লান শোক্নবগী অনৌবা দোমেন অমসুং কায়থগনবা তেক্নোলোজীশিং থোরকপা মরম্না লান্দা সমুদ্রদা অহোংবা অমা ওইহনখ্রে। হৌজিক থবক চত্থরিবা অমসুং মসিনা তুংদা লানশিং সোক্নবদা মিলিতরীশিংবু পুনশিন্নবা অমদি অমুক হন্না নমদুনা শেমগৎপা ঙম্বা সুনামী তেক্নোলোজী হায়বা অমা লৈ।  কায়গনবা তেক্নোলোজীশিং অসিগী শাফুগী তোঙান-তোঙানবা হিরমশিং অদু থম্নবা দিফেন্স অমসুং স্ত্রেতিজী সেমিনার ২০২০গী শরুক অমা ওইনা অগস্ত ২৪-দগী ২৫, ২০২০ ফাওবা মহৌগী আর্মি ৱার কোলেজদা “তুংদা থোরক্কদবা য়েৎনবশিং লান্থেংনবগী ফিলোজোফীগী কায়গনবা তেক্নোলোজীশিংগী শাফু”দা সমিনার অমা পাংথোকখ্রে।  থৌরম অসি কোবদ-১৯গী অথিংবশিং লৈবা মরম্না লৈবাক অসিদা মরা অমসুং ময়ুংদা শন্দোক্তুনা লৈরিবা আউতস্তেসন ৮২গা কোন্ননা মফম ৫৪দা ৱেবিনার ওইনা পাংথোকখি। পেনেলিস্তশিং অদুগী মরক্তা মরি লৈনবা থীমশিং অমসুং ৱাখল্লোনশিং শুগাইনা খংহনবা ঙম্বা অমসুং মখোয়শিং অদু নিংথিজবা পেপরশিং অমসুং দোক্ত্রিনশিং ওইনা শেম্বা ঙম্বা কয়া অমা য়াওনা মিলিতরী, তেক্নোক্রাফশিং, একাদমিসিয়নশিং য়াওখি।  এ.আর.তি.আর.এ.সি.গী জি.ও.সি. ইন চার্জনা লেফতেনেন্ত জেনরেল রাজ শুকলানা অথৌবা অমসুং থম্মোয়নুংদা য়ৌবা ঙমগদবা ৱাহৈ-ৱাতাশিংদা মরুওইবা ৱাফম ফোংদোক্তুনা থবক-থৌরম অদু হৌদোকখি। ক্লাউদ কম্প্যুতিং, আর্তিফিসিএল ইন্তলিজেন্স(এ.আই.), ওগমেন্তেদ রিএলিতী/ভর্চুএল রিএলিতী(এ.আর./ভি.আর.). রোবোতিক্স, বিগ দেতা এনালাইতিক্স, সাইবর, স্মোল সেতলাইত, ৫জি./৬জি., ক্বান্তম কম্প্যুতিং অমসুং সাইবর ৱারফেয়রগুম্বা কায়গনবা তেক্নোলোজীশিংগী মতাংদা তৌরম অদুদা খন্ন-নৈনখি। সেমিনার অসি অরুবা লৈবাক্কী মরুওইবগী দোক্ত্রিন অমসুং লাল্লোংগী ওইবা ৱাফমদা ইন্দিয়ন আর্মিগী ওইনা অফবা বোর্দ অমা ওইখি অমসুং মসিগী মহৈ ওইনা অরুবা থীমশিংগী মতাংদা পুক্নিংনা খংবা ঙম্মি। 

আর্মি স্তাফকী মকোক জেনরেল এম.এম. নরাবানেনা ইন্দিয়ন আর্মিদা মমল লৈরবা লাল্লোং লমজিং-লমতাক ফংহন্নবা অগস্ত ২৫, ২০২০দা সেমিনার অদু য়াওখি। সি.ও.এ.এস.না লান তৌনরিবগী ফীভম অমসুং লান শোক্নবদা কায়গনবা তেক্নোলোজীশিংগী শাফু অসি পুথোকখি অমসুং হৌজিক্কী অনৌবা তেক্নোলোজীশিংগী খোংজং অসি লৈরিবা খুৎলায়গী সিস্তেমশিং অমসুং প্লেৎফোর্ম অদু থাক ফগৎহনবগী পান্দমদা লুম্না লৌখি অমসুং ইন্দিয়ন আর্মিগী ফোর্সশিংনা দুএল ওইবা অমসুং কম্মর্সিএল এন্তিতীশিং অমসুং ইনোবেসনশিং অসিনা হুমদুনা পুরিবা লৈরিবা কায়গনবা তেক্নোলোজীশিং অসি মতিক চানা মাই ওনশিনগদবনি।  মহাক্না মিলিতরীগী এপ্লিকেসনশিংদা প্রদকশিং অসিগী মথৌ তাবশিং অমসুং চুনবশিং অদু মশক খংদোক্নবগীদমক্তা পাক-চাউবা নেস্নেল মিশন অসি হেন্না কনখৎহন্নবা পাঙ্গলশিং অনৌবা মওংদা ওন্থোক্নবা লাল্লোংগী শরুক ওইহনগদবনি হায়না হায়বিখি।  

সেমিনার অসি অসিগুম্বা অচৌবা স্কেলদা পাংথোকপা অহানবা ভর্চুএল ওইবা থৌরম মখল অমনি অমসুং সি.ও.এ.এস.না আর্মি কোলেজবু সেমিনার অসি মায় পাক্না পাংথোকপগীদক্তা শিংথানখি।

কোলোনেল অমন অনন্দ

পি.আর.ও.(আর্মি)

*****