ভারতকী ইন্দস্ত্রীগী মকোকশিংদা ৱা ঙাংলদুনা শেল-থুম অমসুং কোর্পোরেৎ এফিয়ার্সকী কেন্দ্র মন্ত্রী শ্রীমতি নিরমলা সিতারামন্না কোবিদ-১৯ হেক শন্দোকপা হৌরকপদগী পায়খৎলক্লিবা খোঙথাংশিং অমসুং লৌখৎলক্লিবা পোলিসীশিং অসিদা উবা ফংলিবা অসিগুম্না স্ত্রকচরেল রিফোর্ম তৌবদা সরকারনা অহেনবা মিৎয়েং চংলি হায়খ্রে। অনৌবা হৌদোকখিবা পোলিসী খুদিংমক্তা স্ত্রকচরগী পোৎলমশিং য়াওরি। মসিগী মতুং ইন্না শেমদোকপশিং অসিনা ঐখোয়না হৌজিক উরিবা শেন্মিৎলোন ফগৎপগী চাং য়াম্না হেনগৎহনবদা অফবা ইথিল পীরিবা অসিনি।

মখা তাবা ওইনা ফগৎপগী চাং হেনগৎহন্নবা হায়দুনা গৃহ মন্ত্রীনা রাজ্য সরকারশিংদা মীওইশিং চত্থোক চৎশিন তৌবা অমসুং রাজ্য লান্না পোত্থোক পুথোক পুশিন তৌবা অমসুং সেবাগী থবকশিংদা অথিংবা থমদনবা হায়খ্রে। “সরকার, থবক শিল্লিবা মীওইশিং অমসুং ইন্দস্ত্রীশিংনা পুন্দুনা ভারত মচা খুদিংমক্না হৌজিক থেংনরিবা ইরাং অসিদগী থোক্লকপা ঙমহন্নবা খুৎশম্নদুনা থৌ য়ামিন্নবগী মসিদগী হেন্না ফবা অমতা লৈত্রে”, হায়না মহাক্না হায়খি।

লায়চৎ অসিনা তুরিজম, হোতেল অমসুং হোস্পিতালিতী, রীএল ইস্তেৎ অমসুং কন্সত্রক্সন অমসুং এয়রলাইনগুম্বা শেক্তর অসিদা খল কায়বা মওংদা শোকহল্লিবা অসি য়েংলদুনা শেলথুম মন্ত্রীনা হায়রিবশিং অসি শেন্মিৎলোন্দা মশক থোক্না শরুক য়াবা মরু ওইবা শেক্তরশিংনি হায়খ্রে। শেক্তরশিংগী অৱাবা কোকহন্নবা হায়দুনা হোতেল, বেঙ্ক্বেৎ অমসুং অতোপ্পা মরী লৈনবা হীরমশিংগী স্তেন্দর্দ ওপরেতিং প্রোহিজরশিং (এস.ও.পি.) অসিদা য়েংশিল্লগনি হায়না মহাক্না থাজবা পীখি। স্ত্রেতজিক দিস-ইনবেস্তমেন্তকী মতাংদা শ্রীমতি সিতারামন্না কেবিনেৎনা দিস-ইনবেস্তমেন্তকীদমক্তা অয়াবা পীখ্রবা ৱারেপশিংগী মতাংদা খোঙজেল য়াঙনা থবক পায়খৎপগী তঙাই ফদবা লৈরে হায়বা ৱাফমদা মিৎয়েং চঙখি।

সেপ্তেম্বর ২০১৯দা কোর্পোরেৎ তেক্স হন্থখিবদগী কান্নবা ফঙখিবা লন্নাইগী ইনবেস্তমেন্ত খোঙ্কাপকী ওইনদি কোবিদ-১৯গী লায়চৎ হেক হৌখিবদগী শেল থাদবগী থবক পাঙথোকপা ঙমদ্রে হায়খি।  শ্রীমতি সিতারামন্না কোবিদকী মতুংদা ওইগদৌরিবা মালেম অসিদদি হায়রিবশিং অসি মহৈ য়ানফম থোকই হায়খি। “কোবিদকী মতুংদা ওইরক্কদৌরিবশিং অসিগী থবক পায়খৎপা হৌবগা লোয়ননা মোদেলশিং অসিদা ইনবেস্তমেন্ত হেনগৎহনবগী খুত্থাংদা দেতানা চলায়বা পোত্থোক শাবগী মোদেলশিংদা মিৎয়েং চঙবা থৌওংশিং পাঙথোকফম থোক্লে”, হায়না মহাক্না মখা তানা হায়খি।

