হকশেল অমসুং য়াইফ য়ুম্বাল মন্ত্রালয়দা কোবিদ-১৯ লায়চৎ অসি য়েংলদুনা সেনিয়র সিতিজনশিংনা য়াম্না মরু ওইনা হেলথকেয়র পীবা মফমশিং অমসুং অতোপ্পা মফমদা চত্থোক চৎশিন তৌবা য়াদবগী খুদোংচাদবা কয়া লৈবা অসিগী মরম ওইদুনা অহৈবা দাক্তরগী খুত্থাংদা তেলি-মেদিসিন সর্বিস হাঙদোকপীনবা সেনিয়র সিতিজন বেনিফিশরীশিং য়াওবা তোঙানব তোঙানবা লমশিংদগী হায়জবা কয়া লাক্লি।

হেলথকেয়র ফেসিলিতীশিংদা মশা চত্ত্রবসু বর্চুএলগী খুত্থাংদা সি.জি.ঐচ.এস.কী অখঙ-অহৈশিংগা ৱা তাথোক তাশিন তৌবা য়াহন্নবা হায়দুনা সি.জি.ঐচ.এস.না ২৫/৮/২০২০দগী হৌদুনা তেলি-কন্সলতেসন সর্বিস অমা হৌদোক্লগনি। অহানবগী ওইনা মসিগী সর্বিস অসি দিল্লী/এন.সি.আর.গী মফমশিং খক্তদা ফংখিগনি। ই.-সর্বিস অসি থবক তৌবা নুমিৎশিংগী অয়ুক্কী পুং ৯দগী নুংথিলগী পুং ১২ ফাওবগী মনুংদা ফংগনি।

সি.জি.ঐচ.এস. তেলি-কন্সলতেসন সর্বিস অসিনা হকশেল মন্ত্রালয়গী হৌজিক লৈরিবা ই.-সঞ্জিবনি প্লেৎফোর্ম শিজিন্নগনি। শিজিন্নবদা লায়হন্নবা হায়দুনা প্লেৎফোর্ম অসি বেনিফিশরীশিংগী আই.দি.গা শম্নহল্লি। অহৈবা ও.পি.দি. সর্বিসকী কান্নবা ফংনবগীদমক্তা বেনিফিশরীশিংনা মখোয়গী মোবাইল নম্বর শিজিন্নদুনা প্লেৎফোর্ম অসিদা রেজিস্তর তৌগদবনি অমসুং মসিগী তুংদা মশক খঙদোক্নবা ও.তি.পি. অমা থারক্কনি। মশক খঙদোক্লবা তুংদা বেনিফিশরীশিংনা পথাপ অসিদা লোগ-ইন তৌবা য়াগনি, রেজিস্ত্রেসন ফোর্ম মেনবা য়াগনি অমসুং তোকন পীনবা হায়জবা য়াগনি। মখোয়না মখোয়গী হকশেলগী রেকোর্দসু অপ্লোদ তৌবা য়াগনি (তঙাই ফদ্রবদি)।

অনাবা অমনা এস.এম.এস.কী খুত্থাংদা পেসেন্ত আই.দি. অমসুং তোকন ফংগনি অমসুং ওনলাইনগী ক্যু অসিদা মখোয়গী মশিং কয়াদা লৈবগে হায়বসু খঙহল্লক্কনি। মখোয়গী মতম লাকপা মতমদা “কোল নাউ” হায়বা বতন অদু মথৌ তৌবা য়ারক্কনি অমসুং মসিদা নমদুনা বেনিফিশরী অমনা ভিদিও কোল তৌদুনা অখঙ-অহৈগা হীরম অসিগী মতাংদা ৱা তানবা য়াগনি। ৱা তানবা লোয়রবা তুংদা ই.-প্রেস্ক্রিপ্সন অমা থোক্লক্কনি। মসি শিজিন্নদুনা অনাবা অমনা মখোয়গী সি.জি.ঐচ.এস. ৱেলনেশ সেন্তরদগী হিদাক লৌবা য়াগনি।

কোবিদ-১৯গী মতম অসিনা মরম ওইদুনা চত্থোকপদি ঙমদবা অমসুং অখঙ-অহৈ অমগা ৱা তাননিংবা সি.জি.ঐচ.এস. বেনিফিশরীশিংগী ওইনদি মসিগী তেলি-কন্সলতেসন সর্বিস অসি য়াম্না কান্নবা অমা ওইরগনি।

অহৌবগী ওইনা মখাগী হীরমশিং অসিদা অখঙ-অহৈশিংগা ৱা তানবা য়াগনিঃ

১. মেদিসিন

২. ওর্থোপেদিক্স

৩. মিৎ

৪. ই.এন.তি.

চাং নাইবা ও.পি.দি. সর্বিসকীদমক্তা সি.জি.ঐচ.এস. বেনিফিশরী খুদিংমক অখন্নবা ৱেলনেশ সেন্তর (দবল্যু.সি.) অমগা মরী লৈনহল্লি, অদুবু বেনিফিশরী অমনা লৈবাক অসিদা লৈবা দবল্যু.সি. অমা হেক্তদা ও.পি.দি. সর্বিসকী কান্নবা লৌবা য়াগনি। অখঙ-অহৈগা ৱারী শাবগী ওইনদি বেনিফিশরী অমগী দবল্যু.সি.গী মেদিকেল ওফিসার অমনা মখা তাবা ৱা হায়গদবনি (সেনিয়র সিতিজনশিংগী ওইনদি দবল্যু.সি.দগী ৱা হায়রকপগী থৌওং অসি লৈরোই)।

******