“হনী মিসন”গী মখাদা অতোপ্পা রাজ্যশিংদগী হল্লকপা শিন্মীশিং থবক ফংহন্দুনা “অত্মানির্ভর ভারত”কী মাইকৈদা চঙশিন্নবা খাদি এন্দ ভিলেজ ইন্দস্ত্রি কমিসন(কে ভি আই সি)না অচৌবা থবক অমা পায়খৎলে। এম.এস.এম.ইগী রাজ্য মন্ত্রী প্রতাপ চন্দ্র সারাঙ্গিনা ঙসি উত্তর প্রদেসকী সাহারানপুর অমসুং বুলান্দসাহর জিলাশিংদা লৈবা অতোপ্পা রাজ্যশিংদগী হল্লকপা শিন্মীশিং খোই উপু ৭০০ য়েন্থোকখি অমসুং হনী মিসনগী মখাদা মখোয়গী হিংনবা লম্বী পীখি।

সাহারানপুরগী শিন্মী ৪০ অমসুং বুলান্দসহরগী শিন্মী ৩০ অসি কোবিদ-১৯ লোকদাউন্না মরম ওইদুনা কর্নাতাকা, মহারাস্ত্রা অমসুং গুজরাত্তগী মখোয়গী খুঙ্গংশিংদা হল্লকখিবনি। প্রধান মন্ত্রীগী অত্মানির্ভর ভারতকী মখাদা , কে.ভি.আই.সিনা শিন্মীশিং মশক খঙদোকখি অমসুং মখোয়দা নুমিৎ ৫গী খোই লোইবগী ত্রেনিং পীখি অমসুং খোই লোইনবা মখোয়দা খোই উপুশিং অমসুং দরকার ওইবা খুৎলায়শিং পীখি। উত্তর প্রদেসকী নোংচুপ থংবা শরুক অসি মখল কয়াগী মহৈ-মরোংশিং হৌবগা লোয়ন্না পাম্বী কয়া মরাং কাইনা ফংবনা খোইহি পুথোকপগী চুনবা মফম অমনি। পনজোকেরাদা লৈবা কে.ভি.আই.সিগী ত্রেনিং সেন্তরদা খোই উপুশিং য়েন্থোকখি।

থৌরম অদুদা মিনিস্তরনা হায়খি শিন্মী অমনা খোই লোইদুনা থবক ফংবদগী হনী মিসনগী মরুওইবা পান্দম অমা ওইরিবা ভারতকী খোহিগী পোৎথোক হেনগৎহনবা পান্দম অসি ফংনবা হোৎনবদা মতেং পাংলগনি। মসি শিন্মীশিংগী থোংজিলদা থবক ফংহন্দুনা মখোয় মশা মরোমদোম হিংজনবা অচৌবা থবক অমনি।

থৌরম অদুদা শরুক য়াখিবা কে.ভি.আই.সিগী চেয়রমেন বিনাই কুমার সক্সেনানা হায়খি প্রধান মন্ত্রী নরেন্দ্র মোদীগী পান্দম “মশা মরোমদোম হিংজবা” অসি ফংনবা অতোপ্পা রাজ্যশিংদগী হল্লকপা শিন্মীশিংদা খোই লোইবগী শিনফম পায়খৎহনবনি। খোই লোইবনা ভারতকী খোইহিগী পোৎথোক হেনগৎহনবদা নত্তনা খোই লোইরিবা লৌমীশিংগী শেন্থোকসু হেনগৎহনগনি। মসিগী মখা তানা খোইরু য়াওনা অতৈ পোৎথোক কয়া পুথোকপা ঙমহনগনি।

অতোপ্পা রাজ্যশিংদগী হল্লকপা শিন্মীশিংনা খোই উপু অমসুং দরকার ওইবা পোৎলমশিং ফংবদা হরাওবা ফোংদোকখি অমসুং মখোয় থবক থিনবা মখা তানা অতোপ্পা রাজ্যশিংদা চৎপা মথৌ তাদ্রে হায়না ফোংদোকখি। কর্নাতাকাদগী মহাক্কী ময়ুম সাহরানপুরদা হল্লকখিবা শিন্মী অনকিৎ কুমারনা হায়খি, মহাক থবক ফংবা মীওই অমা ওইখি। অদুবু কে.ভি.আই.সিগী মতেংদগী হৌজিক মহাক অমুক হন্না থবক ফংলে। মহারাস্ত্রাদগী হল্লকখিবা অতোপ্পা শিন্মী, মোহিৎনা হায়খি খোই লোইবদগী মহাক অমুক হন্নবা মহাক্কী ইমুং-মনুং থাদোক্লম্লগা সহরদা থবক শুবা চৎলরোই। শিনফম অসিনা মহাক হেন্না ফবা হিংনবা লম্বী অমা ফংহল্লে।

লৌমীশিং, অদিবাসিশিং, নুপীশিং অমসুং থবক ফংদ্রিবা নহারোলশিং থবক ফংহন্নবা  অমসুং ভারতকী খোইহিগী পোৎথোক হেনগৎহন্নবা পান্দমদা চহি অহুমগী মমাংদা কে.ভি.আই.সিনা হনী মিসন লিংখৎখি। হৌজিক ফাওবদা কে.ভি.আই.সিনা জে অমসুং কে, হিমাচল প্রদেস, পঞ্জাব, উত্তর প্রদেস, বিহার, অরুনাচল প্রদেস, অসাম অমসুং ত্রিপুরাদা খোই উপু লাখ ১.৩৫ য়েন্থোকখ্রে। মসিনা লৈবাক অসিগী মীওই ১৩,৫০০ কান্নবা ফংহল্লে অমসুং খোইহি মেত্রিক তন ৮৫০০ রোম পুথোকপা ঙম্লে।

******