লোকেল মেন্যুফেকচরিংগী হীরমগী ওইনদি শ্রীমতি সিতারামন্না প্রদক্তিবিতী লিঙ্কদ ইন্সেন্তিব (পি.এল.আই.) স্কিমশিংনা অচৌবা মায় পাকপা ফংলে অমসুং রাজ্য ৬তা মরু ওইবা বল্ক দ্রগ শাবদা খোঙহেল য়াংখৎহনবা ঙম্লে হায়খি।

সরকারগী এজেন্সীশিংনা শেল পীবদা থেংলিবা অসিগী ওইনদি ইন্দস্ত্রীশিংদা পীফম থোকপা শেলশিং পীথোক্নবা মতম মতমগী য়েংশিনবগী থৌওংশিং চত্থরি হায়না শেলথুম মন্ত্রীনা হায়খি। শেলথুম মন্ত্রীনা মখা তানা হায়খিবদা ইনফ্রাস্ত্রকচর শেক্তরশিং অসিনা শাহৌ লৌবগী চাং হেনগৎহনবদা অচৌবা মতেং পাংলি অমসুং মসিদা মখা তানা খুমাং চাউশিলহন্নবা শেক্তরগী ৱাংমদগী শেল থাদরকপদা তরাম্না ওক্কনি হায়খি। চকা অনি পানবা গারিশিংগী জি.এস.তি. হন্থহনবগী তঙাই ফদবগী মতাংদা হংবা ৱাহংগী পাউখুম পীবদা মহাক্না হায়রিবা কাংলুপ অসি লকজরী নত্ত্রগা সিন-গুদসকী মনুং চনবা নত্তবনিনা হৌদোক্লিবা অসি য়াম্না ফজৈ অমসুং য়েংশিনফম থোকই হায়খি। মসিগী মতুং ইন্না হীরম অসিগী মতাংদা জি.এস.তি. কাউন্সিলগা মখা তানা ৱারী শারগনি হায়না মহাক্না হায়খি।

সি.আই.আই.গী প্রসিদেন্ত শ্রী উদয় কোতক্না মহাক্কী ৱা ঙাংবা হৌবদা কেন্দ্র সরকার অমসুং আর.বি.আই. অনিমক্না পায়খৎপা ঙাক্লৌ পীবগী থবকশিং অসিনা এপ্রিল-মেদা নেম্না লৈরমবদগী হৌজিক্তি হান্না লৈরমদবা ফগৎলকপগী ফিভম অদু উবা ফংলে হায়খি। অদুবু  রাজ্যশিংগী মফম মফমশিংদা থম্লক্লিবা লোকদাউনশিং অসিনা সপ্লাই তৌবদা খুদোংচাদবা থেংনবা কয়া হেনগৎলক্লে অমসুং মীয়ামগী অপাম্বা য়াম্না লৈরকপা মতমদা শাহৌ লৌবা ঙম্লোইদবগী মওং লৈরে হায়খি। নাবারদ, এস.আই.দি.বি.আই. অমসুং এন.আই.আই.এফ.কুম্বা সরকারনা মপু ওইবা ইন্সতিত্যুসনশিংগী ওইনদি শেন্মিৎলোনগী ফিভম ফগৎহনবদা তেংবাংবা ঙম্বা শেলথুমগী কোর্পোরেসন অমা ওইরকপা ঙম্বগী মতিক লৈরি।

সি.আই.আই.গী দাইরেক্তর জেনেরেল শ্রী চন্দ্রজিৎ বেনর্জীনা মহাক্কী ৱা ঙাংবদা ইন্দস্ত্রীবু লুরবা তাঞ্জা অসিদগী পুথোরকপা ঙম্নবা সরকারনা লেপ্তনা তেংবাং পীরিবা অসিগী মরমদা ৱাফম কয়া পনখি।

******