প্রোফেসর (দোক্তর) হরিশ হিরানি, দিরেক্তর, সি.এস.আই.আর.-সি.এম.ই.আর.আই. দুর্গাপুর, শ্রী আর.কে. পর্মার, দিপুতী দিরেক্তর, এম.এস.এম.ই.-দি.আই. লুধিয়ানা অমসুং শ্রী বলদেব সিংহ, চীয়র্মেন, পঞ্জাব স্তেৎ এগ্রিকলচর ইমপ্লিমেন্তনা ফার্মগী মেচিনরীশিংদা মপান্দগী পুশিনলকপশিংগী মহুৎ শিন্নবগী মতাংদা ওগস্ত ২৫, ২০২০দা পাঙথোকখিবা ৱেবিনার অমদা ৱারী ৱাতাই শান্নখি।

প্রোফেসর (দোক্তর) হরিস হিরানি, দিরেক্তর সি.এস.আই.আর.-সি.এম.ই.আর.আই., দুর্গাপুরনা সি.এস.আই.আর.-সি.এম.ই.আর.আইনা পুথোকপা ফার্ম মেকানাইজেসন, এগ্রিকলচর অমসুং পোস্ত হার্বেস্ত তেক্নোলোজীগী মতাংদা মমুৎ তানা অমসুং নৈনদুনা থমখি। দা. হিরানিনা হায়খি মদুদি, সাইন্স, ইকোনোমিক্স অমসুং সোসাইতী পুনশিনবনা লৈবাক অসিগী শেন্মিৎলোনগী ইপাক্তা অহোংবা অমা পুরকপা ঙমগনি। মহাক্না সি.এস.আই.আর.-সি.এম.ই.আর.আইনা কৃষি শক্তিদা গ্রীন রিবোলুসনগী মতমদা পুথোকখিবা স্বরাজ ত্রেক্তরদগী হৌদুনা লৌউ শিংউগী লম্বীদা অহোংবা অমা পুরক্নবগীদক তেক্নোলোজী চাউখৎলকপগী খোংচৎকী মরমদা পাউদমখি। দা. হিরানিনা মহাক্কী পাউদম অদুদা, মনা মশীংগী ওইবা প্রিসিজন প্লান্তর, ওর্চার্দশিংগী ওফসেৎ রোতাভেতরদগী হৌদুনা কন্ত্রোল্দ এৎমোস্ফিয়র রিন্যুএবল ইনর্জীদা য়ুম্ফম ওইবা স্তেন্দ অলোন কোল্দ স্তোরেজ য়ুনিৎ, লিফ কল্লেক্তর সিস্তেম অমসুং ওতোমেতিক বাইও-মাস ব্রিকেতিং প্লান্তকী মতাংদা উৎখি।

লৌমীশিংগী চাগা হেনগৎনবগীদমক অমসুং মখোয়গী পোত্থোকশিংগী মমল মতীক চানা ফংনবগীদমক, সি.এস.আই.আর.-সি.এম.ই.আর.আইনা লৌরোক পান্থা মতুংগী ওইবা তেক্নোলোজীশিং পুথোকখ্রে অমসুং অৱাং নোংপোক লমদমগী মিজোরম, অরুনাচল প্রদেশ অমসুং মনিপুর য়াওনা তোঙান-তোঙানবা রাজ্যশিংদা থাদখ্রে। পোস্ত হার্ভেস্ত প্রোসেসিং তেক্নোলোজীশিং অসিদা সোসিও ইকোনোমিক্কী ওইবা শাফুশিং অৱাং নোংপোক্কী লমদমদা পীগনি অমসুং মসিনা খুলগী মীওই মরুওইনা নুপীশিংদা মেন্সত্রীম ইকোনোমিক এক্তিবিতীশিংদা শরুক য়ানবগী তাঞ্জা অমা পীরগনি।

দা. হরিশ হিরানিনা হায়খি মদুদি, ত্রেক্তর তেক্নোলোজীদা অনৌবা খোংথাং অমা ওইনা, সি.এস.আই.আর.-সি.এম.ই.আর.আইনা অহানবা জেনরেসনগী ই ত্রেক্তরশিং সেপ্তেম্বরে। ২০২০দগী হোউদোক্লগনি, মসিনা হৌজিক লৈবাক অসিদা মরুওইনা শীজিন্নরিবা দিজলগী ত্রেক্তরশিংগী মপাঙ্গল চপ চানা পীবা ঙমগনি। দা. হিরানিনা এম.এস.ই. পুম্নমকপু মাংজিল থানা চোংথোক্লক্তুনা মখোয়গী আইদিয়াশিং অমসুং মংলানশিং অদু সি.এস.আই.আর.-সি.এম.ই.আর.আইগা পুনশিন্নদুনা অমসুং মখা তানা মমল লৈহন্দুনা তেক্নো ইকোনোমীগী মখাদা ওইবা য়াবা তুংলমচৎকী তেক্নোলোজীদা মগুন হাপচিন্নবা হোৎনমিন্নসি হায়খি। লৌউ শিংউগী তুংলমচত্তি আর্তিফিসিএল ইন্তেলিজেন্স অমসুং ইফিসেন্ত ইলেক্ত্রোনিক আর্কিতেকচরনা পুদুনা চৎকনি অমসুং সি.এস.আই.আর.-সি.এম.ই.আর.আই.গী আর. এন্দ দি. কোর্সসু মাইকৈ অসিদা চৎমিন্নগনি।  সি.এস.আই.আর.-সি.এম.ই.আর.আই. অসি থাদবা হৌখ্রে অমসুং করিগুম্বা তঙাইফদ্রবদি লাকপা খুদোংচাদবশিংগী মতুং ইন্না হীরম অসিগীদমক খাইদোক্তুনা থম্লিবা সাইন্তিস্তশিংগী কাংবুনা নৌনা অমুক শেমদোক্কনি/মগুন হাপচিনগনি।

শ্রী বলদেব সিংহ অমসুং আর.কে. পার্মরবু সি.এস.আই.আর.-সি.এম.ই.আর.আই.গী তেক্নোলোজীগী মীৎয়েংশিং অসিদা পুক্নিং লুপখি। শ্রী বলদেব সিংহনা দা. হিরানিদা সি.এস.আই.আর.-সি.এম.ই.আর.আই.না হোৎনরিবা অসি মখা তানা লৈবাক অসিদা লৌ উরিবা মীওইশিংগীদমক খন্দুনা জিওগ্রাফিকেল, লৈহাউ অমসুং সোসিও ইকোনোমিক্কী পেরামিতরদা য়েংদুনা উপাই কয়া পুথোকপীনবা তকশিনখি।

*****