ওগস্ত ২৪দা দিল্লী দিজাস্তর মেনেজমেন্ত ওথোরিতিনা দিল্লীগী হোতেলশিং হাংদোক্নবগী অয়াবা পীবদগী আই.তি.সি.সিগী হোতেলশিং শেম-শারিবশিং য়েংশিন্নবা, তুরিজম মিনিস্ত্রিগী মখাদা লৈবা, আই.তি.দি.সিনা থবক পাংথোকপা হোতেল অশোক্কী ফিবম তুরিজম অমসুং কলচরগী রাজ্য মন্ত্রী প্রাহলাদ সিংহ পতেলনা য়েংশিনখ্রে। ২০২০গী অগস্ত ২৪দগী লৈবাক্কী কোনুংদা লৈবা ইন্দিয়া তুরিজম দিবলপমেন্ত কোরপোরেসন(আই তি দি সি)গী হোতেলশিং হন্না হাংদোক্লগনি হায়না লাউথোকখিবনি।

হোতেলশিং হন্না হাংদোকপগী মতাংদা মিনিস্তরনা হায়খি তুরিজমগী খ্বাইদগী মরুওইবা শরুক অনি হায়বদি হোতেলশিং অমসুং রেসতুরান্তশিং লৈবাক্কী কোনুংদা হাংদোকপা অসি লৈবাক মনুংদা চৎথোক-চৎশিন হেনগৎহন্নবা অমসুং ইন্দস্ত্রি অসিগী অৱাবা কোকহন্নবা অফবা খোঙথাং অমনি। লৈবাক্কী কোনুংদা তুরিজম অমসুং লৈফম-চাফমগী থবকশিং অমুক হিঙ্গৎহন্নবা দিল্লি দিজাস্তর মেনেজমেন্ত ওথোরিতিগী ৱারেপ অফবা অমনি।

आज से पर्यटन मंत्रालय के उपक्रम @ITDC_theashok होटल को खोल दिया गया,मैने वहाँ जाकर सभी प्रकार की तैयारियों को देखा और CMD सहित सभी अधिकारियों तथा कर्मचारियों को बधाई दी @PMOIndia @JPNadda @incredibleindia @MinOfCultureGoI @tourismgoi @BJP4India @BJP4MP @bjp_damoh pic.twitter.com/UDcTSxkLNE

— Prahlad Singh Patel (@prahladspatel) August 24, 2020

মীদিয়াদা ৱা ঙাংবদা মিনিস্তরনা হায়খি আই.তি.দি.সিনা মসিগী স্তাফশিংদা কোবিদ-১৯গী হকশেলগী অমসুং অশোই-অঙাম থোকহন্দনা চৎন-পথাপশিংগী মতাংদা অকন্নবা ত্রেনিং পীরে অমসুং দিবিজন খুদিংমক্কী অকুপ্পা এস.ও.পি অমা শেম্লে। কোবিদ-১৯গী ফিবম অশেংবা মতমদা য়েংশিন্নবা অমসুং দরকার ওইরকপা মতমদা থবকশিং পায়খৎনবা এদভাইজরি বোদি অমা শেম্নবা আই.তি.দি.সিনা এ.আই.আই.এম.এসকা এম.ও.য়ু অমা খুৎয়েক পীনরে।

২০২০গী জুন ৮দগী তাঙ্কক নাইনা হোতেলশিং, রেসতুরান্তশিং অমসুং লৈফম-চাফমগা মরী লৈনবা থবকশিং হৌনবা অয়াবা হোম এফেয়ার্স মিনিস্ত্রিনা পীখ্রে। হোতেলশিং, রেসতুরান্তশিং অমসুং লৈফম-চাফম ফংহনবা য়ুনিতশিং থবক পাংথোক্নবগী চৎন-পথাপশিং হেল্থ অমসুং ফেমিলি ৱেলফিয়ার মিনিস্ত্রিনা ফোঙলে অমসুং মখা তারকপা ওইনা তুরিজম মিনিস্ত্রিনা লৈবাক শীনবা থুংনা লৈরিবা হোতেলশিং, রেসতুরান্তশিং অমসুং লৈফম-চাফম ফংহনবা য়ুনিতশিংদা চৎন-পথাপশিং য়েন্থোকখ্রে।

*****