরদা সুপর-স্পিসিএলিতি ব্লোকশিং হাপচিনখি। হায়রিবা প্রোজেক অসিদা পুন্না লুপা করোর ৮২৮ থাদখিবগী মনুংদা মেদিকেল কোলেজ অমমমদা লুপা করোর ১৫০ থাদখি। কোলেজশিংদা অন্দরগ্রেজুয়েতকী সিত ১৫০ লৈ। ভারতপুর মেদিকেল কোলেজদা আই.সি.য়ু ফমুং ৩৪ য়াওনা ফমুং ৫২৫ অমসুং রাজমাতা বিজয়া রাজে সিন্দিয়া মেদিকেল কোলেজদা আই.সি.য়ু ফমুং ১২ য়াওনা ফমুং ৪৫৮ লৈগনি।

থৌরম অদুদা দোক্তর হর্শ বর্ধন্না হায়খি প্রধান মন্ত্রী নরেন্দ্র মোদীগী লমজিং মখাদা মেদিকেল ইজুকেসনগী লমদা অহোংবশিং পুরক্নবা লৈঙাক্না মরুওইবা থবকশিং পায়খৎলে। মেদিকেল কাউন্সিল ওফ ইন্দিয়া অসি অনৌবা নেসনেল মেদিকেল কমিসন্না মহুৎশীন্দুনা মেদিকেল ইজুকেসনগী লমদা অহোংবশিং পুরক্তুনা মালেমগী থাকশিং য়ৌহনবা ঙম্লগনি। হৌখিবা চহি ৫দা অনৌবা মেদিকেল কোলেজ ১৫৮ লিংখৎলে। হায়রিবা কোলেজশিং অসিগী মনুংদা কোলেজ ৪২ দিস্ত্রিক হোস্পিতালশিং মেদিকেল কোলেজশিং লিংখৎনবগী কেন্দ্রগী স্কিমগী শরুক অমা ওইনা লিংখৎপনি। স্কিম অসিগী মখাদা অনৌবা কোলেজ ১৫৭ লিংখৎনবা থৌরাং তৌরি অমসুং মসিগী মনুংদা ২০১৯-২০গী ওইনা কোলেজ ৭৫ অয়াবা পীরে।

মিনিস্তরনা মখা তানা হায়খি হৌখিবা চহি ৫দা ঐখোয়না এম.বি.বি.এস সিত ২৬,০০০ অমসুং পোস্ত-গ্রেজুয়েত সিত ৩০,০০০ হাপচিল্লে। সরকারনা অওনবা কয়া পুরকপদগী লৈবাক অসিদা মশিং য়াম্লবা মেদিকেল কোলেজশিং লিংখৎপনি অমসুং মেদিকেল সিতশিং হেনগৎপনি। হায়রিবা থবকশিং অসিনা অফবা মখলগী অনা-লায়েংগী খুদোংচাবশিং ফংবা হেনগৎহল্লগনি অমসুং চাউখৎত্রিবা মফমশিংদা মেদিকেল ইজুকেসন ফংহনবা ঙমগনি।

য়ুনিয়ন হেল্থ মিনিস্তরনা হায়খি লৈবাক অসিদা মেদিকেল ইজুকেসনগী মগুন হেনগৎহন্নবা মেদিকেল কোর্সশিংদা মিং চন্নবা নিত কৌবা কমসন ইন্ত্রান্স একজাম অমা হৌদোক্লে। রাজ্যগী থাক্তসু চুনবা নিয়মশিংগী খুৎথাংদা কমন কাউন্সেল্লিং পাংথোক্লে। হায়রিবা থবকশিং অসিনা মেদিকেলগী মিংচনবদা অরোন-অথুপ লৈহন্দবা,  মহৈরোইশিং ফগৎহনবা অমসুং মেদিকেল ইজুকেসনগী থাক হেনগৎহনবদা মতেং পাংগনি।  

দোক্তর হর্শ বর্ধন্না হায়খি হেল্থ ইজুকেসনগী অতোপ্পা হিরমশিংদসু মসিগা মান্নবা অহোংবশিং পুরক্নবা ঐখোয়না থবক পায়খৎলে। “নেসনেল কমিসন ফোর এ্ল্লাইদ এন্দ হেল্থকিয়ার প্রোফেসনেল বিল”কৌবা অনৌবা বোদি অমা শেম্নবা অনৌবা লো অমা সরকারনা অয়াবা পীরে। মসিগী লো অসি পাস হক তৌবগা, তোঙান-তোঙানবা এল্লাইদ অমসুং হেল্থকিয়ার শীনফম ৫০ হেনবগী চৎন-কাংলোনশিংগী মতাংদা অৱাৎপা অমা লৈরম্বা অদু মেনশিনবা ঙম্লগনি।

লৈবাক অসিদা অহেনবা এ.আই.আই.এম.এস ২২ লিংখৎলে, মসিগী মনুংদা ইন্সতিতুৎ ৬ থবক হৌরে অমসুং ১৪না এম.বি.বি.এস ক্লাস হৌরে।

রাজ্য মন্ত্রী অশ্বিনি কুমার চৌবেনা হায়খি রাজস্থান্না হকশেলগী লমদা খুদোংচাদবা কয়া মায়োক্নবা মরম্না কেন্দ্রগী স্কিম অসিগী খুদোংচাবা খ্বাইদগী য়াম্না ফংবা রাজ্যশিংগী মনুংদা রাজস্থান অমা ওইরি। স্কিম অসিগী ফেজ অহুমগী মনুংদা, রাজ্য অসিগী ওইনা অপুনবা মেদিকেল কোলেজ ২৩ অয়াবা পীরেল, অহানবা ফেজদা কোলেজ ৭, অনিসুবা ফেজদা ১ অমসুং অহুমসুবা ফেজদা ১৫নি। হায়রিবা কোলেজশিং অসিগী মনুংদা, অহানবা ফেজগী কোলেজ ৬ থবক হৌরে।

রাজস্থান্দা মেদিকেল কোলেজশিং লিংখৎপগীদমক চীফ মিনিস্তর অসোক গেলোতনা কেন্দ্র সরকার থাগৎখি অমসুং কোবিদ-১৯ লাইচৎ লাকশিন্নবা কেন্দ্র অমসুং রাজ্যগী থবকশিংদা রাজস্থানগী মীয়াম্না মতেং পাংনবা লম্বীশিং খন্নখি।

মসিগা ইরোইন্না, বাজপায়ি জিনা লৈবাক অসিদা পীখিবা থাজবা থবক ওইনা পাংথোকপগীদমক দোক্তর হর্শ বর্ধন্না কো-ওপরেতিপ ফেদেরেলিজম থাগৎখি। ২০০৩গী মহাক্কী নিংতম্বা নুমিৎকী ৱারোলদা হকশেলগী মচাক-মথুমশিংগী লমদা থোং মান্নদবা লৈরিবা অসি কোকহন্নবা এ.আই.আই.এম.এসশিং অমসুং রিজনেল মেদিকেল কোলেজশিংদা সুপর-স্পিসিএলিতি ব্লোকশিং লিংখৎকনি হায়না মহাক্না থাজবা পীখি।

রাজস্থানগী মেদিকেল অমসুং হেল্থ দিপার্তমেন্তগী কেবিনেৎ মিনিস্তর রগু শর্মা, রাজস্থানগী মেদিকেল অমসুং হেল্থ দিপার্তমেন্তগী রাজ্য মন্ত্রী দোক্তর সুবাস গার্গ অমসুং রাজস্থানগী অতৈ কেবিনেৎ মিনিস্তরশিং জয়পুরদগী শরুক য়াখি।

*****