খুঙ্গং চাউখৎ-থৌরাং মন্ত্রালয়
গরীব কল্যান রোজগার অভিয়ানগী মখাদা হৌজিক ফাওবদা শাখিবা স্ত্রকচরশিংগী মরক্তা ঈশিং তুংশিন্নবা স্ত্রকচর ৮৫০০০গী মথক্তা অমসুং খুঙ্গংগী য়ুম লাখ ২.৬৩ হেনবা য়াওরি
মীওই অমগী নোংমগী থবক কোতি ২৪রোম পীবা ঙমখ্রে অমসুং অভিয়ান অসিগী ৯শুবা চয়োল ফাওবদা লুপা কোতি ১৮.৮৬২ শীজিন্নখ্রে
Posted On:
26 AUG 2020 3:49PM by PIB Imphal
গরীব কল্যান রোজগার অভিয়ান (জি.কে.আর.এ.) অসি কোবিদ-১৯ লায়চৎ থোক্লকপা অসিদা মশাগী খুঙ্গংশিংদা হল্লক্লিবা মাইগ্রেন্ত শিন্মীশিং অমসুং খুঙ্গংগী মফমশিংদা লৈরিবা শোকহল্লবা প্রজাশিংদা থবক পীনবা অমসুং হিংনবগী পাম্বৈগী খুদোংচাবশিং ফংহন্নবা হৌদোকখিবনি। বিহার, ঝর্খন্দ, মধ্য প্রদেশ, ওরিশা, রাজস্থান অমসুং উত্তর প্রদেশ হায়রিবা রাজ্য ৬ অসিগী মাইগ্রেন্ত শিনমীৎশিংনা মখোয় মশাগী খুঙ্গংদা হল্লকপদা থবক পীনবা অভিয়ান অসি মিসন মোদতা থবক লৌখৎলি। রাজ্যশিং অসিগী জিলা ১১৬তা হিংনবগী পাম্বৈগী খুদোংচাবশিং পীদুনা অভিয়ান অসিনা হৌজিক খুঞ্জাশিংগী ফীভম ফগৎহল্লি।
অভিয়ান অসিগী চয়োল ৯শুরকপা অসিদা পুন্না মীওই অমগী নোংমগী থবক কোতি ২৪রোমগী থবক ফংহনখ্রে অমসুং অভিয়ান অসিগী পান্দমশিং ফংনবা হোৎনবদা লুপা কোতি ১৮,৮৬২ শীজিন্নখ্রে। হৌজিক ফাওবদা মশিং য়াম্লবা স্ত্রকচর কয়া শাখ্রে মসিদা ঈশিং তুংশিন্নবা স্ত্রকচর ৮৫,৭৮৯৬, খুঙ্গংগী য়ুম ২,৬৩,৮৪৬, শনগোন ১৯,৩৯৭, লৌবুক্কী পুখ্রি ১২,৭৯৮ অমসুং কম্ম্যুনিতী সেনিতরী কমপ্লেক্স ৪,২৬০ য়াওরি। অভিয়ান অসিগী মনুংদা দিস্ত্রিক্ত মিনরেল ফন্দশিংগী খুত্থাংদা থবক ৬৩৪২ পায়খৎখ্রে, গ্রাম পঞ্চায়ৎ ১০০২দা ইন্তর্নেৎকী খুদোংচাবা ফংহনবা, সোলিদ অমসুং লিক্বিদ ৱেস্ত মেনেজমেন্তগা মরী লৈনবা থবক পুন্না ১৩,০২২ পায়খৎখ্রে অমসুং ক্রিশি বিজ্ঞান কেন্দ্রশিং (কে.ভি.কে.শিং)গী খুত্থাংদা মীওই ৩১,৬৫৮তা স্কিল ত্রেনিং পীখ্রে।
অভিয়ান অসি হৌজিক ফাওবদা মায় পাক্লিবা অসি মন্ত্রালয়/বিভাগ ১২ অমসুং রাজ্য সরকারশিংনা পুন্না হোৎনবননি, মসিনা মাইগ্রেন্ত শিন্মীশিংদা অমসুং খুঙ্গংগী মীয়ামদা চাউনা কান্নবা ফংহল্লি। মফম অদু মক্তদা লৈহোবা পাম্বা মীওইশিংগী ওইনা থবকশিং অমসুং হিংনবগী পাম্বৈশিং মতম শাংনা পীনবা খোঙথাং লৌখৎনবা শেম শাখ্রে।
*****
(Release ID: 1648728)
Visitor Counter : 178
Read this release in:
Telugu
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Malayalam